Romana 10:2 - Baiboly Katolika

² Fa vavolombelon’ny fahazotoany ho an’Andriamanitra aho, saingy fahazotoana tsy ara-pahalalana ny azy;

Baiboly Protestanta Malagasy 2011

² Satria vavolombelon’ireny aho, fa manana hafanam-po ny amin’Andriamanitra izy saingy tsy araka ny fahalalana.

DIEM PROTESTANTA

² Vavolombelona ny aminy aho fa feno zotom-po ho an’Andriamanitra izy rehetra saingy zotom-po tsy ombàm-pahalalana.

Dikateny Iombonana Eto Madagasikara

² Vavolombelona ny aminy aho fa feno zotom-po ho an’Andriamanitra izy rehetra saingy zotom-po tsy ombàm-pahalalana.

Baiboly Protestanta Malagasy

² Fa vavolombelon’ireny aho fa mazoto ho an’Andriamanitra izy’ saingy tsy araka ny fahalalana.

Malagasy Bible

² Fa vavolombelon'ireny aho fa mazoto ho an'Andriamanitra izy, saingy tsy araka ny fahalalana.

La Bible en Malgache

² Satria vavolombelon’ireny aho, fa manana hafanam-po ny amin’Andriamanitra izy saingy tsy araka ny fahalalana.

Romana 10:2 Rohy Ifampitohizana

2Mpanjaka 10:16

«Andeha hiaraka amiko, ary ho hitanao ny zotom-poko ho an’i Iaveh.»

Salamo 14:4

Tsy manam-pahalalana va izy rehetra ireo izay manao ny ratsy? Mihinana ny vahoakako, toy ny fihinan-kanina; tsy miantso an’i Iaveh izy ireo.

Ohabolana 19:2

Tsy tsara ny tsy fahalalan’ny fanahy, ary lavo ny olona faingam-pandeha.

Isaia 27:1

Amin’izany andro izany i Iaveh hamaly, amin’ny sabany sady lehibe no mahery, an’i Leviatàna ilay menarana faingam-pandeha, an’i Leviatàna ilay menarana miforiporitra, ka hamono ilay bibibe izay ao an-dranomasina.

Jaona 16:2

Fa horoahiny amin’ny sinagoga ianareo ary ho avy aza ny andro hiheveran’izay rehetra hamono anareo ho manao fanompoana an’Andriamanitra.

Asan’ny Apostoly 21:20

Nony nandre izany izy ireo, dia nankalaza an’Andriamanitra sy nanao taminy hoe: «Hitanao, ry rahalahy, fa arivo maro ny Jody nino izao, nefa mbola fatra-pitana ny Lalàna izy rehetra.

Asan’ny Apostoly 21:28

«Vonjeo, ry lehilahy Israelita! fa eto ilay lehilahy mampianatra ny olona rehetra hatraiza hatraiza hanohitra ny firenentsika sy ny Lalàna ary ity fitoerana ity; hatramin’ny Jentily avy aza no nampidiriny teto an-Tempoly, nametaveta ity fitoerana masina ity.»

Asan’ny Apostoly 22:22

Nihaino azy ihany izy ireo hatramin’izany teny izany, fa nony mby tamin’io, niantso izy nanao hoe: «Esory amin’ny tany ilay io, fa olona tsy famelona intsony.»

Asan’ny Apostoly 22:3

Ary hoy izy: Izaho dia lehilahy Jody teraka tany Tarsa tany Silisia, fa teto amin’ity tanàna ity no nahabe ahy, teo ambanin’ny saokan’i Gamaliely, nampianatra tsara ny Lalàn’ny razantsika aho, ary nazoto erỳ ho an’Andriamanitra tahaka anareo rehetra izao.

Romana 10:1

Ry hava-malala, ny irin’ny foko sy angatahiko amin’Andriamanitra ho azy ireo, dia ny hahazoany famonjena.

Romana 10:3

satria tsy nahalala ny fahamarinana avy amin’Andriamanitra izy, ka nitady hanamarin-tena, fa tsy nanaiky ny fahamarinana avy amin’Andriamanitra.

2Korintiana 4:4

izany hoe amin’ireo tsy mino nohajambain’ny andriamanitr’izao tontolo izao mba tsy hiposahan’ny fahazavam-boninahitry ny Evanjelin’i Kristy, Izay endrik’Andriamanitra.

2Korintiana 4:6

Satria, Andriamanitra izay nandidy hoe: «Aoka ny maizina no hiposahan’ny mazava» no nanazava ny fonay, mba hampahazavanay ny fahalalana ny voninahitr’Andriamanitra, izay mitaratra amin’ny tavan’i Kristy.

2Korintiana 8:3

Vavolombelona aho fa an-tsitrapo tokoa no nahafoizany araka izay zakany, eny mihoatra noho izay zakany aza,

Galatiana 1:14

ary nandroso tamin’ny fivavahan’ny Jody mihoatra noho ny maro indray nihira tamiko teo amin’ny fireneko aho, sady fatra-pitàna ny lovantsofina avy amin’ny razako.

Galatiana 4:15

Koa lasa nankaiza àry ilay fankamamianareo ahy nahasambatra anareo? Fa izaho no vavolombelonareo fa raha azo natao, na dia ny masonareo aza, dia ho nombotanareo homena ahy fahizany.

Filipiana 1:9

Ary izao no angatahiko aminy, dia ny hitombo bebe kokoa hatrany hatrany amin’ny fahaizana amam-pahalalana rehetra ny fitiavanareo,

Filipiana 3:6

mpanenjika ny Eglizy, raha ny amin’ny zotom-po; tsy nanan-tsiny, raha ny amin’ny fahamarinana ny amin’ny Lalàna.

Kolosiana 4:13

izaho no vavolombelona fa mikely aina fatratra ho anareo sy ho an’ny any Laodisea ary ho an’ny any Hierapôlisy izy.