Salamo 119:34 - Baiboly Katolika

³⁴ Omeo fahazavan-tsaina aho, hitandremako ny lalànao: sy hankatoavako azy amin’ny foko rehetra.

Baiboly Protestanta Malagasy 2011

³⁴ Omeo fahiratan-tsaina aho mba hitandrina ny lalànanao; eny, hitandrina azy amin’ny foko manontolo aho.

DIEM PROTESTANTA

³⁴ Ataovy mahira-tsaina aho hanarahako ny lalànanao, sy hitandremako azy amin’ny foko manontolo.

Dikateny Iombonana Eto Madagasikara

³⁴ Ataovy mahira-tsaina aho hanarahako ny lalànanao, sy hitandremako azy amin’ny foko manontolo.

Baiboly Protestanta Malagasy

³⁴ Omeo fahalalana aho mba hitandrina ny lalànao; Eny, hitandrina azy amin’ny foko rehetra aho.

Malagasy Bible

³⁴ Omeo fahalalana aho mba hitandrina ny lalànao; Eny, hitandrina azy amin'ny foko rehetra aho.

La Bible en Malgache

³⁴ Omeo fahiratan-tsaina aho mba hitandrina ny lalànanao; eny, hitandrina azy amin’ny foko manontolo aho.

Salamo 119:34 Rohy Ifampitohizana

1Tantara 22:12

Ho sitrak’i Iaveh ihany anie, ny hanome fahendrena amam-pahazavan-tsaina anao, rehefa hanome fahefana anao amin’i Israely izy, mba hankatoavanao ny lalàn’i Iaveh Andriamanitrao.

Joba 28:28

Izay Izy vao nilaza tamin’ny olombelona nanao hoe: ‹Ny fahatahorana ny Tompo, dia izay no fahendrena, ny mandositra ny ratsy, dia izay no fahalalana› ».

Salamo 111:10

Ny fahatahorana an’i Iaveh no fiandohan’ny fahendrena; manan-tsaina tokoa izay mitandrina ny didiny. Maharitra mandrakizay ny fiderana Azy.

Salamo 119:10

Mitady Anao amin’ny foko rehetra aho; aza avela hania lavitra ny didinao.

Salamo 119:100

Manan-tsaina noho ny anti-panahy aho, satria mitandrina ny didinao.

Salamo 119:104

Ny didinao dia ahatongavako ho manan-tsaina; noho izany dia mankahala ny lalan’ny fitaka aho.

Salamo 119:125

Mpanomponao aho, ka omeo fahazavan-tsaina, mba hahalalako ny fampianaranao.

Salamo 119:130

Mahazava, ny famelarana ny teninao; ka mampahazo saina ny olona tsotra.

Salamo 119:144

Marina mandrakizay ny fampianaranao, omeo ny fahazavan-tsaina aho, mba ho velona.

Salamo 119:169

Ho tonga eo anatrehanao anie ny fitarainako, ry Iaveh ô; Omeo fahazavan-tsaina araka ny teninao aho.

Salamo 119:2

Sambatra izay mitana ny fampianarany; izay mitady azy amin’ny fony rehetra,

Salamo 119:58

Mitalaho aminao amin’ny foko rehetra aho; mamindrà fo amiko araka ny teninao.

Salamo 119:66

Ampianaro ny fahalalana marina amam-pahafantarana aho; fa matoky ny didinao.

Salamo 119:69

Misy mpiavonavona, mamoron-dainga hamelezena ahy; izaho kosa, mitandrina ny didinao amin’ny foko rehetra.

Salamo 119:73

Ny Tananao no nanao ahy sy namolavola ahy; omeo fahazavan-tsaina aho, hianarako ny didinao.

Salamo 39:2

Hoy aho: «Hitandrina ny lalako aho, sao manota amin’ny lelako. Asiako hidiny ny vavako, dieny mbola eo anatrehako koa ny ratsy fanahy.»

Matio 5:19

Koa amin’izany, izay handika ny anankiray amin’ireo didy madinika indrindra ireo, ka hampianatra ny olona toy izany, dia ho kely indrindra amin’ny fanjakan’ny lanitra; fa izay hanatanteraka sy hampianatra ireo kosa dia ho lehibe amin’ny fanjakan’ny lanitra.

Matio 7:24

Koa amin’izany, na zovy na zovy mandre izao teniko izao ka mitandrina azy, dia hoharina amin’ny lehilahy hendry izay nanorina ny tranony teo ambonin’ny vatolampy;

Jaona 7:17

Ka raha misy te hanao ny sitrapon’Andriamanitra, dia hahalala na avy amin’Andriamanitra ny fampianarako, na miteny ho Ahy Aho.

Deoteronomia 4:6

Koa tandremo sy tanteraho izany, fa izany no saina amam-pahendrena ho anareo eo imason’ny firenena izay handre izany lalàna rehetra izany, ka ho vaky hoe: Vahoaka hendry sy manan-tsaina tokoa io firenena lehibe io!

Jakoba 1:25

Fa izay mandinika ny lalàna lavorary kosa, dia ny lalàn’ny fahafahana, ka tsy mba mpihaino manadino fotsiny, fa mpanatanteraka sy maharitra tokoa, dia ho sambatra amin’ny fanaovany an’izany.

Jakoba 1:5

Raha misy tsy manam-pahendrena aminareo, dia aoka izy hangataka izany amin’Andriamanitra, fa homeny azy tokoa izany; satria sady manome malalaka ho an’ny olona rehetra Izy no tsy mba mandatsa.

Jakoba 4:11

Aza mifanaratsy, ry kristianina havana. Izay manaratsy ny havana iray finoana aminy, na mitsara an’ireny, dia manaratsy ny Lalàna, sy mitsara ny Lalàna. Ary izay manaratsy ny Lalàna dia tsy mba mpankatò ny Lalàna, fa mihambo ho mpitsara azy.