Salamo 31:4 - Baiboly Katolika

⁴ Fa Ianao no vatolampy sy trano mimandako; ary noho ny Anaranao dia hitondra sy hitarika ahy Ianao.

Baiboly Protestanta Malagasy 2011

⁴ Hanafaka ahy amin’ny fandrika harato izay nafeniny hamandrihany ahy Ianao, fa Ianao no fiarovana mafy ho ahy.

DIEM PROTESTANTA

⁴ Eny, harambato sy manda fiarovana ho ahy Ianao; ary mba ho voninahitry ny anaranao, dia aoka Ianao hitarika ahy sy hiandry ahy!

Dikateny Iombonana Eto Madagasikara

⁴ Eny, harambato sy manda fiarovana ho ahy Ianao; ary mba ho voninahitry ny anaranao, dia aoka Ianao hitarika ahy sy hiandry ahy!

Baiboly Protestanta Malagasy

⁴ Hanafaka ahy amin’ny fandrika harato izay nafeniny hamandrihany ahy Hianao; Fa Hianao no fiarovana mafy ho ahy.

Malagasy Bible

⁴ Hanafaka ahy amin'ny fandrika harato izay nafeniny hamandrihany ahy Hianao; fa Hianao no fiarovana mafy ho ahy.

La Bible en Malgache

⁴ Hanafaka ahy amin’ny fandrika harato izay nafeniny hamandrihany ahy Ianao, fa Ianao no fiarovana mafy ho ahy.

Salamo 31:4 Rohy Ifampitohizana

Salamo 124:7

Afaka ny fanahintsika toy ny fody nitsoaka tamin’ny fandrika haraton’ny mpihaza: tapaka ny fandrika dia afaka isika.

Salamo 140:5

Iaveh ô, ambeno amin’ny tanan’ny ratsy fanahy aho, arovy amin’ny olona mpanao an-keriny aho, izay mitetika ny hanafintohina ahy.

Salamo 18:3

Iaveh, harambatoko, mandako, mpanafaka ahy, Andriamanitro, vatolampiko izay hahitako fialofana, ampingako, tandro-pamonjena ahy, trano mimandako!

Salamo 19:14

Arovy amin’ny mpiavonavona koa ny mpanomponao; aoka tsy hanjaka aminy ireny. Dia ho lavorary aho, ho madio amin’ny ota lehibe.

Salamo 23:3

mamelombelona ny fanahiko. Mitarika ahy amin’ny lala-mahitsy; noho ny Anarany.

Salamo 25:15

Mitodika any amin’i Iaveh mandrakariva ny masoko, fa Izy no hanafaka ny tongotro amin’ny fandrika harato.

Salamo 35:7

Fa nanao fandri-totofana hamelezana ahy tsy ahoan-tsy ahoana izy; nihady ny lavaka hahaverezany ahy tsy ahoan-tsy ahoana izy.

Salamo 57:6

Misandratra any ambonin’ny lanitra Ianao, Andriamanitra ô! Hamirapiratra ambonin’ny tany rehetra anie ny voninahitrao!

Ohabolana 29:5

Ny olona mandoka ny namany, mamela-pandrika ny tongony.

2Korintiana 12:9

fa izao no navaliny ahy: «Ampy ho anao ny fahasoavako, sady amin’ny fahalemena indrindra no iamparan’ny heriko.» Koa dia vao mainka sitrako aza ny hirehareha amin’ny fahalemeko, mba hitoeran’ny herin’i Kristy amiko.

2Timoty 2:26

ka hody ny sainy, ary ho afaka amin’ny fandriky ny demony izy, izay nanao azy sambo-belona mba hanao ny sitrapony.