Salamo 63:9 - Baiboly Katolika

⁹ Tafaraikitra aminao ny fanahiko; manohana ahy ny Tananao ankavanana.

Baiboly Protestanta Malagasy 2011

⁹ Fa ireny dia mitady ny aiko ka mampidi-doza amin’ny tenany; hiditra any ambanin’ny tany izy;

DIEM PROTESTANTA

⁹ Mifikitra aminao ny tenako manontolo, satria manohana ahy ny herinao.

Dikateny Iombonana Eto Madagasikara

⁹ Mifikitra aminao ny tenako manontolo, satria manohana ahy ny herinao.

Baiboly Protestanta Malagasy

⁹ Fa ireny dia mitady ny aiko ka mampidi-doza amin’ny tenany; Hiditra any ambanin’ny tany izy;

Malagasy Bible

⁹ Fa ireny dia mitady ny aiko ka mampidi-doza amin'ny tenany; hiditra any ambanin'ny tany izy;

La Bible en Malgache

⁹ Fa ireny dia mitady ny aiko ka mampidi-doza amin’ny tenany; hiditra any ambanin’ny tany izy;

Salamo 63:9 Rohy Ifampitohizana

Joba 40:13

Ataovy indray manitrika ao amin’ny vovoka izy rehetra; hidio ao amin’ny maizina izy rehetra.

Salamo 18:36

Ny ampingan’ny famonjenao nomenao ahy; ny tananao ankavanana manohana ahy; ary ny hamoram-ponao no mahalehibe ahy.

Salamo 35:26

Aoka hiara-menatra sy hangaihay avokoa izay mifaly noho ny loza manjò ahy. Aoka ho safo-kenatra sy afa-baraka, izay mitsangan-kamely ahy!

Salamo 35:4

Aoka ho menatra sy hangaihay izay mitady ny aiko; aoka hihemotra sy hangaihay izay mihevitra hampidi-doza amiko.

Salamo 38:12

Manalavitra ny feriko ny sakaiza ama-namako, ary ny havako mihatakataka amiko.

Salamo 40:14

Ry Iaveh ô, mba ankasitraho ny hanafaka ahy! Ry Iaveh ô, faingàna hamonjy ahy!

Salamo 55:15

Nifanerasera tamim-pifankazarana mamy isika; niara-nandeha tamin’ny maro, ho any an-tranon’Andriamanitra isika.

Salamo 55:23

Miankìna amin’i Iaveh fa hanohana anao Izy; tsy havelany hangozohozo mandrakariva ny marina.

Salamo 70:2

Ry Andriamanitra ô, faingàna hanafaka ahy! Tompo ô, faingàna hamonjy ahy!

Salamo 86:13

Fa lehibe ny hatsaram-ponao amiko, notsoahanao tany amin’ny Seoly ny fanahiko.

Salamo 9:17

Fa niseho i Iaveh nanao ny fitsaràny, ka ny asan-tanan’ny ratsy fanahy ihany no naningorany azy. - Higaiona. - Selà

Tononkiran’i Solomona 8:5

Iza ity vehivavy, miakatra avy any an’efitra, mitehina amin’ny malalany? Teo ambanin’ny hazo pôma no namohazako anao, teo no torontoronina anao ireninao. Teo izy no torontoronina anao, tao izy no nampahita masoandro anao.

Isaia 14:15

Kanjo indro ianao latsaka atỳ amin’ny Seoly, atỳ amin’ny hantsana lalina tsy hita noanoa!

Isaia 14:19

fa ianao kosa nariana lavitry ny fasanao, toy ny sampana atao tsinontsinona, tototry ny maty novonoina tamin’ny sabatra, sy voavarina any amin’ny sola-baton’ny hantsana manjombona, tahaka ny faty voahosihosy.

Isaia 14:9

Taitra ny aminao ny Seoly any ambany lalina any, handeha hitsena anao. Fohaziny noho ny aminao ny avelo, ny mpanjakan’ny tany rehetra; asainy hitsangana avy eo amin’ny seza fiandrianana avokoa, ny mpanjakan’ny firenena rehetra.

Asan’ny Apostoly 1:25

mba hanana anjara amin’izao fandraharahan’ny Apôstôly izao, izay nialan’i Jodasy hankanesany any amin’ny fitoerany.»

1Samoela 25:29

Raha misy olona mitsangan-kanenjika anao sy hitady ny ainao: ny ain’ny tompoko ho voafehy ao amin’ny fehezan’ny velona ao amin’i Iaveh Andriamanitrao, fa ny ain’ny fahavalonao kosa ho voatsipiny eny lavitra eny, amin’ny foitran’antsamotady.

1Samoela 28:19

Mainka hatolotr’i Iaveh eo an-tanan’ny Filistinina aza i Israely sy ianao. Rahampitso ianao sy ny zanakao dia ho any amiko, ary ny tobin’i Israely hatolotr’i Iaveh eo an-tanan’ny Filistinina.»