Salamo 119:14 - Baiboly Katolika

¹⁴ Ny manaraka ny fampianaranao dia ahazoako fifaliana toy ny hananako ny harena rehetra.

Baiboly Protestanta Malagasy 2011

¹⁴ Ny lalan’ny teny vavolombelonao no ifaliako, tahaka ny ifaliako amin’ny harena rehetra.

DIEM PROTESTANTA

¹⁴ Ny mizotra araka ny baikonao no mahafaly ahy noho izay harena.

Dikateny Iombonana Eto Madagasikara

¹⁴ Ny mizotra araka ny baikonao no mahafaly ahy noho izay harena.

Baiboly Protestanta Malagasy

¹⁴ Ny làlan’ny teni-vavolombelonao no ifaliako, Tahaka ny ifaliako amin’ny harena rehetra.

Malagasy Bible

¹⁴ Ny lalan'ny teni-vavolombelonao no ifaliako, Tahaka ny ifaliako amin'ny harena rehetra.

La Bible en Malgache

¹⁴ Ny lalan’ny teny vavolombelonao no ifaliako, tahaka ny ifaliako amin’ny harena rehetra.

Salamo 119:14 Rohy Ifampitohizana

Joba 23:12

Tsy nivily niala teo amin’ny didin’ny vavany aho, ary ny sitrapoko nofolahiko nampanekeko ny didin’ny molony.

Salamo 112:1

Aleloia! Sambatra ny olona matahotra an’i Iaveh, izay mametraka ny hafaliany rehetra, amin’ny fitandremana ny didiny.

Salamo 119:111

Ny fampianaranao no ananako mandrakizay mba ho lova, fa fifalian’ny foko izy.

Salamo 119:127

Noho izany dia tia ny didinao aho, mihoatra ny volamena, sy ny volamena madio.

Salamo 119:162

Mifaly amin’ny teninao aho, hoatra ny mahazo babo be.

Salamo 119:47

Ny didinao no hataoko fahafinaretako, fa tiako izy.

Salamo 119:72

Ny lalàna naloaky ny vavanao no tsara ho ahy; mihoatra noho ny volamena sy volafotsy miavosa.

Salamo 119:77

Ho tonga amiko anie ny fiantranao ary ho velona anie aho, fa ny lalànao no fahafinaretako.

Jeremia 15:16

Vao tonga teo anatrehako ny teninao, dia nohaniko; zary hafaliako amam-piravoravoan’ny foko, satria nantsoina tamiko ny Anaranao, ry Iaveh, Andriamanitry ny tafika ô!

Matio 13:44

Ny fanjakan’ny lanitra dia tahaka ny rakitra nafenina tany an-tsaha, izay hitan’olona ka nafeniny tao ihany aloha; dia lasa tamin-karavoana izy nivarotra izay rehetra mety ho fananany, ary nividy io saha io.