Jeremia 4:1 - Baiboly Protestanta Malagasy 2011

¹ Raha hiverina ianao, ry Israely, dia miverena Amiko, hoy NY TOMPO; ary raha hanaisotra ny fahavetavetanao tsy ho eo imasoko ianao ka tsy hivezivezy foana,

DIEM PROTESTANTA

¹ Raha hiverina ianao, ry Israely, hoy ny teny hentitry ny TOMPO, dia mahazo miverina amiko. Raha esorinao tsy ho hitan’ny masoko ireo sampinao maharikoriko, dia tsy hirenireny intsony ianao.

Dikateny Iombonana Eto Madagasikara

¹ Raha hiverina ianao, ry Israely, hoy ny teny hentitry ny TOMPO, dia mahazo miverina amiko. Raha esorinao tsy ho hitan’ny masoko ireo sampinao maharikoriko, dia tsy hirenireny intsony ianao.

Baiboly Katolika

¹ Raha te-hiverina ianao, ry Israely, - teny marin’i Iaveh - dia miverena amiko. Ka raha esorinao tsy ho eo anatrehako ny fahavetavetanao, dia tsy hirenireny foana intsony ianao!

Baiboly Protestanta Malagasy

¹ Raha hiverina hianao, ry Isiraely, hoy Jehovah, dia ho amiko no hiverenanao, Ary raha hanaisotra ny fahavetavetanao tsy ho eo imasoko hianao, Dia tsy hivezivezy foana,

Malagasy Bible

¹ Raha hiverina ianao, ry Isiraely, hoy Jehovah, dia ho amiko no hiverenanao, ary raha hanaisotra ny fahavetavetanao tsy ho eo imasoko ianao, dia tsy hivezivezy foana,

La Bible en Malgache

¹ Raha hiverina ianao, ry Israely, dia miverena Amiko, hoy NY TOMPO; ary raha hanaisotra ny fahavetavetanao tsy ho eo imasoko ianao ka tsy hivezivezy foana,

Jeremia 4:1 Rohy Ifampitohizana

Genesisy 35:2

Dia hoy i Jakoba tamin’izay tao an-tranony mbamin’ireo rehetra niaraka taminy: Ario ireo andriamanitra izay ao aminareo dia midiova ary soloy ny fitafianareo.

2Mpanjaka 23:13

Nolotoin’ny mpanjaka ireo toerana fanaovana sorona izay teo anoloan’i Jerosalema, teo amin’ny ankavanan’ny Tendrombohitra nahitan-doza, dia ireo naorin’i Solomona, mpanjakan’ny Israely, ho an’i Astarta, fahavetavetan’ny Sidoniana, sy ho an’i Kemosy, fahavetavetan’i Moaba, ary ho an’i Milkoma, fahavetavetan’ny taranak’i Amona.

2Mpanjaka 23:24

Nesorin’i Josia koa ny mpiantso ny fanahin’ny maty, ny mpanandro, ny terafima, ny sampy ary ny fahavetavetana rehetra izay hita tany amin’ny tany Joda sy tany Jerosalema, mba hanatanterahana ny tenin’ny lalàna voasoratra ao amin’ilay boky hitan’i Hilkia mpisorona tao amin’ny tranon’NY TOMPO.

2Tantara 15:8

Nony ren’i Asa izany teny izany sy ny faminanian’i Odeda mpaminany dia niezaka izy ka nanaisotra ny sampy fahavetavetana tamin’ny tanin’i Joda sy i Benjamina rehetra ary tamin’ny tanàna izay azony tany amin’ny tany be havoana any Efraima; nohavaoziny koa ny alitaran’NY TOMPO izay teo anoloan’ny lalantsara fidirana amin’ny tranon’NY TOMPO.

2Tantara 33:8

ary tsy hampandeha ny tongotry ny Israely hiala amin’ny tany izay efa notendreko ho an’ny razanareo intsony Aho, raha mba mitandrina koa izy ka hanatanteraka izay rehetra nandidiako azy, dia araka ny lalàna rehetra sy ny didy ary ny fitsipika izay nampilazaina an’i Mosesy.

2Tantara 34:33

Nanaisotra ny fahavetavetana rehetra tamin’ny tany rehetra izay an’ny Zanak’Israely i Josia sady nanome didy izay rehetra teo amin’ny Israely hanompo NY TOMPO Andriamaniny. Tamin’ny andro rehetra niainan’i Josia dia tsy mba niala tamin’ny fanarahana NY TOMPO, Andriamanitry ny razany, ny olona.

Isaia 31:6

Koa miverena ho amin’Izay efa nikomianareo fatratra ry Zanak’Israely ô!

Jeremia 15:19

Koa izao no lazain’NY TOMPO: Raha miverina ianao dia horaisiko indray ka hitsangana eo anatrehako; ary raha manavaka ny zava-tsoa amin’ny zava-poana ianao dia ho solom-bavako; hanatona anao indray ireny; fa tsy ianao no hanatona azy.

Jeremia 15:4

Ary ataoko ho fampangovitana ny fanjakana rehetra amin’ny tany izy noho ny amin’i Manase, zanak’i Hezekia, mpanjakan’ny Joda, dia noho izay nataony tany Jerosalema.

Jeremia 18:11

Koa amin’izany, lazao amin’ny Joda sy amin’ny mponina eto Jerosalema hoe: Izao no lazain’NY TOMPO: Indro, mamorona loza hihatra aminareo Aho ary mihevitra izay hamelezako anareo; koa samia miala amin’ny lalany ratsy avy ianareo ary ataovy tsara ny lalanareo sy ny ataonareo.

Jeremia 24:9

eny, hatolotro ho fampangovitana sy ho loza any amin’ny fanjakana rehetra ambonin’ny tany izy, ho fandatsa sy oha-pitenenana ary ambentinteny sy fanozonana any amin’ny tany rehetra izay handroahako azy.

Jeremia 25:5

Samia ianareo miala amin’ny lalan-dratsinareo avy sy amin’ny ratsy fanaonareo, dia honina any amin’ny tany izay nomen’NY TOMPO anareo sy ny razanareo hatrizay ka ho mandrakizay.

Jeremia 3:1

Raha misy lehilahy misao-bady, ary efa miala Ravehivavy ka lasa vadin’olon-kafa, moa mahazo miverina aminy indray va Ralehilahy? Tsy haloto tokoa va izany tany izany? Fa ianao dia efa nijangajanga tamin-tsakaiza maro, moa hahazo miverina Amiko indray va ianao? Hoy NY TOMPO.

Jeremia 3:12

Mandehana ka torio manatrika ny avaratra izao teny izao hoe: Miverena ianao, ry Israely mpikomy, hoy NY TOMPO; tsy hampanjombona ny tavako aminareo Aho, fa mamindra fo Aho, hoy NY TOMPO, ka tsy hitahiry fahatezerana mandrakizay.

Jeremia 3:14

Miverena, ry zaza mpikomy, hoy NY TOMPO, fa Izaho ihany no Tomponareo. Hakako iray isan-tanàna ianareo ary roa isam-pokony ka hoentiko ho any Ziona.

Jeremia 3:22

Miverena ianareo, ry zaza mpikomy, fa hositraniko ny fikomianareo. Indreto, manatona Anao izahay, fa Ianao, RY TOMPO, no Andriamanitray.

Jeremia 35:15

Nirahiko taminareo koa ny mpaminany mpanompoko rehetra, eny, nifoha vao maraina Aho ka naniraka azy hiteny hoe: Samia miala amin’ny lalanareo ratsy ianareo ankehitriny, ary ataovy tsara ny ataonareo, ary aza manaraka andriamanitra hafa hanompo azy, dia honina amin’ny tany izay nomeko anareo sy ny razanareo ianareo; nefa tsy nanongilana ny sofinareo na nihaino Ahy ianareo.

Jeremia 36:3

Angamba hohenoin’ny taranak’i Joda ny loza rehetra izay kasaiko hatao aminy ka samy hiala amin’ny lalany ratsy avy izy dia havelako ny helony sy ny fahotany.

Jeremia 4:4

Miforà ho an’NY TOMPO ianareo, eny, forao ny fonareo, ry Joda sy ry mponina any Jerosalema! Fandrao hiseho toy ny afo ny fahatezerako noho ny ratsy ataonareo ka hirehitra, sady tsy hisy afaka hamono azy.

Jeremia 7:3

Izao no lazain’Andriamanitra, Tompon’izao rehetra izao, Andriamanitry ny Israely: Ataovy tsara ny lalanareo sy ny ataonareo dia hamponeniko amin’ity tany ity ianareo.

Jeremia 7:5

Fa raha ahitsinareo tsara ny lalanareo sy ny ataonareo, raha mitsara marina ny adin’olona amin’ny namany ianareo,

Jeremia 7:7

dia hamponeniko amin’ity tany ity ihany ianareo, eto amin’ny tany nomeko ny razanareo, hatramin’ny ela ka ho mandrakizay.

Ezekiela 11:18

Ary ho tonga ao izy ka hanaisotra ny zava-maharikorikony rehetra sy ny fahavetavetany rehetra.

Ezekiela 18:13

na mampanjana-bola, na maka tombony, moa ho velona va izy? Tsy ho velona izy; nanao ireo fahavetavetana rehetra ireo izy; ho faty tokoa izy ary ny rany dia ho aminy ihany!

Ezekiela 43:9

Fa amin’izao kosa dia aoka hariany lavitra Ahy ny fijangajangany sy ny fatin’ny mpanjakany, dia honina eo anivony mandrakizay Aho.

Hosea 14:1

Hovaliana i Samaria noho ny helony satria nikomy tamin’Andriamaniny izy. Ho lavon-tsabatra izy, ny zanany madinika dia hotorotoroina ary ny kibon’ny bevohoka eo aminy dia hotatahana.

Hosea 2:2

Dia hiara-mivory ny taranak’i Joda sy ny taranak’Israely ka hifidy iray ho lohany izy ireo, ary hisondrotra ambony eo amin’ny tany; fa ho lehibe ny andron’i Jezirela.

Hosea 7:16

Miverina ihany izy nefa tsy ho amin’ny Avo; tonga tahaka ny tsipìka mivaona fandeha izy; ho lavon-tsabatra ny mpanapaka azy noho ny firehitry ny lelany. Izany no ho fandatsana azy any amin’ny tany Ejipta.

Joela 2:12

Koa na dia ankehitriny aza, hoy NY TOMPO, dia miverena Amiko amin’ny fonareo manontolo, amin’ny fifadian-kanina sy ny fitomaniana ary ny fitarainana.

Zakaria 1:4

Aza mba toy ny razanareo izay nantsoin’ny mpaminany fahiny hoe: Izao no lazain’Andriamanitra, Tompon’izao rehetra izao: Mialà amin’ny lalan-dratsinareo sy amin’ny ratsy fanaonareo ianareo! Nefa tsy nankatò na nihaino Ahy izy, hoy NY TOMPO.

Deoteronomia 27:15

Ho voaozona ny olona izay manao sarin-javatra voasokitra na sarin-javatra voarendrika, izay fahavetavetana eo imason’NY TOMPO, asan’ny tanan’ny mpahay taozavatra, ka mametraka azy ao amin’ny takona. Dia hamaly ny vahoaka rehetra hoe: Amena.

Deoteronomia 4:30

Raha azom-pahoriana ianao, fa manjo anao ireo zavatra rehetra ireo, dia hiverina amin’NY TOMPO Andriamanitrao ianao any am-parany ka hihaino ny feony;

Josoa 24:14

Koa ankehitriny, matahora NY TOMPO ka manompoa Azy amin’ny fahitsiana sy ny fahamarinana; ary ario ny andriamanitra izay notompoin’ny razanareo tany andafin’ny ony Eofrata sy tany Ejipta ka manompoa NY TOMPO.

Mpitsara 10:16

Dia nanary ireo andriamanitra hafa tao aminy izy ka nanompo NY TOMPO; tsy nahazaka nijery ny fijalian’ny Israely intsony NY TOMPO.

1Samoela 7:3

Dia hoy i Samoela tamin’ny taranak’Israely rehetra: Raha miverina amin’NY TOMPO amin’ny fonareo manontolo tokoa ary ianareo dia ario hiala aminareo ny andriamanitra tsy izy sy ireo Astarta ka ampiomany ho an’NY TOMPO ny fonareo, ary aoka Izy ihany no hotompoinareo, dia hamonjy anareo amin’ny tanan’ny Filistina Izy.