Romana 4:1 - Baiboly Katolika

¹ Inona àry, ny amin’i Abrahama razantsika, no holazaintsika, fa azony araka ny nofo?

Baiboly Protestanta Malagasy 2011

¹ Inona ary no holazaintsika fa efa azon’i Abrahama razantsika araka ny nofo?

DIEM PROTESTANTA

¹ Inona àry no holazaintsika ho efa notsapan’i Abrahama razambenay Jiosy?

Dikateny Iombonana Eto Madagasikara

¹ Inona àry no holazaintsika ho efa notsapan’i Abrahama razambenay Jiosy?

Baiboly Protestanta Malagasy

¹ Inona ary no holazaintsika ho efa azon’i Abrahama, razantsika araka ny nofo?

Malagasy Bible

¹ Inona ary no holazaintsika ho efa azon'i Abrahama, razantsika araka ny nofo?

La Bible en Malgache

¹ Inona ary no holazaintsika fa efa azon’i Abrahama razantsika araka ny nofo?

Romana 4:1 Rohy Ifampitohizana

Isaia 51:2

Diniho i Abrahama rainareo; sy i Sarà, izay niteraka anareo; fa fony izy mbola tokana no nantsoiko izy. dia notahiko sy nohamaroiko.

Matio 3:9

ary aza manao anakampo hoe: ‹Manana an’i Abrahama ho rainay izahay›; fa lazaiko aminareo fa Andriamanitra mahay manangona zanaka ho an’i Abrahama avy amin’ireto vato ireto.

Lioka 3:8

Manaova asa mendrika vokatry ny fibebahana, ary aza manao anakampo hoe: ‹I Abrahama no rainay›; fa lazaiko marina aminareo fa azon’Andriamanitra atao ny manangana zanaka ho an’i Abrahama na dia amin’ireto vato ireto aza.

Jaona 8:33

Dia hoy ny navalin’izy ireo Azy: «Taranak’i Abrahama izahay, ary tsy mba nandevozin’olona na oviana na oviana, ka ahoana no ilazanao hoe: ‹Ho olona afaka ianareo?› »

Jaona 8:53

Angaha Ianao lehibe noho i Abrahama rainay izay efa maty? Ny mpaminany koa efa maty; manao Anao ho iza re Ianao e?»

Jaona 8:56

Nientan-kafaliana i Abrahama rainareo nanantena hahita ny androko; ary nahita izy ka faly.»

Asan’ny Apostoly 13:26

Ry rahalahy taranak’i Abrahama, sy ireo matahotra an’Andriamanitra eo aminareo koa, ho antsika indrindra no nampitondrana ny tenin’izao famonjena izao,

Romana 1:3

momba ny Zanany izay nateraky ny taranak’i Davida araka ny nofo,

Romana 3:5

Fa raha ny tsy fahamarinantsika no mampiseho ny fahamarinan’Andriamanitra, ahoana àry no holazaintsika? Tsy marina angaha Andriamanitra raha manampatra ny fahatezerany amintsika? (miteny araka ny fanaon’ny olona aho).

Romana 4:16

Koa ny finoana no andovana, mba ho araka ny fahasoavana, ka ho mafy ho an’ny taranaka rehetra ny fampanantenana, dia tsy ho an’izay amin’ny Lalàna ihany, fa ho an’izay amin’ny finoan’i Abrahama koa, satria raintsika rehetra izy,

Romana 6:1

Inona àry no holazaintsika: mbola hitoetra amin’ny fahotana ihany va isika, hitomboan’ny fahasoavana?

Romana 7:7

Inona àry no holazaintsika: ota va ny Lalàna? Sanatria izany! Fa tsy nahalala ny fahotana aho, raha tsy tamin’ny Lalàna; ohatra, tsy ho nahalala ny fanirian-dratsy aho, raha tsy ny Lalàna no nilaza hoe: Aza maniry ratsy.

Romana 8:31

Inona àry no holazaintsika ny amin’izany? Raha Andriamanitra no momba antsika, iza no hahatohitra antsika?

2Korintiana 11:22

Hebrio va izy ireo? izaho koa; Israelita va izy? izaho koa; taranak’i Abrahama va izy? izaho koa;

Hebreo 12:9

Ary na ny raintsika ara-batana aza nohajaintsika na dia nikapoka antsika aza; vao mainka ny Raintsika ara-panahy no tsy maintsy ekentsika mba ho velona isika.