Ohabolana 27:21 - Baiboly Katolika

²¹ Ny memy atao hanadio ny volafotsy; ny fandrendrehana hanadio ny volamena. ary ny fiderana raisin’ny olona, aoka hozahany toetra toy izany koa.

Baiboly Protestanta Malagasy 2011

²¹ Ny memy no ahafantarana ny tena volafotsy, ny fandrendrehana no ahafantarana ny tena volamena, ary ny toetry ny olona dia tsy maintsy ho araka ny lazany.

DIEM PROTESTANTA

²¹ Misy ny memy fisedrana ny volafotsy ary ny fatana fandrendrehana ny volamena, fa ny lazany kosa no itsarana ny olona.

Dikateny Iombonana Eto Madagasikara

²¹ Misy ny memy fisedrana ny volafotsy ary ny fatana fandrendrehana ny volamena, fa ny lazany kosa no itsarana ny olona.

Baiboly Protestanta Malagasy

²¹ Ny memy ho an’ny volafotsy, Ny fandrendrehana ho an’ny volamena, Ary ny toetry ny olona dia tsy maintsy ho araka izay zavatra derainy.

Malagasy Bible

²¹ Ny memy ho an'ny volafotsy, Ny fandrendrehana ho an'ny volamena, Ary ny toetry ny olona dia tsy maintsy ho araka izay zavatra derainy.

La Bible en Malgache

²¹ Ny memy no ahafantarana ny tena volafotsy, ny fandrendrehana no ahafantarana ny tena volamena, ary ny toetry ny olona dia tsy maintsy ho araka ny lazany.

Ohabolana 27:21 Rohy Ifampitohizana

2Samoela 14:25

Tamin’i Israely rehetra tsy misy olona malaza tahaka an’i Absalôma noho ny hatsaran-tarehiny. Hatramin’ny faladiany ka hatramin’ny tampon-dohany tsy manan-kilema akory izy. Raha mihara-doha izy - isan-taona izy no nanao izany, raha nahavesatra azy ny volon-dohany, dia noharatany,

Joba 28:1

Misy toerana ihadiam-bolafotsy, misy toerana fanadiovam-bolamena.

Salamo 12:6

Noho ny fahorian’ny ory, amam-pisentoan’ny mahantra, dia hitsangana Aho ankehitriny, hoy i Iaveh, dia hitondra aminy ny famonjena izay iriny.

Salamo 66:10

Fa Ianao, ry Andriamanitra, efa nizaha toetra anay; nandatsaka anay tamin’ny memy toy ny volafotsy;

Ohabolana 17:3

Ny mizaha toetra ny volafotsy dia ny memy, ary ny an’ny volamena dia ny fandrendrehana; fa ny mizaha toetra ny fo kosa dia ny Tompo.

Zakaria 13:9

Fa io ampahatelony io hampidiriko ao amin’ny afo, hodioviko toy ny fandio volafotsy, haofana toy ny fanofana volamena. Izy hiantso ny Anarako; ary Izaho hamaly azy. Izaho hanao hoe: «Oloko izy!» Ary izy hilaza hoe: «Andriamanitro i Iaveh!»

Malakia 3:3

Hipetraka mandrendrika sy manadio ny volafotsy Izy; hanadio ny taranak’i Levỳ Izy, ka hanadio azy toy ny volamena sy ny volafotsy, ka dia ho mpanompo izy ho an’i Iaveh hanolotra fanatitra ara-drariny Aminy;

Lioka 6:26

Mila loza ianareo raha ataon’ny olona tsara laza, fa tahaka izany no nataon’ny razany tamin’ny mpaminany sandoka.

1Petera 1:7

ka rehefa voazaha toetra ny finoanareo izay ambony lavitra noho ny volamena (io anefa mba zahan-toetra amin’ny afo ihany na dia zavatra mety simba aza), dia ho hita fa manjary dera sy voninahitra ary haja ho anareo izany, amin’ny andro hisehoan’i Jesoa Kristy.

1Petera 4:12

Ry malala, aza gaga amin’izany toa afo nirehitra tao aminareo ka nanjò anareo ho fitsapan-toetra, na mihevitra izany ho zavatra tsy fahita;

1Samoela 18:30

Tonga nanafika ireo andrian’ny Filistinina, ary isaky ny nivoaka ireny, dia nahomby nandresy azy i Davida noho ny fahakingany mihoatra noho ny mpanompon’i Saola rehetra, ka tonga malaza indrindra ny anarany.