Zakaria 6:15 - Baiboly Katolika

¹⁵ Ho tonga hanao ny tempolin’i Iaveh ny avy lavitra, ka ho fantatrareo fa i Iavehn’ny tafika no naniraka ahy ho atỳ aminareo. Ho tanteraka izany, raha manaiky tsara ny feon’i Iaveh ianareo.› »

Baiboly Protestanta Malagasy 2011

¹⁵ Ary izay lavitra dia ho avy ka hanangana ny tempolin’NY TOMPO ka ho fantatrareo fa Andriamanitra, Tompon’izao rehetra izao, no naniraka ahy ho aminareo. Dia ho tonga izany raha mazoto mihaino ny feon’NY TOMPO Andriamanitrareo ianareo.

DIEM PROTESTANTA

¹⁵ Hisy koa olona avy lavitra ho tonga hanampy amin’ny fanamboarana ny tempolin’ny TOMPO. Amin’izay dia hiaiky ianareo fa ny TOMPOn’izao rehetra izao no naniraka ahy ho atỳ aminareo. Ho tonga izany, raha mankatò ny TOMPO Andriamanitrareo ianareo.

Dikateny Iombonana Eto Madagasikara

¹⁵ Hisy koa olona avy lavitra ho tonga hanampy amin’ny fanamboarana ny tempolin’ny TOMPO. Amin’izay dia hiaiky ianareo fa ny TOMPOn’izao rehetra izao no naniraka ahy ho atỳ aminareo. Ho tonga izany, raha mankatò ny TOMPO Andriamanitrareo ianareo.

Baiboly Protestanta Malagasy

¹⁵ Ary izay lavitra dia ho avy ka hanao ao amin’ny tempolin’i Jehovah, ka dia ho fantatrareo fa Jehovah, Tompon’ny maro, no naniraka ahy ho aminareo. Dia ho tonga izany, raha hazoto hihaino ny feon’i Jehovah Andriamanitrareo hianareo.

Malagasy Bible

¹⁵ Ary izay lavitra dia ho avy ka hanao ao amin'ny tempolin'i Jehovah, ka dia ho fantatrareo fa Jehovah, Tompon'ny maro, no naniraka ahy ho aminareo. Dia ho tonga izany, raha hazoto hihaino ny feon'i Jehovah Andriamanitrareo ianareo.

La Bible en Malgache

¹⁵ Ary izay lavitra dia ho avy ka hanangana ny tempolin’NY TOMPO ka ho fantatrareo fa Andriamanitra, Tompon’izao rehetra izao, no naniraka ahy ho aminareo. Dia ho tonga izany raha mazoto mihaino ny feon’NY TOMPO Andriamanitrareo ianareo.

Zakaria 6:15 Rohy Ifampitohizana

Isaia 3:10

Lazao amin’ny marina fa sambatra izy, satria hihinana ny vokatry ny asany.

Isaia 49:12

Indreo ny sasany avy lavitra, indreo ny sasany avy any avaratra sy avy any andrefana, ary indreo koa ireo avy any amin’ny tanin’ny Sinima.

Isaia 57:19

Izay manisy fiderana eo am-bava dia milaza manao hoe: «Fiadanana, fiadanana, ho an’ny lavitra sy ny akaiky, hoy i Iaveh, ary hanasitrana azy Aho!...»

Isaia 60:10

Ny taranaky ny firenen-kafa, no hanangana ny mandanao, ary ny mpanjakany ho mpanomponao. Satria nikapoka anao tamin’ny hatezerako Aho, fa mamindra fo anao, amin’ny fitiavako kosa.

Jeremia 7:23

Fa ny amin’ny didy nomeko azy ireo, dia izao no nolazaiko taminy: Mihainoa ny feoko; ary Izaho no Andriamanitrareo, ary ianareo no vahoakako; mizora amin’ny lalana rehetra handidiako anareo, mba ho sambatra ianareo.»

Zakaria 2:13

Fa indro Aho manetsika ny tanako eo ambonin’ireny, ka izy ireo ho tonga remby ho an’ireo manompo azy; ary ianareo, hahalala fa i Iavehn’ny tafika no naniraka ahy.

Zakaria 3:7

Izao no lazain’i Iavehn’ny tafika: Raha mizotra amin’ny lalako ianao sy mahatoky ianao amin’ny fanaovana ny raharahako, dia hanapaka ny tranoko koa ianao; sy hiambina ny kianjako, sady havelako malalaka hiditra ho isan’ireto izay mitoetra atỳ.

Zakaria 6:12

Lazao aminy hoe: Izao no lazain’i Iavehn’ny tafika: ‹Indro lehilahy anankiray atao hoe Solofo; hitsimoka eo amin’ny fitoerany izy, ka hanao ny tempolin’i Iaveh.

Asan’ny Apostoly 2:39

Satria ho anareo no nanaovana ny fampanantenana, sy ho an’ny zanakareo, ary ho an’izay rehetra any lavitra any, rehefa mety ho nantsoin’ny Tompo Andriamanitsika.»

Romana 16:26

fa voaseho ankehitriny tamin’ny soratry ny mpaminany, araka ny didin’ny Andriamanitra mandrakizay; ka nampahafantarina ny firenena rehetra mba hanekeny ny finoana

Deoteronomia 30:10

raha mihaino ny feon’i Iaveh Andriamanitrao ianao, ka mitandrina ny didy aman-dalàna voasoratra amin’ity bokin’ny lalàna ity, raha miverina amin’i Iaveh Andriamanitrao, amin’ny fonao rehetra, sy amin’ny fanahinao rehetra.