Ohabolana 28:9 - Baiboly Katolika

⁹ Raha misy mamily ny sofiny tsy hihaino ny lalàna, na ny fivavahany aza dia fahavetavetana.

Baiboly Protestanta Malagasy 2011

⁹ Izay manentsin-tadìny dia tsy hihaino ny fampianarana; na ny vavaka ataony aza dia fahavetavetana.

DIEM PROTESTANTA

⁹ Izay manampin-tsofina tsy hihaino ny lalàna, na ny vavaka ataony aza dia maharikoriko ny Tompo.

Dikateny Iombonana Eto Madagasikara

⁹ Izay manampin-tsofina tsy hihaino ny lalàna, na ny vavaka ataony aza dia maharikoriko ny Tompo.

Baiboly Protestanta Malagasy

⁹ Izay manentsin-tadìny tsy hihaino ny lalàna, Na ny fivavahany aza dia fahavetavetana.

Malagasy Bible

⁹ Izay manentsin-tadiny tsy hihaino ny lalàna, Na ny fivavahany aza dia fahavetavetana.

La Bible en Malgache

⁹ Izay manentsin-tadìny dia tsy hihaino ny fampianarana; na ny vavaka ataony aza dia fahavetavetana.

Ohabolana 28:9 Rohy Ifampitohizana

Salamo 109:7

Raha tsaraina izy, aoka ho voaheloka no ivoahany, ary aoka hatao ho fahotana ny fivavahany.

Salamo 66:18

Raha nahita ota tao am-poko aho, dia tsy ho nihaino ahy ny Tompo.

Salamo 94:20

Manam-pikambanana aminao akory va, ny fitsarana mandoza, izay manao ratsy va manaraka ny fomba fitsarana ara-dalàna?

Ohabolana 10:3

Tsy avelan’i Iaveh ho mosarena ny marina, fa toheriny kosa ny fanirian’ny ratsy fanahy.

Ohabolana 15:8

Ny soron’ny ratsy fanahy dia ankahalain’i Iaveh; fa ny vavaky ny olo-mahitsy kosa, ankasitrahiny.

Ohabolana 21:13

Izay manentsin-tadìny amin’ny fitarainan’ny mahantra, dia mba hitaraina koa fa tsy hovaliana akory.

Ohabolana 21:27

Ny soron’ny ratsy fanahy, dia fahavetavetana, indrindra fa raha sain-dratsy no anaterany azy.

Isaia 41:24

Indro fa tsinontsinona ianareo, ary zava-poana ny asanareo; vetaveta izay mifidy anareo!»

Jeremia 14:12

Rehefa hifady hanina izy, tsy hohenoiko ny fitarainany, rehefa hanolotra sorona dorana amam-panatitra ho ahy izy, tsy hankasitrahiko; fa tiako haripaka izy amin’ny sabatra, ny mosary, sy ny areti-mandringana.»

Jaona 9:31

Fantatsika fa Andriamanitra tsy mihaino ny mpanota; fa izay manompo Azy sy manao ny sitrapony no henoiny.