1Petera 2:8 - Baiboly Protestanta Malagasy

⁸ ,,Ary vato mahatafintohina sy vatolampy mahasolafaka’’ (Isa. 8.14); ary satria tsy nanaiky ireo, dia tafintohina tamin’ny teny izy, sady izany koa no nanendrena azy.

Baiboly Protestanta Malagasy 2011

⁸ «ary vato mahatafintohina sy vatolampy mahasolafaka» (Isa 8.14). Ary satria tsy nanaiky ireo dia tafintohina tamin’ny teny izy sady izany koa no nanendrena azy.

DIEM PROTESTANTA

⁸ dia «vato mahasolafaka sy vato mampianjera» izany. Solafaka tamin’io vato io izy ireo satria tsy manaiky ny tenin’Andriamanitra, sady ny ho solafaka rahateo no nanendrena azy ireo.

Dikateny Iombonana Eto Madagasikara

⁸ dia «vato mahasolafaka sy vato mampianjera» izany. Solafaka tamin’io vato io izy ireo satria tsy manaiky ny tenin’Andriamanitra, sady ny ho solafaka rahateo no nanendrena azy ireo.

Baiboly Katolika

⁸ ary vato mahasolafaka sy vatolampy mahatafintohina; fa tafintohina amin’ny teny izy ireo satria tsy nanaiky, sady izany rahateo no nanendrena azy.

Malagasy Bible

⁸ "Ary vato mahatafintohina sy vatolampy mahasolafaka" (Isa 8.14); ary satria tsy nanaiky ireo, dia tafintohina tamin'ny teny izy, sady izany koa no nanendrena azy.

La Bible en Malgache

⁸ «ary vato mahatafintohina sy vatolampy mahasolafaka» (Isa 8.14). Ary satria tsy nanaiky ireo dia tafintohina tamin’ny teny izy sady izany koa no nanendrena azy.

1Petera 2:8 Rohy Ifampitohizana

Joba 23:14

Eny, manatanteraka izay voatendry ho ahy Izy; Ary zavatra maro toy izany no ao aminy;

Eksodosy 9:16

Kanefa izao indrindra no nampaharetako anao, dia ny hampahita anao ny heriko mba hambara any amin’ny tany rehetra ny anarako.

Isaia 37:26

Tsy mbola renao va, hoy Jehovah, fa hatry ny fony ela no nanomanako izany. Ary hatramin’ny andro taloha no nikasako izany? Ankehitriny dia efa nahatanteraka izany Aho Ka dia nandrava tanàna mimànda ho tonga korontam-bato.

Isaia 57:14

Ary Izy hilaza hoe: Manandrata, eny, manandrata ka manamboara làlana, Esory izay mahatafintohina eny amin’ny alehan’ny oloko.

Isaia 8:14

Dia ho fitoerana masina ho anareo Izy, Fa ho vato mahatafintohina sy vatolampy mahasolafaka kosa Amin’ny firenena roa amin’ny Isiraely, Sady ho fandrika sy tonta Amin’ny mponina any Jerosalema.

Lioka 2:34

Ary Simeona nitso-drano azy ireo ka nanao tamin’i Maria, renin’ny Zaza, hoe: Indro, Ity Zaza ity no voatendry ho fandavoana sy ho fananganana ny maro ao amin’ny Isiraely ary ho famantarana holavina–

Romana 9:22

Sa ahoana kosa raha Andriamanitra, na dia ta-haneho ny fahatezerany sy hampahafantatra ny heriny aza, dia be fahari-po ka nandefitra tamin’izay fanaky ny fahatezerana voavoatra hosimbana,

1Korintiana 1:23

fa izahay kosa mitory an’i Kristy voahombo tamin’ny hazofijaliana, dia fahatafintohinana amin’ny Jiosy ary fahadalana amin’ny jentilisa,

2Korintiana 2:16

amin’ny sasany dia hanitra avy amin’ny fahafatesana ho amin’ny fahafatesana; fa amin’ny sasany kosa dia hanitra avy amin’ny fiainana ho amin’ny fiainana. Koa iza moa no antonona ho amin’izany zavatra izany?

Galatiana 5:11

Fa izaho, ry rahalahy, raha mbola mitory ny famorana ihany, nahoana aho no mbola enjehina? Dia afaka tokoa ny fahatanfitohinana noho ny hazofijaliana.

1Tesaloniana 5:9

Fa Andriamanitra tsy nanendry antsika ho amin’ny fahatezerana, fa mba hahazo famonjena amin’ny alalan’i Jesosy Kristy Tompontsika,

1Petera 2:6

Fa misy teny ao amin’ny Soratra Masina manao hoe: ,,Indro, mametraka fehizoro ao Ziona Aho, dia vato voafidy sady tsara; Ary izay mino Azy tsy ho menatra’’ (Isa. 28.16).

1Petera 2:7

Koa ny fahatsarana dia ho anareo izay mino; fa amin’izay tsy mino kosa ,,Ny vato izay nolavin’ny mpanao trano No efa tonga fehizoro’’ (Sal. 118.22),

2Petera 2:3

Ary amin’ny hafatratry ny fitiavany harena no hanaovany varotra anareo amin’ny teny mamitaka; efa ela izay no tsy nijanonjanona ny fitsarana ireny, ary tsy rendremana ny fahaverezany.

Joda 1:4

Fa misy olona sasany efa niditra misokosoko, izay voasoratra fahiny ho amin’izany fahamelohana izany, dia olona ratsy fanahy, izay mamadika ny fahasoavan’Andriamanitsika ho fijejojejoana sady mandà ny Andrian-tokana, dia Jesosy Kristy Tompontsika.