Ohabolana 6:14 - Baiboly Katolika

¹⁴ Ao am-pony ny faharatsiana, misaintsaina ny ratsy lalandava izy, ary manangana ady.

Baiboly Protestanta Malagasy 2011

¹⁴ hafetsen-dratsy no ao am-pony, mihevi-dratsy mandrakariva izy sady mamafy adilahy.

DIEM PROTESTANTA

¹⁴ Hafetsifetsena no mameno ny fony ka mampihevi-dratsy azy mandrakariva sy mahatonga azy hamafy ady.

Dikateny Iombonana Eto Madagasikara

¹⁴ Hafetsifetsena no mameno ny fony ka mampihevi-dratsy azy mandrakariva sy mahatonga azy hamafy ady.

Baiboly Protestanta Malagasy

¹⁴ Fahafetsena no ao am-pony, Mihevi-dratsy mandrakariva izy Sady mamafy ady.

Malagasy Bible

¹⁴ Fahafetsena no ao am-pony, Mihevi-dratsy mandrakariva izy Sady mamafy ady.

La Bible en Malgache

¹⁴ hafetsen-dratsy no ao am-pony, mihevi-dratsy mandrakariva izy sady mamafy adilahy.

Ohabolana 6:14 Rohy Ifampitohizana

Salamo 140:2

Iaveh ô, afaho amin’ny olon-dratsy aho, arovy amin’ny olona mpanao an-keriny aho.

Salamo 140:3

Izay mieritreritra hevitra ratsy ao am-pony, izay manangana ady amiko lalandava;

Salamo 36:4

Tsy fahamarinana sy fitaka no tenenin’ny vavany; efa natsahany ny mahalala sy manao soa.

Ohabolana 14:22

Tsy maniasia va ry zareo mamoron-tsain-dratsy? ary moa tsy fanambinana amam-pahamarinana kosa va no ho an’izay mihevitra ny soa?

Ohabolana 16:27

Loza no vononin’ny ratsy fanahy; ary toa afo miredareda no eo amin’ny molony!

Ohabolana 17:20

Izay manana fo mamitaka tsy mahita ny fahasambarana, ary izay manana vava ratsy mivarina aman-doza.

Ohabolana 2:14

ary ny manao ratsy no ifaliany sy izay faharatsiana mihoa-pampana no iravoravoany;

Ohabolana 21:8

Miolikolika ny lalan’ny olo-meloka, fa ny tsy manan-tsiny kosa dia mahitsy amin’ny asany.

Ohabolana 22:8

Izay mamafy heloka, hijinja fahoriana, ary ho foana ny tsora-kazon’ny fahatezerany.

Ohabolana 24:8

Izay misaintsaina hanao ratsy, no atao hoe mpamoron-tsain-dratsy.

Ohabolana 3:29

Aza misaina hanisy ratsy ny namanao, rehefa mitoetra mibonaika eo anilanao izy.

Ohabolana 3:32

satria halan’i Iaveh ny olon-dratsy fanahy fa izay mahitsy fo no hifankazarany indrindra.

Isaia 32:7

Ny fiadanan’ny mpamitaka dia enti-mamadika, mamoron-tsain-dratsy izy io, hamerezany amin’ny lainga ny olona iva toerana, ary ny mahantra koa, na dia izay milaza zavatra ara-drariny aza.

Isaia 57:20

Fa ny ratsy fanahy kosa, tahaka ny ranomasina manonja, izay tsy mety mitony, ary manakobana tany dilatra amam-potaka ny onjany.

Ezekiela 11:2

Dia hoy i Iaveh tamiko: «Ry zanak’olona, ireo no olona mamoron-tsain-dratsy, sy manome hevi-dratsy, eto amin’ity tanàna ity, manao hoe:

Hosea 8:7

Namafy rivotra izy ireo, ka hijinja tafio-drivotra. Tsy hisy salohim-bary ho azy, fa hisy vary tsy vanon-ko lafarina; ary raha vanon-ko lafarina aza, ny hafa firenena no hihinana azy.

Mika 2:1

Mila loza izay mieritreritra ny hanao ratsy sy misaintsaina eo am-pandriana ny loza hafitsony! Raha vao maraina koa, tanterahiny izany, raha tahiny mbola mety hoefain’ny tanany ihany.

Romana 16:17

Mangataka aminareo aho, ry kristianina havana, mba hitandrin-tena amin’ireo mahatonga fisarahana sy fanafintohinana, fa tsy manaraka ny fampianarana efa noraisinareo; halaviro ireny.