Zefania 1:14 - Baiboly Protestanta Malagasy 2011

¹⁴ Efa antomotra ny Andro lehiben’NY TOMPO; eny, efa antomotra sady miha haingana indrindra. Injany ny feon’ny Andron’NY TOMPO, mitomany mafy any ny lehilahy mahery.

DIEM PROTESTANTA

¹⁴ Manakaiky ilay andro lehibe hiavian’ny TOMPO, manakaiky sady ho tamy faingana tokoa. Vao migadona izany dia kiakam-pahakiviana, fa na ny lehilahy mahery fo aza dia hiantsoantso mafy vonjeo!

Dikateny Iombonana Eto Madagasikara

¹⁴ Manakaiky ilay andro lehibe hiavian’ny TOMPO, manakaiky sady ho tamy faingana tokoa. Vao migadona izany dia kiakam-pahakiviana, fa na ny lehilahy mahery fo aza dia hiantsoantso mafy vonjeo!

Baiboly Katolika

¹⁴ Efa akaiky ny andro lehiben’i Iaveh, efa akaiky izy sady tamy haingana dia haingana! Injay migàdona ny andron’i Iaveh! Ho velon-taraina mangidy amin’izay ny olo-mahery fo.

Baiboly Protestanta Malagasy

¹⁴ Efa antomotra ny andro lehiben’i Jehovah; Eny, efa antomotra sady mihafaingana indrindra– Injay! feon’ny andron’i Jehovah! Ny lehilahy mahery dia mitomany mafy any.

Malagasy Bible

¹⁴ Efa antomotra ny andro lehiben'i Jehovah; Eny, efa antomotra sady mihafaingana indrindra, Injay! feon'ny andron'i Jehovah! Ny lehilahy mahery dia mitomany mafy any.

La Bible en Malgache

¹⁴ Efa antomotra ny Andro lehiben’NY TOMPO; eny, efa antomotra sady miha haingana indrindra. Injany ny feon’ny Andron’NY TOMPO, mitomany mafy any ny lehilahy mahery.

Zefania 1:14 Rohy Ifampitohizana

Isaia 15:4

Mitoreo i Hesbona sy i Elale ka re hatrany Jahaza ny feony; noho izany dia miantso mafy ny miaramilan’i Moaba, mihorohoro izy ireo.

Isaia 33:7

Indreo misy lehilahy mahery mitaraina eny ivelany; ny iraka nitady fihavanana dia mitomany mafy.

Isaia 66:6

Injany misy horakoraka avy any an-tanàna, misy feo avy ao amin’ny tempoly. Feon’NY TOMPO izany, mamaly ny ataon’ny fahavalony Izy.

Isaia 8:22

Hijery ny tany izy avy eo ka indro, fahoriana sy fahamaizinana ary tebiteby mampanjombona no eo; ary horoahina ho any amin’ny haizim-pito izy.

Jeremia 25:36

Injany misy feo fitarainan’ny mpitondra sy fidradradradran’ny mpiandry ny ondry aminy! Satria efa nosimban’NY TOMPO ny saha fiandrasana azy;

Jeremia 30:7

Indrisy! Lehibe izany andro izany ka tsy misy tahaka azy; andro fahoriana ho an’i Jakoba izany, nefa ho voavonjy ho afaka amin’izany ihany izy.

Jeremia 46:5

Indrisy inona ity hitako! Raiki-tahotra sy miamboho izy, ary ny maheriny aza dia efa ripaka sady miezaka mandositra izy ka tsy miherika akory; fa misy fampangorohoroana manodidina, hoy NY TOMPO.

Jeremia 48:41

Azo ny tanàna Keriota ary azo ny manda fiarovana, ary amin’izany andro izany ny fon’ny lehilahy maherin’i Moaba dia ho tahaka ny fon’ny vehivavy mihetsi-jaza.

Ezekiela 12:23

Koa lazao aminy hoe: Izao no lazain’NY TOMPO Andriamanitra: Hatsahatro izany oha-teny izany ka tsy hatao fiteny ao amin’ny Israely intsony. Fa lazao aminy kosa hoe: Akaiky ny andro sy ny tenin’ny fahitana rehetra.

Ezekiela 30:3

Fa antomotra ny andro, Eny, antomotra ny Andron’NY TOMPO: Andro mandrahona sy fotoanan’ny Jentilisa izany.

Ezekiela 7:12

Efa mby akaiky ny fotoana, antomotra ny andro! Aoka tsy hifaly ny mpividy ary aoka halahelo ny mpivarotra! Fa iharan’ny fahatezerana mirehitra ny harembeny rehetra.

Ezekiela 7:16

Ary na dia misy afa-mandositra aza dia ho eny an-tendrombohitra izy ka ho toy ny voromailala an-dohasaha: Izy rehetra dia samy hitoloko avokoa noho ny helony.

Joela 1:15

Indrisy ny andro! Fa efa antomotra ny Andron’NY TOMPO ka tahaka ny fandringanana avy amin’ny Tsitoha no fiaviny.

Joela 2:1

Tsofy ao Ziona ny anjomara! Miantsoa mafy ao amin’ny tendrombohitro masina! Aoka hangovitra ny mponina rehetra amin’ny tany! Fa avy ny Andron’NY TOMPO, eny, efa antomotra izany,

Joela 2:11

Ary NY TOMPO mahatonga kotroka eo alohan’ny miaramilany; fa lehibe indrindra ny tobiny ary mahery izay manatanteraka ny teniny; fa lehibe ny Andron’NY TOMPO sady mahatahotra indrindra, koa iza no mahatanty izany?

Amosa 8:2

Hoy Izy: Inona no hitanao, ry Amosa? Dia hoy aho: Harona feno voankazo masaka fahavaratra. Dia hoy NY TOMPO tamiko: Tonga amin’ny Israely oloko ny farany; tsy handefitra aminy intsony Aho.

Zefania 1:10

Amin’izany andro izany, hoy NY TOMPO, dia hisy feo re mitaraina avy any amin’ny Vavahadin-kazandrano sy fidradradradrana avy ao amin’ny Tanàna ambany ary fidarabohana miezinezina any amin’ny havoana.

Zefania 1:7

Mangina eo anatrehan’NY TOMPO Andriamanitra! Fa efa antomotra ny Andron’NY TOMPO; ary NY TOMPO efa niomana hamono zavatra hatao fanatitra ka efa nanamasina ny olona nasainy.

Asan’ny Apostoly 2:20

ny masoandro dia hiova ho haizina, ary ny volana dia ho ra, alohan’ny hahatongavan’ny Andron’NY TOMPO, dia ilay sady lehibe no malaza;

Filipiana 4:5

Aoka ho fantatry ny olona rehetra ny fandeferanareo. Efa akaiky ny Tompo.

1Tesaloniana 4:16

Fa ny Tompo, Izy tenany, no hidina avy any an-danitra, miaraka amin’ny baiko sy ny feon’ny arikanjely ary ny trompetran’Andriamanitra, koa izay maty ao amin’i Kristy no hitsangana aloha;

Hebreo 12:26

izay nampihorohoro ny tany fahiny tamin’ny feony; fa ankehitriny dia efa nanao teny fikasana Izy hoe: «Indray maka indray dia tsy ny tany ihany no hampihorohoroiko, fa ny lanitra koa» (Hag 2.6).

Jakoba 5:9

Aza mifampimonomonona, ry rahalahy, fandrao hohelohina ianareo; indro ny Mpitsara dia efa mitsangana eo anoloan’ny varavarana.

2Petera 2:3

Amin’ny filana harena maloto sy ny teny mamitaka no hivarotany anareo. Ho an’ireny olona ireny dia efa hatry ny ela no niasa ny fitsarana azy ary tsy matoritory ny fahaverezany.