Ohabolana 17:20 - Baiboly Katolika

²⁰ Izay manana fo mamitaka tsy mahita ny fahasambarana, ary izay manana vava ratsy mivarina aman-doza.

Baiboly Protestanta Malagasy 2011

²⁰ Izay fo maditra dia tsy hahita soa ary izay manana lela mandainga hivarina any amin’ny loza.

DIEM PROTESTANTA

²⁰ Izay be hafetsen-dratsy dia tsy hahita hasambarana; ary izay miolakola-piteny no hianjadian’ny loza.

Dikateny Iombonana Eto Madagasikara

²⁰ Izay be hafetsen-dratsy dia tsy hahita hasambarana; ary izay miolakola-piteny no hianjadian’ny loza.

Baiboly Protestanta Malagasy

²⁰ Izay madì-po tsy hahita soa; Ary izay manana lela mandainga hivarina any amin’ny loza.

Malagasy Bible

²⁰ Izay madi-po tsy hahita soa; Ary izay manana lela mandainga hivarina any amin'ny loza.

La Bible en Malgache

²⁰ Izay fo maditra dia tsy hahita soa ary izay manana lela mandainga hivarina any amin’ny loza.

Ohabolana 17:20 Rohy Ifampitohizana

Salamo 18:26

Miseho ho tsara Ianao amin’izay tsara; miseho ho marina Ianao amin’izay marina;

Ohabolana 10:10

Izay mihiringiri-maso, ho fototr’alahelo; ary izay adala amin’ny vavany kosa mamantana amin’ny fahaverezana.

Ohabolana 10:14

Tahiry raketin’ny hendry ny fahendrena; fa loza mananontanona kosa ny vavan’ny adala.

Ohabolana 10:31

Ny vavan’ny marina, itsimoham-pahendrena; fa ny lela mandainga kosa hongotana.

Ohabolana 24:20

fa tsy manan-kiafarana ny manao ratsy, ary ho faty ny jiron’ny ratsy fanahy.

Ohabolana 3:32

satria halan’i Iaveh ny olon-dratsy fanahy fa izay mahitsy fo no hifankazarany indrindra.

Ohabolana 8:13

(Ny fankahalana ny ratsy no fahatahorana an’i Iaveh); ny rehareha aman’avonavona, ny lalan’ny haratsiana, ary ny lela fandainga, dia izany no halako.

Mpitoriteny 10:12

Mahafinaritra erỳ ny teny aloaky ny vavan’ny hendry; mihinana ny tenany kosa ny molotry ny adala.