Salamo 51:14 - Baiboly Katolika

¹⁴ Ampodio ny fifaliana amin’ny famonjenao, ary tohany amin’ny fananana fo mazoto aho.

Baiboly Protestanta Malagasy 2011

¹⁴ Vonjeo ho afaka amin’ny valin-dra aho, Andriamanitra ô, Andriamanitry ny famonjena ahy, dia hihoby ny fahamarinanao ny lelako.

DIEM PROTESTANTA

¹⁴ Avereno amiko ny hafalian’ny voavonjy; ilay Fanahinao mampazoto no anohany ahy.

Dikateny Iombonana Eto Madagasikara

¹⁴ Avereno amiko ny hafalian’ny voavonjy; ilay Fanahinao mampazoto no anohany ahy.

Baiboly Protestanta Malagasy

¹⁴ Vonjeo ho afaka amin’ny valin-dra aho, Andriamanitra ô, Andriamanitry ny famonjena ahy; Hihoby ny fahamarinanao ny vavako.

Malagasy Bible

¹⁴ Vonjeo ho afaka amin'ny valin-drà aho, Andriamanitra ô, Andriamanitry ny famonjena ahy; hihoby ny fahamarinanao ny vavako.

La Bible en Malgache

¹⁴ Vonjeo ho afaka amin’ny valin-dra aho, Andriamanitra ô, Andriamanitry ny famonjena ahy, dia hihoby ny fahamarinanao ny lelako.

Salamo 51:14 Rohy Ifampitohizana

Genesisy 42:22

Fa niteny tamin’izy ireo i Robena ka nanao hoe: «Tsy efa nilazako va re ianareo fa hoe: Aza manota amin’ny zaza? Nefa tsy nohenoinareo akory izany; ka indro arahina amintsika izao ny rany.»

Genesisy 9:6

Ka na zovy na zovy handatsaka ran’olona, dia mba halatsak’olona koa ny rany, satria nataon’Andriamanitra mitovy tarehy aminy ny olombelona.

2Samoela 12:9

Ka nahoana no nanamavo ny tenin’i Iaveh ianao, fa nanao izay ratsy eo imasony? I Oria Heteanina nasianao ny sabatra, ny vadiny nalainao ho vady, izy novonoinao tamin’ny sabatry ny taranak’i Amôna!

2Samoela 21:1

Tamin’ny andron’i Davida nisy mosary naharitra telo taona nifanesy. Ka nanontany ny Tavan’i Iaveh i Davida ary hoy i Iaveh: «Avy amin’i Saola sy ny ankohonany, avy amin’ny ra izao; fa namono ny Gabaônita izy.»

2Samoela 3:28

Ren’i Davida izany, tatỳ aoriana, ka hoy izy: «Tsy manan-tsiny mandrakizay eo anatrehan’i Iaveh aho sy ny fanjakako, ny amin’ny ran’i Abnera zanak’i Nera.

Ezra 9:13

Atỳ aorian’izay rehetra nanjò anay, noho ny ratsy nataonay sy ny helokay - nefa mbola nitsitsianao anay, ry Andriamanitray ô, tsy namely anay araka ny helokay Ianao, sy namela anay hisy afaka ihany toy izao -

Nehemia 9:33

Marina Ianao tamin’izany rehetra nanjò anay izany, satria Ianao nanaraka ny marina, izahay kosa nanao ratsy;

Salamo 25:5

Tariho amin’ny fahamarinanao aho, ary ampianaro, fa Andriamanitry ny famonjeko Ianao; Ianao no antenaiko mandritra ny andro.

Salamo 26:9

Aoka ny fanahiko tsy halainao miaraka amin’ny an’ny mpanota, ary ny aiko miaraka amin’ny an’ny olona mpandatsa-dra,

Salamo 35:28

Ary ny lelako hankalaza ny fahamarinanao, hanao fiderana Anao isan’andro isan’andro.

Salamo 38:22

Aza ilaozanao aho, ry Iaveh ô! Aza halavirinao aho, ry Andriamanitro ô!

Salamo 55:23

Miankìna amin’i Iaveh fa hanohana anao Izy; tsy havelany hangozohozo mandrakariva ny marina.

Salamo 68:20

Hisaorana anie ny Tompo; mitondra ny entantsika isan’andro Izy; Andriamanitra mamonjy antsika Izy. - Selà

Salamo 88:1

Fihirana. Salamon’ny zanak’i Kôre. Ho an’ny mpampianatra hira. Hiraina amin’ny feo mitaraina. Fihiranan’i Hemàna, Ezrahita .

Isaia 12:2

Inty ny Andriamanitry ny fahafahako; matoky aho, fa tsy manan-tahotra; fa ny heriko sy fiderako, dia i Iaveh, i Iaveh, Izy no famonjena ahy teo.»

Isaia 45:17

Fa i Israely kosa novonjen’i Iaveh amin’ny famonjena mandrakizay; tsy ho menatra na hangaihay intsony ianareo, amin’ny taona ho avy.

Ezekiela 33:8

Raha niteny aho nilaza tamin’ny ratsy fanahy hoe: «Ho faty marina ianao, ry ilay ratsy fanahy,» ka tsy miteny ianao, hananatra ny ratsy fanahy hiala amin’ny lalany, dia ho faty amin’ny helony ihany ilay io, noho izy ratsy fanahy, nefa hadiniko aminao ny rany.

Hosea 4:2

Fa ny olona dia mivadika fianianana, mandainga, mamono, mangalatra, maka vadin’olona; ary manao an-keriny, ka ny ra nalatsaka mifanolotra ny ra nalatsaka.

Habakoka 3:18

Fa izaho dia te hiravoravo amin’i Iaveh, te hientan-kafaliana amin’ny Andriamanitry ny famonjena ahy.

Asan’ny Apostoly 18:6

Ary noho izy notoherin’ny Jody sy notevatevainy, dia nakopany ny lambany, ka hoy izy tamin’ireo: «Aoka ho eo amin’ny lohanareo ny ranareo, fa afa-tsiny aho, ary hatramin’izao dia any amin’ny Jentily no halehako.»

Asan’ny Apostoly 20:26

Koa izany no ilazako aminareo anio fa afa-tsiny amin’ny ranareo rehetra aho,

Romana 10:3

satria tsy nahalala ny fahamarinana avy amin’Andriamanitra izy, ka nitady hanamarin-tena, fa tsy nanaiky ny fahamarinana avy amin’Andriamanitra.