Levitikosy 1:3 - Baiboly Protestanta Malagasy 2011

³ Raha omby no atolony ho fanatitra dorana manontolo dia lahy tsy misy kilema no hoentiny; eo anoloan’ny varavaran’ny tranolay fihaonana no hanaterany azy mba hankasitrahana azy eo anatrehan’NY TOMPO.

DIEM PROTESTANTA

³ «Raha omby no atolotra ho sorona dorana manontolo, dia ombilahy tsy misy kilema no aoka hatolotra; eo anoloan’ny varavaran’ny Tranolay fihaonana no hitondrany azy mba hankasitrahina eo anatrehan’ny TOMPO.

Dikateny Iombonana Eto Madagasikara

³ «Raha omby no atolotra ho sorona dorana manontolo, dia ombilahy tsy misy kilema no aoka hatolotra; eo anoloan’ny varavaran’ny Tranolay fihaonana no hitondrany azy mba hankasitrahina eo anatrehan’ny TOMPO.

Baiboly Katolika

³ Raha biby vaventy no aterina ho sorona dorana, dia lahy tsy misy kilema no hateriny; ka eo anoloan’ny trano lay fihaonana no hanaterany azy, mba hankasitrahina eo anatrehan’i Iaveh.

Baiboly Protestanta Malagasy

³ Raha omby no ateriny ho fanatitra dorana, dia lahy tsy misy kilema no hateriny; eo anoloan’ny varavaran’ny trano-lay fihaonana no hanaterany azy, mba hankasitrahana eo anatrehan’i Jehovah izy.

Malagasy Bible

³ Raha omby no ateriny ho fanatitra dorana, dia lahy tsy misy kilema no hateriny; eo anoloan'ny varavaran'ny trano-lay fihaonana no hanaterany azy, mba hankasitrahana eo anatrehan'i Jehovah izy.

La Bible en Malgache

³ Raha omby no atolony ho fanatitra dorana manontolo dia lahy tsy misy kilema no hoentiny; eo anoloan’ny varavaran’ny tranolay fihaonana no hanaterany azy mba hankasitrahana azy eo anatrehan’NY TOMPO.

Levitikosy 1:3 Rohy Ifampitohizana

Genesisy 22:13

Ary niherika nijery i Abrahama ka indro, nisy ondrilahy teo aorianany, voasarangotry ny kirihitra ny tandrony; dia lasa naka ilay ondrilahy i Abrahama ary nanolotra azy ho fanatitra dorana manontolo ho solon’ny zanany.

Genesisy 22:2

Ary hoy Andriamanitra: Ento ny zanakao, ny lahitokanao, izay tianao, dia Isaka, ka mankanesa any amin’ny tany Moria, ary any no hanoloranao azy ho fanatitra dorana manontolo, ao amin’ny tendrombohitra iray izay holazaiko aminao.

Genesisy 22:8

Hoy i Abrahama: Anaka, Andriamanitra no hahita izay ondry hatao fanatitra dorana manontolo! Dia niara-nanohy ny diany ihany izy mianaka.

Genesisy 8:20

Dia nanorina alitara ho an’NY TOMPO i Noa; nanalany natao fanatitra dorana manontolo teo ambonin’ny alitara ny biby madio rehetra sy ny vorona madio rehetra.

2Tantara 29:32

Ny isan’ny fanatitra dorana manontolo izay noentin’ny fiangonana dia omby fitopolo sy ondrilahy zato ary zanak’ondry roanjato; natao fanatitra dorana manontolo ho an’NY TOMPO ireo rehetra ireo.

2Tantara 35:12

Dia natokany ny fanatitra dorana manontolo homena ny olona araka ny fizaran’ny fianakaviany, mba hatolony ho fanatitra ho an’NY TOMPO araka izay voasoratra ao amin’ny bokin’i Mosesy. Toy izany koa tamin’ny omby.

Salamo 110:3

Ny olonao dia manolo-tena an-tsitrapo amin’ny andro isehoan’ny herinao; amin’ny fihaingoana masina, tahaka ny ando ateraky ny maraina, no manatona Anao ny zatovonao.

Salamo 40:8

Ny hanao ny sitraponao, Andriamanitra ô, no sitrako ary ny lalànanao no ato anatiko.

Eksodosy 12:5

Zanak’ondry tsy misy kilema, na zanak’osy, ary lahy izay iray taona, no halainareo; halainareo amin’ny ondry na amin’ny osy izany.

Eksodosy 24:5

Dia naniraka ny zatovo teo amin’ny Zanak’Israely izy ka nitondra fanatitra dorana manontolo ireo sady namono vantotra ombilahy hatao fanati-pihavanana ho an’NY TOMPO.

Eksodosy 29:18

ary doroy ho fofona eo ambonin’ny alitara ilay ondrilahy manontolo ho fanatitra dorana manontolo ho an’NY TOMPO, dia hanitra ankasitrahana, fanatitra levonina amin’ny afo ho an’NY TOMPO.

Eksodosy 29:4

Ary ento kosa i Arona sy ny zanany hankeo amin’ny varavaran’ny tranolay fihaonana ka ampandroy amin’ny rano.

Eksodosy 29:42

Ho fanatitra mandrakariva, dorana manontolo izany, hatramin’ny taranakareo fara aman-dimby, eo anoloan’ny varavaran’ny tranolay fihaonana eo anatrehan’NY TOMPO, dia ao amin’izay hihaonako aminareo, hitenenako aminao.

Eksodosy 32:6

Dia nifoha vao maraina ny olona ka nanolotra fanatitra dorana manontolo sady nitondra fanati-pihavanana; avy eo dia nipetraka nihinana sy nisotro ny olona ary nitsangana nilalao.

Eksodosy 35:21

Dia nanatona ny olona rehetra izay nohetsehin’ny fony sy izay rehetra nentanin’ny fanahiny avy ka samy nitondra ny anjara fanomezany ho an’NY TOMPO hanaovana ny tranolay fihaonana sy ny fanompoana rehetra momba azy ary ny fitafiana masina.

Eksodosy 35:29

Ny lehilahy sy ny vehivavy rehetra izay nampirisihin’ny fony dia hitondra izay hanaovana ny zavatra rehetra nandidian’NY TOMPO hotanterahin’i Mosesy; ireny Zanak’Israely rehetra ireny dia nitondra fanatitra an-tsitrapo ho an’NY TOMPO.

Eksodosy 35:5

Makà anjara fanomezana ho an’NY TOMPO avy amin’izay anananareo: Izay rehetra entanin’ny fony dia aoka hitondra anjara fanomezana ho an’NY TOMPO, dia volamena, volafotsy, varahina,

Eksodosy 36:3

Dia noraisin’izy ireo tamin’i Mosesy ireo fandraisana anjara rehetra izay noentin’ny Zanak’Israely hanaovana ny asa amin’ny fanompoana ao amin’ny fitoerana masina. Ny olona koa dia mbola nitondra fanatitra an-tsitrapo isa-maraina ihany ho eo amin’i Mosesy.

Eksodosy 38:1

Ary nanao ny alitara fandoroana ny fanatitra dorana manontolo tamin’ny hazo akasia izy: Dimy hakiho avy ny lafiny efatra, dia efamira izany; telo hakiho kosa ny haavony.

Isaia 1:11

Hataoko inona ny zavatra betsaka vonoinareo ho fanatitra? Hoy NY TOMPO. Efa tofoka amin’ny ondrilahy atao fanatitra dorana manontolo sy ny jaboran’ny zanak’omby mifahy Aho; tsy sitrako ny ran’ny vantotra ombilahy sy ny an’ny zanak’ondry ary ny an’ny osilahy.

Ezekiela 20:40

Fa ao amin’ny tendrombohitro masina, dia ao amin’ny tendrombohitra avon’ny Israely, hoy NY TOMPO Andriamanitra, no hanompoan’ny taranak’Israely rehetra Ahy, dia izay rehetra ao amin’ny tany; ao no hankasitrahako azy, ary ao no hilako ny fanomezanareo sy ny voaloham-bokatra aterinareo amin’ny zava-masinareo rehetra.

Ezekiela 40:39

Teo amin’ny lalantsaran’ny vavahady dia nisy latabatra roa teo an-daniny roa, hamonoana ny fanatitra dorana manontolo sy ny fanatitra noho ny ota ary ny fanati-panonerana.

Levitikosy 1:10

Raha ondry na osy no atolony ho fanatitra dorana manontolo dia lahy tsy misy kilema no hatolony.

Levitikosy 14:10

Ary amin’ny andro fahavalo dia haka zanak’ondrilahy roa tsy misy kilema izy sy zanak’ondrivavy iray izay iray taona, tsy misy kilema, miampy koba tsara toto telo ampahafolon’ny efaha voaharo diloilo, ho fanatitra avy amin’ny zavamaniry ary diloilo iray loga.

Levitikosy 16:7

Ary halainy ny osilahy roa ka hapetrany eo anatrehan’NY TOMPO, eo anoloan’ny varavaran’ny tranolay fihaonana.

Levitikosy 17:4

ka tsy mitondra azy ho eo anoloan’ny varavaran’ny tranolay fihaonana, hanaterana azy ho fanatitra ho an’NY TOMPO eo anoloan’ny tabernakelin’NY TOMPO, dia ho meloka noho ny ra nalatsany io olona io ka hesorina tsy ho amin’ny fireneny izy.

Levitikosy 17:8

Ary lazao aminy hoe: Na iza na iza amin’ny taranak’Israely na amin’ny vahiny izay monina eo aminareo no manolotra fanatitra dorana manontolo na fanatitra hafa alatsa-dra

Levitikosy 17:9

ka tsy mitondra azy ho eo anoloan’ny varavaran’ny tranolay fihaonana hanatitra azy ho an’NY TOMPO dia hesorina tsy ho amin’ny fireneny.

Levitikosy 23:12

Koa amin’izay andro hanandratanareo ny amboara dia manolora zanak’ondrilahy tsy misy kilema izay herintaona ho fanatitra dorana manontolo ho an’NY TOMPO.

Levitikosy 23:18

Dia manolora zanak’ondrilahy fito tsy misy kilema, iray taona avy, miaraka amin’ny mofo sy vantotra ombilahy iray ary ondrilahy roa. Hatao fanatitra dorana manontolo ho an’NY TOMPO ireo miaraka amin’ny fanatitra avy amin’ny zavamaniry sy ny fanatitra aidina, dia fanatitra levonina amin’ny afo ho hanitra ankasitrahana ho an’NY TOMPO.

Levitikosy 3:1

Raha fanati-pihavanana no atolony, ka ombilahy na ombivavy no atolony, dia izay tsy misy kilema no hatolony eo anatrehan’NY TOMPO.

Levitikosy 4:15

Ary ny loholon’ny fiangonana dia hametraka ny tanany eo amin’ny lohan’ny vantotra ombilahy eo anatrehan’NY TOMPO dia hovonoina eo anatrehan’NY TOMPO ilay vantotra ombilahy.

Levitikosy 4:23

raha misy olona mampahafantatra azy ny fahotana nataony, dia hitondra osilahy iray tsy misy kilema ho fanatiny izy.

Levitikosy 4:3

Raha ny mpisorona voahosotra no manota ka mahameloka ny olona dia aoka izy hanolotra vantotra ombilahy tsy misy kilema noho ny fahotana izay vitany, dia fanatitra fanadiovana ho an’NY TOMPO.

Levitikosy 4:32

Raha ondry no entiny ho fanatitra noho ny ota dia vavy iray tsy misy kilema no hoentiny.

Levitikosy 5:15

Raha misy olona manao izay mahadiso ka manota tsy nahy ny amin’ireo zava-masin’NY TOMPO dia hitondra ny fanati-panonerany ho an’NY TOMPO izy, dia ondrilahy tsy misy kilema, koa sekela volafotsy no anombananao azy, araka ny sekela masina, ho fanati-panonerana.

Levitikosy 5:18

Hitondra ondrilahy iray tsy misy kilema ho eo amin’ny mpisorona izy, araka ny anombananao azy, ho fanati-panonerana. Dia hanao fanavotana ho azy ny mpisorona noho ny ota tsy nahy izay nahadiso azy, nefa tsy fantany, dia havela ny helony.

Levitikosy 6:2

Mandidia an’i Arona sy ireo zanany hoe: Izao no lalàna momba ny fanatitra dorana manontolo: Ny fanatitra dorana manontolo dia hatao eo amin’ny fatana eo an-tampon’ny alitara mandritra ny alina mandra-maraina ary ny afon’ny alitara dia hirehitra eo.

Levitikosy 6:8

Hakany eran’ny tanana ila ny koba tsara toto amin’ny fanatitra avy amin’ny zavamaniry, ny diloilo sy ny ditin-kazo manitra rehetra miaraka amin’ny fanatitra avy amin’ny zavamaniry, dia hodorany hanetroka eo ambonin’ny alitara izany fanati-pahatsiarovana izany ho hanitra ankasitrahana ho an’NY TOMPO.

Levitikosy 7:16

Raha fanalam-boady na fanatitra an-tsitrapo kosa no atolony dia amin’ny andro itondrany ny fanatiny no hihinanana azy ary hohanina ny ampitson’iny izay ambiny.

Levitikosy 8:18

Dia noentiny nanatona ny ondrilahy izay hatao fanatitra dorana manontolo; ary nametraka ny tanany teo amin’ny lohan’ny ondrilahy i Arona sy ireo zanany.

Levitikosy 8:21

Nosasany tamin’ny rano ny taovany sy ny tongony; ary nodoran’i Mosesy ho fofona teo ambonin’ny alitara ny tenan’ilay ondrilahy manontolo. Fanatitra dorana manontolo izany mba ho hanitra ankasitrahana; fanatitra levonina amin’ny afo ho an’NY TOMPO, araka izay nandidian’NY TOMPO an’i Mosesy.

Levitikosy 9:2

Dia hoy izy tamin’i Arona: Makà ombilahy kely hatao fanatitra fanadiovana sy ondrilahy ho fanatitra dorana manontolo, izay samy tsy misy kilema ka atero eo anatrehan’NY TOMPO.

Zakaria 13:7

Mifohaza, ry sabatra, hamely ny mpiandriko sy ny lehilahy izay akaiky Ahy, hoy Andriamanitra, Tompon’izao rehetra izao. Asio ny mpiandry dia hihahaka ny ondry! Ary hamerina ny tanako ho amin’ny madinika Aho.

Malakia 1:14

Ho voaozona ny mpamitaka izay manana ondrilahy ao amin’ny andian’ondriny ary mivoady, nefa mamono zavatra misy kilema hatao fanatitra ho an’ny Tompo. Fa Mpanjaka lehibe Aho, Andriamanitra, Tompon’izao rehetra izao, ary ny anarako dia atahorana any amin’ny Jentilisa.

Nomery 15:3

ka manolotra fanatitra levonina amin’ny afo ho an’NY TOMPO, na omby na ondry aman’osy hatao fanatitra dorana manontolo na fanatitra hafa alatsa-dra hanalana voady, na an-tsitrapo na amin’ny fotoam-piangonanareo, hanaovana hanitra ankasitrahana ho an’NY TOMPO

Nomery 15:8

Ary raha manolotra omby ho fanatitra dorana manontolo na ho fanatitra hafa alatsa-dra, hanalana voady, na ho fanati-pihavanana ho an’NY TOMPO ianao,

Nomery 19:2

Izao no lalàna hotandremana, dia izay nandidian’NY TOMPO: Lazao amin’ny Zanak’Israely mba hitondra vantotra ombivavy mena iray, izay tsy misy kilema na tsiny sady mbola tsy nasiana zioga.

Nomery 23:19

Andriamanitra tsy mba olona ka handainga na zanak’olombelona ka hanenina. Moa efa nilaza va Izy nefa tsy nanatanteraka? Na efa niteny va Izy ka tsy notoviny?

Nomery 23:27

Dia hoy i Balaka tamin’i Balama: Andeha hoentiko amin’ny toerana hafa indray ianao; angamba ho sitrak’Andriamanitra ny hanozonanao azy avy any!

Nomery 23:3

Dia hoy i Balama tamin’i Balaka: Mijoroa eo anilan’ny fanatitra doranao, fa izaho kosa dia handeha; angamba ho avy hitsena ahy NY TOMPO; ary izay hasehony amiko dia hambarako aminao. Dia lasa nankany amin’ny tendrombohitra iray mangadihady izy.

Nomery 23:30

Ary nanatanteraka izay efa nolazain’i Balama i Balaka ka nanatitra vantotra ombilahy iray sy ondrilahy iray teo ambonin’ny alitara tsirairay.

Nomery 28:11

Izao no hatolotrareo ho fanatitra dorana manontolo ho an’NY TOMPO amin’ny voaloham-bolanareo: Vantotra ombilahy roa sy ondrilahy iray ary zanak’ondry fito, izay iray taona avy sady tsy misy kilema,

Nomery 28:19

Izao no hatolotrareo ho fanatitra levonina amin’ny afo, dia fanatitra dorana manontolo ho an’NY TOMPO: Vantotra ombilahy roa sy ondrilahy iray ary zanak’ondry fito, izay iray taona avy, izay tsy misy kilema, no hatolotrareo;

Nomery 28:31

Dia hatolotrareo ireo ho fanampin’ny fanatitra mandrakariva, dorana manontolo, sy ny fanatitra avy amin’ny zavamaniry ampombaina azy; izay tsy misy kilema hatrany no haterinareo.

Nomery 29:13

Izao no hatolotrareo ho fanatitra dorana manontolo, dia fanatitra levonina amin’ny afo ho hanitra ankasitrahana ho an’NY TOMPO: Vantotra ombilahy telo amby folo sy ondrilahy roa ary zanak’ondry efatra amby folo, izay iray taona avy, sady tsy misy kilema izy ireo;

Nomery 29:2

Ary izao no hatolotrareo ho fanatitra dorana manontolo, ho hanitra ankasitrahana ho an’NY TOMPO: Vantotra ombilahy iray sy ondrilahy iray ary zanak’ondry fito, izay iray taona avy, sady tsy misy kilema;

Lioka 1:35

Ilay anjely namaly azy hoe: Ho tonga aminao ny Fanahy Masina, ary hisy herin’ny Avo Indrindra hanaloka anao; koa ny Masina izay haterakao dia hantsoina hoe Zanak’Andriamanitra.

Jaona 1:36

ary nahita an’i Jesosy nitsangantsangana izy ka niteny hoe: Indro ny Zanak’ondrin’Andriamanitra!

Jaona 10:7

Dia hoy indray Jesosy taminy: Lazaiko aminareo marina dia marina tokoa: Izaho no vavahadin’ondry.

Jaona 10:9

Izaho no vavahady; raha Izaho no idiran’ny olona dia hovonjena izy ka hiditra sy hivoaka sady hahazo hanina.

2Korintiana 8:12

Fa raha misy ny fahazotoana dia araka izay ananana no ankasitrahana ny mpanome fa tsy araka izay tsy ananana.

2Korintiana 9:7

Aoka ny olona rehetra samy hanome araka izay noheveriny tao am-pony avy, tsy amin’ny alahelo, na amin’ny faneriterena; satria «ny mpanome amin’ny fifaliana no tian’Andriamanitra» (Oha 22.8).

Efesiana 2:18

satria Izy no ahafahantsika roa tonta manatona ny Ray amin’ny Fanahy iray.

Efesiana 5:27

mba hasehony ho an’ny tenany izany ho fiangonana malaza, tsy misy pentimpentina, na fiketronana, na izay toy izany, fa mba ho masina sady tsy misy tsiny izy.

Deoteronomia 12:27

Ary atolory eo amin’ny alitaran’NY TOMPO Andriamanitrao ny fanatitrao dorana manontolo, dia ny henany sy ny rany; ary ny ran’ny fanatitrao hafa dia aidino eo amin’ny alitaran’NY TOMPO Andriamanitrao, fa ny henany dia azonao hohanina ihany.

Deoteronomia 15:21

Fa raha manan-kilema izy, na mandringa, na jamba, na izay kilema ratsy hafa, dia aza vonoinao ho fanatitra ho an’NY TOMPO Andriamanitrao ireny,

Deoteronomia 17:1

Aza vonoina hatao fanatitra ho an’NY TOMPO Andriamanitrao, na omby na ondry na osy, izay ratsy na misy kilema, fa fahavetavetana eo imason’NY TOMPO Andriamanitrao ny manao izany.

Hebreo 7:26

Fa Mpisoronabe tahaka izany no mendrika ho antsika: Dia izay masina, tsy misy tsiny, tsy misy loto, miavaka amin’ny mpanota ka natao avo noho ny lanitra.

Hebreo 9:14

mainka fa ny ran’i Kristy, izay nanolotra ny tenany tsy manan-tsiny ho an’Andriamanitra, tamin’ny alalan’ny Fanahy mandrakizay, no hahadio ny fieritreretanareo ho afaka amin’ny asa maty mba hanompoanareo an’Andriamanitra velona.