Salamo 34:22 - Baiboly Katolika

²² Ny ratsy no mahafaty ny ratsy fanahy; ary sazina ny mpankahala ny olo-marina.

Baiboly Protestanta Malagasy 2011

²² Fa manavotra ny fanahin’ny mpanompony NY TOMPO ka tsy mba hisy hohelohina izay rehetra mialoka Aminy.

DIEM PROTESTANTA

²² Ho fatin’ny haratsiany kosa ny olon-dratsy ary hohelohina ny mpankahala olo-marina.

Dikateny Iombonana Eto Madagasikara

²² Ho fatin’ny haratsiany kosa ny olon-dratsy ary hohelohina ny mpankahala olo-marina.

Baiboly Protestanta Malagasy

²² Fa Jehovah manavotra ny fanahin’ny mpanompony, Ka tsy mba hisy hohelohina izay rehetra mialoka aminy.

Malagasy Bible

²² Fa Jehovah manavotra ny fanahin'ny mpanompony, ka tsy mba hisy hohelohina izay rehetra mialoka aminy.

La Bible en Malgache

²² Fa manavotra ny fanahin’ny mpanompony NY TOMPO ka tsy mba hisy hohelohina izay rehetra mialoka Aminy.

Salamo 34:22 Rohy Ifampitohizana

Genesisy 48:16

ary ilay anjely namonjy ahy ho afaka tamin’ny loza rehetra, hitso-drano an’ireto zaza ireto. Aoka hantsoina amin’ny anarako, sy amin’ny anaran’i Abrahama sy i Isaaka razako izy; ary hitombo ho maro dia maro, eo amin’ny tany.»

2Samoela 4:9

Ary hoy ny navalin’i Davida tamin’i Rekaba sy i Baanà rahalahiny, zana-dRemôna, avy any Berôta: «Velona i Iaveh, izay nanafaka ahy tamin’ny loza rehetra!

1Mpanjaka 1:29

Ka nanao izao fianianana izao ny mpanjaka: «Ho velona anie i Iaveh, izay nanafaka ahy tamin’ny loza rehetra,

Salamo 103:4

Izy no manavotra ny ainao tsy hidina any an-davaka, manarona hatsaram-po amam-pamindram-po anao.

Salamo 130:8

Izy no hanavotra an’i Israely amin’ny helony rehetra.

Salamo 31:5

Hanafaka ahy amin’ny fandrika harato novelariny Ianao; fa Ianao no fiarovana ahy.

Salamo 37:12

Ny ratsy fanahy namoron-tsain-dratsy, hamelezana ny marina, sady manidy vazana aminy.

Salamo 37:15

Ny sabany hiditra amin’ny fony ihany; ary ny tsipìkany ho tapatapaka!

Salamo 71:23

Ka amin’ny hihiràko ho Anao, dia eo amin’ny molotro ny firavoravoana, sy ho ao amin’ny fanahiko izay novonjenao.

Fitomaniana 3:58

Tompo ô, niandraikitra ny adiko Ianao, namonjy ny aiko.

1Petera 1:5

dia ianareo izay arovan’ny herin’Andriamanitra amin’ny finoana ho amin’ny famonjena, izay efa vonon-kaseho amin’ny andro farany.

Apokalipsy 5:9

Ary nanao hira vaovao izy ireo nanao hoe: «Ianao no mendrika handray ny boky sy hamaha ny tombokaseny. Fa voavono Ianao, ka ny Ranao no nanavotanao ho an’Andriamanitra ny fokom-pirenena rehetra sy ny samy hafa fiteny, mbamin’ny fanjakana sy ny firenena rehetra.