Eksodosy 12:27 - Baiboly Protestanta Malagasy 2011

²⁷ Dia holazainareo hoe: Izao dia famonoana ny Paska an’NY TOMPO, izay nandalo fotsiny ny tranon’ny Zanak’Israely tany Ejipta; raha namely ny Ejiptiana Izy dia namonjy ny tao an-tranontsika kosa. Dia niankohoka tamin’ny tany ny olona ka nivavaka.

DIEM PROTESTANTA

²⁷ dia hovalianareo hoe: «Sorona atolotra ny TOMPO amin’ny andro Paska io. Fony mbola tany Ejipta manko ny Israelita, dia nanafay ny Ejiptianina ny TOMPO, fa nandalo fotsiny kosa teo anoloan’ny tranonay ka nanafaka ny fianakavianay.» Dia niankohoka ny vahoaka israelita mba hivavaka amin’ny TOMPO.

Dikateny Iombonana Eto Madagasikara

²⁷ dia hovalianareo hoe: «Sorona atolotra ny TOMPO amin’ny andro Paska io. Fony mbola tany Ejipta manko ny Israelita, dia nanafay ny Ejiptianina ny TOMPO, fa nandalo fotsiny kosa teo anoloan’ny tranonay ka nanafaka ny fianakavianay.» Dia niankohoka ny vahoaka israelita mba hivavaka amin’ny TOMPO.

Baiboly Katolika

²⁷ Dia hovalinareo hoe: Izao no soron’ny Paka, fankalazana an’i Iaveh, fa nolalovany fotsiny ny tranon’ny zanak’i Israely tany Ejipta, fony namely an’i Ejipta, fa namonjy ny tranontsika kosa. Dia niondrika ny vahoaka ary niankohoka.

Baiboly Protestanta Malagasy

²⁷ dia holazainareo hoe: Izao dia famonoana ny Paskan’i Jehovah, Izay nandalo ny tranon’ny Zanak’Isiraely tany Egypta, raha namely ny Egyptiana Izy, fa namonjy ny tao an-tranontsika. Dia niondrika ny olona ka nivavaka.

Malagasy Bible

²⁷ dia holazainareo hoe: Izao dia famonoana ny Paskan'i Jehovah, Izay nandalo ny tranon'ny Zanak'Isiraely tany Egypta, raha namely ny Egyptiana Izy, fa namonjy ny tao an-tranontsika. Dia niondrika ny olona ka nivavaka.

La Bible en Malgache

²⁷ Dia holazainareo hoe: Izao dia famonoana ny Paska an’NY TOMPO, izay nandalo fotsiny ny tranon’ny Zanak’Israely tany Ejipta; raha namely ny Ejiptiana Izy dia namonjy ny tao an-tranontsika kosa. Dia niankohoka tamin’ny tany ny olona ka nivavaka.

Eksodosy 12:27 Rohy Ifampitohizana

1Tantara 29:20

Ary hoy i Davida tamin’ny fiangonana rehetra: Miangavy anareo aho, misaora NY TOMPO Andriamanitrareo! Ary ny fiangonana rehetra dia nisaotra NY TOMPO, Andriamanitry ny razany, sady niondrika ka niankohoka teo anatrehan’NY TOMPO sy ny mpanjaka.

2Tantara 20:18

Dia niankohoka tamin’ny tany i Josafata; ary ny Joda sy ny mponina rehetra tany Jerosalema koa dia niankohoka teo anatrehan’NY TOMPO ka nivavaka.

2Tantara 29:30

Nasain’i Hezekia mpanjaka sy ny mpanapaka hihira sy hidera NY TOMPO tamin’ny teny namboarin’i Davida sy i Asafa mpahita ny levita. Ary nihira fiderana tamin-kafaliana izy, dia niankohoka tamin’ny tany ka nivavaka.

Nehemia 8:6

Ary nisaotra NY TOMPO, Andriamanitra lehibe i Ezra; ary nanandra-tanana ny olona rehetra ka namaly hoe: Amena, Amena! Dia niondrika izy sady niankohoka tamin’ny tany teo anatrehan’NY TOMPO.

Salamo 44:1

Ny sofinay no nandrenesanay, Andriamanitra ô, ny razanay no nitantara taminay ny asa nataonao tamin’ny androny, tamin’ny andro fahiny.

Salamo 78:5

Fa nanorina teny vavolombelona teo amin’i Jakoba Izy ary teo amin’ny Israely no nametrahany lalàna izay nandidiany ny razantsika, hampahafantariny ny zanany,

Eksodosy 10:2

ary mba hotantaraina ho ren’ny zanakao sy ny zafinao ny nanaovako ny Ejiptiana sy ny amin’ireo famantarana nataoko teo aminy, mba ho fantatrareo fa Izaho no TOMPO.

Eksodosy 12:11

Toy izao no hataonareo rehefa mihinana azy: Ho voasikina ianareo, ary hisy kapa ny tongotrareo, ary ho eny an-tananareo ny tehinareo; dia hohaninareo haingana izany, fa Paska an’NY TOMPO.

Eksodosy 12:23

Fa handeha hamely ny Ejiptiana NY TOMPO; ary raha mahita ny ra eo amin’ny tataom-baravarana sy ny tolàna roa NY TOMPO dia handalo fotsiny ny varavarana ka tsy havelany hiditra ao an-tranonareo hamely anareo ny mpandringana.

Eksodosy 12:28

Ary nandeha ny Zanak’Israely ka nanatanteraka izany. Araka izay nandidian’NY TOMPO an’i Mosesy sy i Arona no nataony.

Eksodosy 13:14

Ary raha manontany anao ny zanakao amin’ny andro ho avy ka hiteny hoe: Inona no anton’izao? Dia holazainao aminy hoe: Tanana mahery no nitondran’NY TOMPO antsika nivoaka avy tany Ejipta, tamin’ny trano nanandevozana;

Eksodosy 13:8

Hambaranao amin’ny zanakao amin’izany andro izany hoe: Noho ny nataon’NY TOMPO tamiko tamin’ny nivoahako avy tany Ejipta no anaovako izao.

Eksodosy 34:25

Aza manolotra ny ran’ny zavatra vonoina hatao fanatitra ho Ahy ianao, raha mbola misy masirasira ao aminao; ary aza avela ho tra-maraina ny zavatra vonoina hatao fanatitra ho Ahy amin’ny andro firavoravoana amin’ny Paska.

Eksodosy 34:8

Ary i Mosesy dia niondrika haingana tamin’ny tany ka niankohoka,

Eksodosy 4:31

Dia nino ny olona. Rehefa reny fa NY TOMPO efa namangy ny Zanak’Israely ka efa nitsinjo ny fahoriany dia niankohoka tamin’ny tany izy ka nivavaka.

1Korintiana 5:7

Esory ny masirasira tranainy mba ho vongana vaovao ianareo, araka izay tsy isian’ny masirasira anareo. Fa voavono Kristy, Paska ho antsika;

Deoteronomia 16:2

Vonoy ny Paska an’NY TOMPO Andriamanitrao, dia ondry aman’osy sy omby, eo amin’ny tany izay hofidin’NY TOMPO hampitoerany ny anarany.

Deoteronomia 16:5

Tsy hisy azonao amonoana ny Paska anefa ny tanànanao rehetra izay omen’NY TOMPO Andriamanitrao anao;