Ohabolana 17:26 - Baiboly Katolika

²⁶ Tsy mety ny mamely ny marina amin’ny sazy, na manameloka ny manan-kaja noho ny fahitsiam-pony.

Baiboly Protestanta Malagasy 2011

²⁶ Tsy mety ny mampandoa sazy ny marina, na mamely ny manankaja tsy amin’ny rariny.

DIEM PROTESTANTA

²⁶ Tsy tsara ny manasazy olo-marina; tsy ara-drariny ny mamely olona manan-kaja.

Dikateny Iombonana Eto Madagasikara

²⁶ Tsy tsara ny manasazy olo-marina; tsy ara-drariny ny mamely olona manan-kaja.

Baiboly Protestanta Malagasy

²⁶ Tsy mety raha mampijaly ny marina, Na mamely ny manan-kaja noho ny fahamarinany.

Malagasy Bible

²⁶ Tsy mety raha mampijaly ny marina, Na mamely ny manan-kaja noho ny fahamarinany.

La Bible en Malgache

²⁶ Tsy mety ny mampandoa sazy ny marina, na mamely ny manankaja tsy amin’ny rariny.

Ohabolana 17:26 Rohy Ifampitohizana

Genesisy 18:25

Sanatria Anao izay hanao izany, ka hamono ny marina miaraka amin’ny meloka. Sahala izany ny hahazo ny marina sy ny meloka! Sanatria Anao izany. Mpitsara ny tany rehetra ve ka tsy hitsara marina?»

2Samoela 19:7

Ny nankahala anao no tianao, fa ny tianao no halanao, satria ahariharinao amin’izao fa samy tsinontsinona aminao na manamboninahitra na mpanompo; hitako izao fa raha i Absalôma no velona ary izahay rehetra kosa no maty, amin’izao andro izao, dia izany no soa eo imasonao.

2Samoela 3:39

Izaho na dia efa voahosotra ho mpanjaka aza, dia malemy fanahy, fa ireo lehilahy zanak’i Sarvià ireo kosa dia lozabe tokoa noho izaho. Hovalian’i Iaveh anie izay manao ny ratsy araka ny ratsy nataony!»

Ohabolana 17:15

Na izay manamarina ny meloka na izay manameloka ny marina, dia samy fahavetavetana eo imason’i Iaveh.

Ohabolana 18:5

Tsy mety raha ny ratsy fanahy indray no asian-draharaha, mba handresy ny marina amin’ny fitsarana.

Mika 5:1

Ary ianao, ry Betleema Efratà, kely tsy tokony ho isan’ireo arivon’i Jodà akory, avy aminao no hivoaka ho Ahy ilay tsy maintsy ho Mpanapaka amin’i Israely, ary ny niandohany dia efa hatramin’ny andro fahagola, hatramin’ny andro mandrakizay.

Jaona 18:22

Nony nilaza izany i Jesoa, dia nasian’ny mpiandry raharaha anankiray tehamaina sy nataony hoe: «Izany ve no famalinao ny lehiben’ny mpisorona?»