Ohabolana 27:20 - Baiboly Katolika

²⁰ Tsy mety voky ny fasana aman-tSeoly, tsy mety afa-po toy izany koa ny mason’ny olombelona.

Baiboly Protestanta Malagasy 2011

²⁰ Ny fitoeran’ny maty sy ny tanin’ny fandringanana dia tsy mety voky; toy izany ny mason’ny olona: Tsy mety afa-po izy.

DIEM PROTESTANTA

²⁰ Tsy mba mety voky ny fonenan’ny maty ary tsy mba mety afa-po ny mason’olombelona.

Dikateny Iombonana Eto Madagasikara

²⁰ Tsy mba mety voky ny fonenan’ny maty ary tsy mba mety afa-po ny mason’olombelona.

Baiboly Protestanta Malagasy

²⁰ Ny fiainan-tsi-hita sy ny fandringanana tsy mety voky, Dia toy izany no tsy ahamamoan’ny mason’ny olona.

Malagasy Bible

²⁰ Ny fiainan-tsi-hita sy ny fandringanana tsy mety voky, Dia toy izany no tsy ahamamoan'ny mason'ny olona.

La Bible en Malgache

²⁰ Ny fitoeran’ny maty* sy ny tanin’ny fandringanana dia tsy mety voky; toy izany ny mason’ny olona: Tsy mety afa-po izy.

Ohabolana 27:20 Rohy Ifampitohizana

Joba 26:6

Ny seoly mihanjahanja eo anatrehany, ary ny hantsana tsy misy rakony

Ohabolana 15:11

Ny Seoly sy ny hantsana miharihary eo anatrehan’i Iaveh: ka mainka ny fon’ny zanak’olombelona!

Ohabolana 23:5

Te hanara-maso izay zava-mandalo va ianao? fa maniry elatra ny harena, ka misidina ho eny an-danitra, toy ny voromahery.

Ohabolana 27:19

Toy ny ifanahafan’ny tarehy sy ny tandindony ao anaty rano, no ifanahafan’ny fon’ny olona sy ny an’ny olon-kafa koa.

Mpitoriteny 1:8

Miasa avokoa ny zavatra rehetra, mihoatra noho ny azo lazaina; ny maso tsy mamo mijery; ary ny sofina tsy ketra-mihaino.

Mpitoriteny 4:8

Misy olona mitoetra irery, ka tsy misy anankiray hafa miaraka aminy, tsy zanaka, tsy rahalahy, kanefa aza lava tsy misy farany ny azy, ary tsy afa-dian-karena ny masony: Ho an’iza àry ity iasako, sy tsy ampananako fiadanana ny fanahiko? Zava-poana koa izany, ary lahasa ratsy.

Mpitoriteny 6:7

Ny asan’ny olombelona dia ho an’ny vavany avokoa, nefa ny faniriany tsy mety afa-po na oviana na oviana.

Isaia 5:14

Koa dia mitatra ny Seoly, ka manadanadana tsy anerany ny vavany; mivarina ao ny reharehan’i Siôna, mbamin’ny be sy ny maro aminy izay mihahohaho sy mifaly.

Jeremia 22:17

Fa ny masonao amam-ponao tsy mihevitra afa-tsy ny tenanao, mbamin’ny ra tsy manan-tsiny, handatsahana azy sy ny fampahoriana ary fanaovana an-keriny, hanatanterahana izany.

Habakoka 2:5

Ary fanampin’izany koa, mamitaka ny divay. Tsy haharitra ny olona miavonavona, izay mampitombo ny fahalianany ho lehibe toy ny seoly sy tsy mety voky, hoatra ny fahafatesana; mamory ny firenena rehetra ho ao aminy, ary manangona ny vahoaka rehetra ho azy.

Hagay 1:9

Nanantena be ianao, nefa tsy nisy afa-tsy kely foana; nanangona ny vokatrareo, nefa notsofiko izany. Nahoana? - teny marin’i Iavehn’ny tafika. - Satria ny Tranoko mbola rava; nefa ianareo isany, samy maimay be ihany ny amin’ny tranony avy.

1Jaona 2:16

Satria ny zavatra rehetra amin’izao tontolo izao, ny filàn’ny nofo, ny fitiavan’ny maso, ny rehaka amin’izao fiainana izao, dia tsy avy amin’ny Ray, fa avy amin’izao tontolo izao.