Jeremia 44:22 - Baiboly Protestanta Malagasy 2011

²² Koa dia tsy nahalefitra intsony NY TOMPO noho ny ratsy nataonareo sy noho ny fahavetavetana nataonareo; koa izany no nanaovana ny taninareo ho lao sy ho figagana ary ho fanozonana ka tsy misy mponina, tahaka ny amin’izao anio izao.

DIEM PROTESTANTA

²² Tsia, tsy lefitry ny TOMPO intsony ny fanao ratsy sy ny zavatra maharikoriko vitanareo. Noho izany, dia rava sy nampahonena ny taninareo ary tsy nisy mponina intsony, ka tonga oha-panozonana tahaka izay misy ankehitriny.

Dikateny Iombonana Eto Madagasikara

²² Tsia, tsy lefitry ny TOMPO intsony ny fanao ratsy sy ny zavatra maharikoriko vitanareo. Noho izany, dia rava sy nampahonena ny taninareo ary tsy nisy mponina intsony, ka tonga oha-panozonana tahaka izay misy ankehitriny.

Baiboly Katolika

²² Tsy nahalefitra mihoatra noho izay intsony i Iaveh, noho ny haratsian’ny nataonareo, sy noho ny fahavetavetana notanterahinareo, ka dia zary efitra lao, voaozona, ary tsy misy mponina ny taninareo, araka izao hita anio izao.

Baiboly Protestanta Malagasy

²² Ka dia tsy nahalefitra intsony Jehovah noho ny faharatsian’ny nataonareo sy noho ny fahavetavetana izay nataonareo; koa izany no nanaovana ny taninareo ho lao sy ho figagana ary ho fanozonana, ka tsy misy mponina, tahaka ny amin’izao anio izao.

Malagasy Bible

²² Ka dia tsy nahalefitra intsony Jehovah noho ny faharatsian'ny nataonareo sy noho ny fahavetavetana izay nataonareo; koa izany no nanaovana ny taninareo ho lao sy ho figagana ary ho fanozonana, ka tsy misy mponina, tahaka ny amin'izao anio izao.

La Bible en Malgache

²² Koa dia tsy nahalefitra intsony NY TOMPO noho ny ratsy nataonareo sy noho ny fahavetavetana nataonareo; koa izany no nanaovana ny taninareo ho lao sy ho figagana ary ho fanozonana ka tsy misy mponina, tahaka ny amin’izao anio izao.

Jeremia 44:22 Rohy Ifampitohizana

Genesisy 19:13

Fa horavanay ity tanàna ity satria lehibe loatra ny fitarainana momba azy ireo tonga eo anatrehan’NY TOMPO, koa naniraka anay NY TOMPO handrava azy.

Genesisy 6:3

Dia hoy NY TOMPO: Tsy mba hijanona mandrakariva ao amin’ny olona ny fofonaiko fa nofo izy, koa ho roapolo amby zato taona ihany ny androny.

2Mpanjaka 17:15

Nolaviny ny didiny sy ny fanekeny izay nataony tamin’ny razany mbamin’ny teny vavolombelony izay nananarany azy. Nandeha nanaraka ny zava-poana izy ka tonga zava-poana koa ary nanaraka ny Jentilisa manodidina azy, izay efa nandraran’NY TOMPO mba tsy halainy tahaka.

Isaia 1:24

Noho izany dia hoy NY TOMPO, Andriamanitra Tompon’izao rehetra izao, Ilay Maherin’ny Israely: E! Hamely ny mpanohitra Ahy Aho ary hamaly faty ny fahavaloko.

Isaia 43:24

Tsy nandoa vola namidy veromanitra ho Ahy ianao, na nahavoky Ahy tamin’ny jaboran’ny fanatitrao; fa nampanompo Ahy tamin’ny fahotanao kosa ianao sady nanasatra Ahy tamin’ny helokao.

Isaia 7:13

Dia hoy Isaia: Mihainoa ary, ry taranak’i Davida! Heverinareo ho zavatra kely foana va ny hanasatra ny olona no mbola hanasatra an’Andriamanitro koa ianareo?

Jeremia 15:6

Ianao efa nahafoy Ahy sady efa nihemotra, hoy NY TOMPO; koa atsotrako kosa ny tanako hamely anao, ary efa mandringana anao Aho satria efa sasatra ny manenina.

Jeremia 18:16

Izany no nahatonga ny taniny ho figagana sy ho zavatra mampisitrisitra mandrakizay; izay rehetra mandalo azy dia gaga sy mihifikifi-doha.

Jeremia 21:12

Ry taranak’i Davida, izao no lazain’NY TOMPO: Manaova fitsarana marina isa-maraina ka afaho amin’ny tanan’ny mpampahory ny olona norobaina, fandrao hivoaka toy ny afo ny fahatezerako ary hirehitra ka tsy hisy hahavono noho ny ratsy ataonareo.

Jeremia 23:2

Koa izao no lazain’NY TOMPO, Andriamanitry ny Israely, ny amin’ireo mpitondra izay miandry ny oloko: Efa nampihahaka ny ondriko sy nandao azy ianareo, fa tsy nikarakara azy; koa indro, hovaliako ianareo noho ny ratsy nataonareo, hoy NY TOMPO.

Jeremia 24:9

eny, hatolotro ho fampangovitana sy ho loza any amin’ny fanjakana rehetra ambonin’ny tany izy, ho fandatsa sy oha-pitenenana ary ambentinteny sy fanozonana any amin’ny tany rehetra izay handroahako azy.

Jeremia 25:11

Ary ity tany manontolo ity dia ho foana sy ho lao, fa ireto firenena rehetra ireto dia hanompo ny mpanjakan’i Babilona fitopolo taona.

Jeremia 25:18

dia Jerosalema, ny tanànan’ny Joda, ny mpanjakany ary ny mpanapaka, mba hahatonga azy ho tany lao sy ho figagana, ho zavatra mampisitrisitra ary fanozonana tahaka ny amin’izao anio izao;

Jeremia 25:38

Nandao ny fiereny toy ny liona tanora Izy; fa efa lao ny taniny noho ny fahasiahan’ny mpampahory sy noho ny firehetan’ny fahatezerany.

Jeremia 26:6

dia hataoko tahaka an’i Silo ity trano ity, ary hataoko fanozonana ho an’ny firenena rehetra ambonin’ny tany ity tanàna ity.

Jeremia 29:18

Ary henjehiko amin’ny sabatra sy ny mosary ary ny areti-mandringana izy ka hatolotro ho fampangovitana ny fanjakana rehetra ambonin’ny tany, ho fanozonana sy figagana sy zavatra mampisitrisitra sy fandatsa ho an’ny firenena izay nandroahako azy

Jeremia 29:19

noho ny tsy nihainoany ny teniko izay nampitondraiko ny mpaminany mpanompoko ho any aminy, eny, nifoha vao maraina Aho ka naniraka azy, nefa tsy nihaino ianareo, hoy NY TOMPO.

Jeremia 30:14

Ireo tia anao dia efa nanadino anao avokoa, tsy mba notadiaviny ianao; fa famelin’ny fahavalo no namelezako anao, dia ny famaizana tsy mitsitsy, noho ny habetsahan’ny helokao sy ny hamaroan’ny fahotanao.

Jeremia 34:22

Indro, handidy Aho, hoy NY TOMPO, ary hampivereniko ho amin’ity tanàna ity ireo; hasiany ity tanàna ity ka ho azony, dia hodorany amin’ny afo. Ary ny tanànan’ny Joda dia hofoanako tsy hisy mponina.

Jeremia 4:4

Miforà ho an’NY TOMPO ianareo, eny, forao ny fonareo, ry Joda sy ry mponina any Jerosalema! Fandrao hiseho toy ny afo ny fahatezerako noho ny ratsy ataonareo ka hirehitra, sady tsy hisy afaka hamono azy.

Jeremia 42:18

Fa izao no lazain’Andriamanitra, Tompon’izao rehetra izao, Andriamanitry ny Israely: Toy ny nampidinana ny fahatezerako sy ny fahavinirako tamin’ny mponina any Jerosalema dia toy izany no hampidinana ny fahatezerako aminareo raha mankany Ejipta ianareo; ary ho fianianana sy ho figagana ary ho fanozonana sy ho fandatsa ianareo, sady tsy hahita ity tany ity intsony.

Jeremia 44:12

Ary halaiko ny sisa amin’ny Joda, izay nikiry hankany amin’ny tany Ejipta hivahiny any, ka ho lany ritra izy rehetra; any amin’ny tany Ejipta no hahalavoany, samy ho ringan’ny sabatra sy ny mosary, eny, izy rehetra na ny kely na ny lehibe dia samy ho fatin-tsabatra sy mosary ka ho tonga fianianana sy figagana sy fanozonana ary fandatsa.

Jeremia 44:2

Izao no lazain’Andriamanitra, Tompon’izao rehetra izao, Andriamanitry ny Israely: Efa nahita ny loza rehetra izay nataoko nihatra tamin’i Jerosalema sy ny tanànan’ny Joda rehetra ianareo; ary indro, efa tany lao ireo ankehitriny ka tsy misy olona monina intsony ao aminy,

Jeremia 44:6

Dia naidina ny fahavinirako sy ny fahatezerako, eny, nandoro ny tanànan’ny Joda sy ny teny amin’ny lalamben’i Jerosalema izany ka rava sy lao ireny tahaka ny amin’izao anio izao.

Jeremia 48:9

Omeo elatra i Moaba fa hanidina izy ka ho lasa; ary ho lao ny tanànany ka tsy hisy mponina.

Jeremia 5:9

Tsy hovaliko va izy amin’izany? Hoy NY TOMPO; ary tsy hanamparako ny fahatezerako va ny firenena toy izany?

Ezekiela 39:23

Ho fantatry ny Jentilisa fa ny heloky ny taranak’Israely no nahababo azy; fa satria nivadika Tamiko izy dia izany no nanafenako ny tavako taminy sy nanolorako azy ho eo an-tanan’ny fahavalony, dia lavon-tsabatra izy rehetra.

Ezekiela 5:13

Ary ho tanteraka amin’izany ny fahatezerako, sady hampariko aminy ny fahatezerako ka hamaly faty Aho; dia ho fantany fa Izaho TOMPO no niteny izany tamin’ny fahasaro-piaroko, rehefa notanterahiko taminy ny fahatezerako.

Daniela 9:11

Eny, nandika ny lalànanao ny Israely rehetra ka niala fa tsy nihaino ny feonao, koa dia naidina taminay ny ozona lazain’ny fianianana izay voasoratra ao amin’ny lalànan’i Mosesy, mpanompon’Andriamanitra, satria efa nanota taminy izahay.

Daniela 9:12

Ary notanterahiny ny teniny, izay nolazainy hamelezana anay sy ny mpitondra izay nitondra anay, koa nataony niharan-doza lehibe izahay, fa tetỳ ambanin’ny lanitra rehetra dia tsy mbola nisy zava-nitranga tahaka izay nitranga tany Jerosalema.

Amosa 2:13

Indro, Izaho no hitambesatra aminareo toy ny fitambesatry ny sarety feno amboara.

Malakia 2:17

Efa manasatra NY TOMPO amin’ny teninareo ianareo, nefa hoy ianareo: Amin’inona moa no anasaranay Azy? Amin’ny ilazanareo hoe: Izay rehetra manao ratsy dia tsara eo imason’NY TOMPO ka ankasitrahany, na amin’ny hoe: Aiza ny Andriamanitry ny fitsarana?

Romana 9:22

Ary raha Andriamanitra izay ta haneho ny fahatezerany sy hampahafantatra ny heriny aza no be fahari-po ka nandefitra tamin’izay fanaky ny fahatezerana voavoatra hosimbana,