Romana 8:25 - Baiboly Katolika

²⁵ Fa raha ny tsy hita no antenaintsika, dia miandry amim-paharetana isika.

Baiboly Protestanta Malagasy 2011

²⁵ Fa raha manantena izay tsy mbola hitantsika isika dia miandry amin’ny faharetana.

DIEM PROTESTANTA

²⁵ Fa raha manantena ny tsy hitantsika isika, dia miandry amim-paharetana.

Dikateny Iombonana Eto Madagasikara

²⁵ Fa raha manantena ny tsy hitantsika isika, dia miandry amim-paharetana.

Baiboly Protestanta Malagasy

²⁵ Fa raha isika manantena izay tsy mbola hitantsika, dia miandry amin’ny faharetana.

Malagasy Bible

²⁵ Fa raha isika manantena izay tsy mbola hitantsika, dia miandry amin'ny faharetana.

La Bible en Malgache

²⁵ Fa raha manantena izay tsy mbola hitantsika isika dia miandry amin’ny faharetana.

Romana 8:25 Rohy Ifampitohizana

Genesisy 49:18

Ny famonjena no antenaiko, ry Iaveh!

Salamo 27:14

Manantenà an’i Iaveh! Matokia ka herezo ny fonao! Manantenà an’i Iaveh!

Salamo 62:1

Ho an’ny mpampianatra hira... Iditona. Salamon’i Davida.

Isaia 25:9

Izao no holazain’ny olona amin’izany andro izany: Indro ny Andriamanitsika izay niankinantsika mba ho voavonjy; dia i Iaveh izay nantenaintsika. Aoka isika hanao fifaliana sy hiravoravo amin’ny famonjeny.

Isaia 26:8

Koa teo amin’ny lalan’ny fitsaranao no niandrasanay Anao, ry Iaveh, ny Anaranao amam-pahatsiarovana Anao, no fanirian’ny fanahinay.

Lioka 21:19

Ny faharetanareo no hamonjenareo ny tenanareo.

Lioka 8:15

Fa ireo latsaka amin’ny tany tsara kosa no izay mihaino ny teny amin’ny fo marina sy tsara, ka mitandrina azy sy mamoa amin’ny faharetana.› »

Romana 12:12

Mifalia amin’ny fanantenana, mandefera amin’ny fahoriana, ary mahareta amin’ny fivavahana;

Romana 2:7

fiainana mandrakizay moa ho an’izay maharitra manao ny tsara ka mitady ny haja amam-boninahitra sy ny tsy fahafatesana;

Romana 8:23

Ary tsy izy ihany, fa na isika efa manana ny voaloham-bokatry ny Fanahy koa aza, dia misento ao anatintsika ao, miandry ny fananganan-janaka amam-panavotana ny vatantsika.

Kolosiana 1:11

mba hampahatanjahina amin’ny hery rehetra araka ny fahefany be voninahitra ianareo, ka handefitra ny zavatra rehetra amim-paharetana sy an-kafaliana;

1Tesaloniana 1:3

ary tsy tapaka ny mahatsiaro eo imason’Andriamanitra Raintsika ny asan’ny finoanareo, sy ny fahafoizan-tenan’ny fitiavanareo, ary ny faharetan’ny fanantenanareo an’i Jesoa Kristy Tompontsika;

2Tesaloniana 3:5

Ary enga anie ny Tompo ka hitari-dalana ny fonareo ho amin’ny fitiavana an’Andriamanitra sy ny faharetan’i Kristy.

Hebreo 10:36

Ilainareo tokoa ny faharetana, mba hahazoanareo izay nampanantenaina anareo, rehefa nanao ny sitrapon’Andriamanitra ianareo.

Hebreo 6:12

mba tsy hiketraka ianareo, fa hanahaka ireo mandova ny lova nampanantenaina noho ny finoany sy ny faharetany.

Hebreo 6:15

ary nahazo ny nampantenaina azy io Patriarka io, satria niandry tamim-paharetana izy.

Apokalipsy 1:9

Izaho Joany, havanareo sy namanareo amin’ny fahoriana sy fanjakana ary fandeferana ao amin’i Jesoa Kristy, dia tao amin’ny nosy anankiray atao hoe Patmosy, noho ny amin’ny tenin’Andriamanitra sy ny fanambaràn’i Jesoa.

Apokalipsy 13:10

Izay tokony ho amin’ny fahababoana, dia mankany amin’ny fahababoana; izay mamono amin’ny sabatra tsy maintsy hovonoina amin’ny sabatra. Toy izany no fandeferana sy finoan’ny olo-masina.

Apokalipsy 14:12

Fa indro kosa ny valin’ny fandeferan’ny olo-masina, izay nitandrina ny didin’Andriamanitra sy ny finoana an’i Jesoa.