Josoa 11:2 - Baiboly Protestanta Malagasy 2011

² ary ireo mpanjaka tany amin’ny havoana any avaratra koa, ny tany amin’ny tany ngazana atsimon’i Kinerota, ny tany Sefela ary ny tany be havoana any Dora andrefana,

DIEM PROTESTANTA

² Nandefasany iraka ihany koa ireo mpanjaka izay any an-tendrombohitra any avaratra sy ireo mpanjaka tany amin’ny lohasahan’i Jôrdàna eo atsimon’ny farihin’i Genesareta, ary ireo mpanjaka teny amin’ny lemak’i Sefelà sy teny amoron-tsiraka akaikin’i Dôra ao andrefana.

Dikateny Iombonana Eto Madagasikara

² Nandefasany iraka ihany koa ireo mpanjaka izay any an-tendrombohitra any avaratra sy ireo mpanjaka tany amin’ny lohasahan’i Jôrdàna eo atsimon’ny farihin’i Genesareta, ary ireo mpanjaka teny amin’ny lemak’i Sefelà sy teny amoron-tsiraka akaikin’i Dôra ao andrefana.

Baiboly Katolika

² amin’ireo mpanjaka amin’ny tendrombohitra any avaratra sy any amin’ny Arabaha any atsimon’i Kenereta, any amin’ny tany lemaka sy ny havoan’i Dôra any andrefana,

Baiboly Protestanta Malagasy

² ary ireo mpanjaka tany amin’ny tany havoana any avaratra koa sy tany amin’ny tani-hay atsimon’i Kinerota sy tany amin’ny tany lemaka amoron-tsiraka ary tany amin’ny havoan’i Dora andrefana,

Malagasy Bible

² ary ireo mpanjaka tany amin'ny tany havoana any avaratra koa sy tany amin'ny tani-hay atsimon'i Kinerota sy tany amin'ny tany lemaka amoron-tsiraka ary tany amin'ny havoan'i Dora andrefana,

La Bible en Malgache

² ary ireo mpanjaka tany amin’ny havoana any avaratra koa, ny tany amin’ny tany ngazana atsimon’i Kinerota, ny tany Sefela ary ny tany be havoana any Dora andrefana,

Josoa 11:2 Rohy Ifampitohizana

1Mpanjaka 15:20

Ary nihaino an’i Asa mpanjaka i Beny-Hadada ka naniraka ny komandin’ny miaramilany hamely ny tanànan’ny Israely; ary namely an’Iona, i Dana, i Abela-Bety-Maka ary ny Kinerota manontolo mbamin’ny tanin’ny Naftaly manontolo izy.

1Mpanjaka 4:11

i Beny-Abinadaba no tao amin’ny havoanan’i Dora rehetra. I Tafata, zanakavavin’i Solomona, no vadiny;

Nomery 34:11

ary hidina avy ao Sefama hatrany Ribla any atsinanan’i Aina, dia mbola hidina ihany koa ka hipaka amin’ny moron’ny ranomasin’i Kinereta, any atsinanana;

Lioka 1:39

Ary niainga i Maria tamin’izany andro izany ka nandeha haingana ho any amin’ny faritra be havoana, ho ao an-tanàna iray any Joda.

Lioka 5:1

Koa satria nifanizina Taminy ny vahoaka mba hihaino ny tenin’Andriamanitra dia nijanona teo amoron’ny farihin’i Genesareta Jesosy;

Josoa 10:40

Ary nasian’i Josoa ny tany rehetra sy ny mpanjakany rehetra, dia ny tany amin’ny havoana, tany Negeva, tany Sefela ary ny tany am-pototry ny tendrombohitra. Tsy nasiany niangana ireny fa nataony zavatra voaozona avokoa ny manam-pofonaina rehetra, araka ny didin’NY TOMPO, Andriamanitry ny Israely.

Josoa 10:6

Ary nandefa iraka ho any amin’i Josoa teo an-toby tany Gilgala ny mponina tao Gibeona mba hiteny hoe: Aza mampiketraka ny tananao tsy hamonjy ny mpanomponao; miakara haingana ho atỳ aminay ary vonjeo sy ampio izahay fa miangona hamely anay ny mpanjakan’ny Amorita rehetra izay monina any amin’ny tany havoana.

Josoa 11:16

Dia lasan’i Josoa avokoa izany tany rehetra izany, na ny havoana na i Negeva rehetra na i Gosena rehetra, na i Sefela na ny tany ngazana na ny tany be havoana any Israely sy ny tany lemaka any aminy koa,

Josoa 11:21

Mbola nandeha ihany i Josoa tamin’izany andro izany ka namongotra ny Anakita tany amin’ny havoana, dia tany Hebrona, Debira, Anaba, ary tany amin’ny tany be havoana any Joda rehetra, ary tany amin’ny tany be havoana any Israely rehetra. Nataon’i Josoa zavatra voaozona avokoa izy sy ny tanànany.

Josoa 12:23

ny mpanjakan’i Dora eo amin’ny havoanan’i Dora, iray; ny mpanjakan’i Goima any Gilgala, iray;

Josoa 12:3

ary ny ilany atsinanan’ny tany ngazana hatreo amin’ny ranomasina Kinerota ka hatramin’ny ranomasina Arabà, ny Ranomasintsira, amin’ny lalana mankany Bety-Jesimota, ary hatrany amin’ny tany atsimo eo amin’ny sisin’i Pisga.

Josoa 13:27

ary tao amin’ny lohasaha, i Bety-Harama, i Bety-Nimra, i Sokota, i Zafona sy ny sisa tamin’ny fanjakan’i Sihona, mpanjakan’i Hesbona, ary ny moron’i Jordana hatramin’ny moron’ny ranomasina Kinereta, any andafy atsinanan’i Jordana.

Josoa 17:11

Nahazo anjara koa i Manase teo amin’Isakara sy teo amin’i Asera, dia Bety-Sana sy ny vohitra miankina aminy, Ibleama mbamin’ny vohitra miankina aminy, ny mponina any Dora mbamin’ny vohitra miankina aminy, ny mponina any Eny-Dora koa mbamin’ny vohitra miankina aminy, ao koa ny mponina any Tanàka mbamin’ny vohitra miankina aminy ary ny mponina any Megido mbamin’ny vohitra miankina aminy, dia amin’ny faritany telo ireo.

Mpitsara 1:27

I Manase dia tsy nahazo an’i Bety-Sana sy ireo vohitra miankina aminy na i Tanàka sy ireo vohitra miankina aminy, sady tsy naharoaka ny mponina tany Dora sy ireo vohitra miankina aminy, na ny mponina tany Ibleama sy ireo vohitra miankina aminy na ny mponina tany Megido sy ireo vohitra miankina aminy; nikiry hitoetra tamin’ny tany ny Kananita.