Salamo 51:11 - Baiboly Katolika

¹¹ Afeno ny tavanao ny fahotako, ary vonoy avokoa ny heloko.

Baiboly Protestanta Malagasy 2011

¹¹ Aza manary ahy hiala eo anatrehanao ary aza manaisotra ny Fanahinao Masina amiko.

DIEM PROTESTANTA

¹¹ Hadinoy tanteraka ny fahotako ary koseho avokoa ny heloka vitako.

Dikateny Iombonana Eto Madagasikara

¹¹ Hadinoy tanteraka ny fahotako ary koseho avokoa ny heloka vitako.

Baiboly Protestanta Malagasy

¹¹ Aza manary ahy hiala eo anatrehanao; Ary aza manaisotra ny Fanahinao Masina amiko.

Malagasy Bible

¹¹ Aza manary ahy hiala eo anatrehanao; ary aza manaisotra ny Fanahinao Masina amiko.

La Bible en Malgache

¹¹ Aza manary ahy hiala eo anatrehanao ary aza manaisotra ny Fanahinao Masina amiko.

Salamo 51:11 Rohy Ifampitohizana

Genesisy 4:14

Indro roahinao hiala amin’ity tany ity aho ankehitriny ary ho takona ny tavanao aho, lavitra Anao; ary hanjenjena sy hirenireny, eny ambonin’ny tany aho, ary na iza na iza hahita ahy, hamono ahy.»

Genesisy 6:3

Ary hoy i Iaveh: «Tsy hipetraka mandrakariva ao amin’ny olombelona ny fanahiko; fa nofo fotsiny ihany ny olombelona, ary ho roapolo amby zato taona no androny.»

2Samoela 7:15

Ny famindram-poko anefa tsy mba hiala aminy, toy ny nanesorako izany tamin’i Saola, izay nalako teo anoloanao.

2Mpanjaka 13:23

Namindra fo tamin’izy ireo anefa i Iaveh ka niantra azy; nitodika azy Izy noho ny fanekeny tamin’i Abrahama sy i Isaaka ary i Jakôba; tsy te-handringana azy ireo Izy, na hanesotra azy tsy ho eo anatrehany mandrak’ankehitriny.

2Mpanjaka 23:27

Fa hoy i Iaveh: «Hoesoriko hiala eo anatrehan’ny Tavako koa i Jodà, tahaka ny nanesorako an’i Israely, ary hariako ity tanànan’i Jerosalema nofidiko ity, sy ity trano nolazaiko hoe: Ho ao ny Anarako.»

2Mpanjaka 24:20

Nihatra tamin’i Jerosalema sy i Jodà izany, noho ny hatezeran’i Iaveh, mandra-panesorany azy hiala eo anatrehan’ny Tavany. Ary niodina tamin’ny mpanjakan’i Babilôna i Sedesiasa.

Salamo 43:2

Fa Ianao no Andriamanitry ny fiarovana ahy; nahoana no dia atosikao aho? Nahoana ity izaho no tsy maintsy mandeha difotr’alahelo, ampahorin’ny fahavalo?

Salamo 71:18

Mandra-pahatongako ho antitra sy fotsy volo, aza ilaozanao aho Andriamanitra, mba hampahafantarako ny herinao amin’ny taranaka ankehitriny, ary ny fahefanao amin’ny taranaka ho avy.

Salamo 71:9

Aza arianao aho amin’ny andron’ny fahanterako; ary aza ilaozana rehefa mihena ny heriko.

Jeremia 7:15

ka hoesoriko eo anatrehako ianareo, toy ny nanesorako ny rahalahinareo rehetra, dia ny taranak’i Efraima rehetra.»

Lioka 11:13

Koa raha ianareo, na dia ratsy toy inona aza, mahalala manome zava-tsoa ny zanakareo, tsy mainka va ny Rainareo izay any an-danitra no hanome ny Fanahy Masina ho an’izay mangataka aminy?»

Jaona 14:26

Fa ny Mpanafaka alahelo, dia ny Fanahy Masina, Izay hirahin’ny Ray amin’ny Anarako, no hampianatra anareo ny zavatra rehetra, sy hampahatsiaro anareo ny zavatra rehetra nolazaiko taminareo.

Romana 1:4

ary naseho tamin-kery ho Zanak’Andriamanitra tamin’ny fitsanganan’ny maty, araka ny fanahin’ny fahamasinana, dia i Jesoa Kristy Tompontsika,

Romana 8:9

Fa ianareo dia tsy ao amin’ny nofo, fa ao amin’ny Fanahy, raha mitoetra ao anatinareo koa ny Fanahin’Andriamanitra. Raha misy tsy manana ny Fanahin’i Kristy, dia tsy Azy izy;

Efesiana 4:30

Aza mampalahelo ny Fanahy Masin’Andriamanitra, izay nanasiana tombokase anareo, ho amin’ny andro fanavotana.

2Tesaloniana 1:9

Fahaverezana mandrakizay, lavitra ny Tavan’ny Tompo, sy ny voninahitry ny heriny, no havaliny an’ireny,

Mpitsara 13:25

Dia nanomboka nitaona azy ho any Makaneha-Dana anelanelan’i Saraà sy i Estaola ny fanahin’i Iaveh.

Mpitsara 15:14

Nony tonga tany Lekia izy, dia notsenain’ny Filistinina tamim-panakorana. Fa notsindrian’ny Fanahin’i Iaveh kosa i Samsôna tamin’izay, ka ny mahazaka tamin’ny sandriny tonga toy ny kofehy rongony main’ny afo, ary ny fatorana tamin’ny tanany nivotsotra;

Mpitsara 16:20

Ka hoy izy: «Irotsahan’ny Filistinina ianao, ry Samsôna!» Dia taitra tamin’ny torimasony izy, ka nanao hoe: «Ho afaka amin’izao toy ny taloha ihany aho, dia hitsoaka»; satria tsy fantany fa efa niala taminy i Iaveh.

1Samoela 10:10

Nony tonga tany Gabaà, indreto ny mpaminany maro, andiany iray, nifanena taminy, dia nilatsaka taminy ny Fanahin’Andriamanitra ka naminany teo afovoan’ireo izy.

1Samoela 16:14

Ary niala tamin’i Saola ny Fanahin’i Iaveh, fa nisy fanahy ratsy avy amin’i Iaveh nalatsany tamin’i Saola.