Nomery 32:1 - Baiboly Katolika

¹ Ny zana-dRobena sy ny zanak’i Gada dia nanana biby fiompy be tokoa; ka nony hitany fa tany tsara ho fiandrasana biby fiompy ny tany ao Jazera sy ny tany ao Galaada,

Baiboly Protestanta Malagasy 2011

¹ Ary ny taranak’i Robena sy ny taranak’i Gada dia nanana omby aman’ondry marobe. Hitany fa tany tsara ho fiandrasana omby aman’ondriny ny tany Jazera sy ny tany Gileada.

DIEM PROTESTANTA

¹ Nanana andiana biby fiompy marobe ny taranak’i Reobena sy ny taranak’i Gada. Rehefa hitany fa mety hiompiana tsara ny faritr’i Jahezera sy ny tanin’i Gilehada,

Dikateny Iombonana Eto Madagasikara

¹ Nanana andiana biby fiompy marobe ny taranak’i Reobena sy ny taranak’i Gada. Rehefa hitany fa mety hiompiana tsara ny faritr’i Jahezera sy ny tanin’i Gilehada,

Baiboly Protestanta Malagasy

¹ ARY nanana omby aman-ondry be indrindra ny taranak’i Robena sy ny taranak’i Gada; ary rehefa nahita ny tany Jazera sy ny tany Gileada izy, fa tany tsara ho fiandrasana omby aman-ondry io,

Malagasy Bible

¹ Ary nanana omby aman'ondry be indrindra ny taranak'i Robena sy ny taranak'i Gada; ary rehefa nahita ny tany Jazera sy ny tany Gileada izy, fa tany tsara ho fiandrasana omby aman'ondry io,

La Bible en Malgache

¹ Ary ny taranak’i Robena sy ny taranak’i Gada dia nanana omby aman’ondry marobe. Hitany fa tany tsara ho fiandrasana omby aman’ondriny ny tany Jazera sy ny tany Gileada.

Nomery 32:1 Rohy Ifampitohizana

Genesisy 13:2

Nanana harena be tokoa i Abrama, dia volafotsy ary volamena.

Genesisy 13:5

I Lôta izay niara-dia tamin’i Abrama, dia mba nanana omby aman’ondry sy lay koa;

Genesisy 29:32

Dia nanana anaka i Lià, ka tera-dahy, nomeny anarana hoe Robena, fa hoy izy: «Nitsinjo ny fahoriako i Iaveh ka ho tian’ny vadiko aho ankehitriny.»

Genesisy 47:4

Dia hoy koa izy tamin’i Faraôna: «Tonga aty izahay mpanomponao mba hitoetra amin’ity tany ity, fa tsy misy hanina intsony horaotin’ny ondrin’ny mpanomponao, fa mamely mafy ny mosary any amin’ny tany Kanaana. Koa aoka re mba havelanao honina eto amin’ny tany Gesena ny mpanomponao.»

2Samoela 24:5

Nony tafita an’i Jordany izy ireo, dia nitoby tao Arôera aloha, ankavanan’ilay tanàna, eo afovoan’ny lohasahan’i Gada, dia vao tao Jareza.

2Samoela 24:6

Dia tonga tany Galaada sy any amin’ny tanin’i Taktima-Hodsì, izy; raha efa izany dia nankany Dana-Jaana, mbamin’ny manodidina an’i Sidona.

1Tantara 4:41

Tamin’ny andron’i Ekeziasa, mpanjakan’i Jodà, no nahatongavan’ireo olona voasoratra anarana ireo. Noravany ny lain’izy ireo mbamin’ny Maônita hitany tao, ka nony efa nataony anatema mandrak’androany, dia izy ireo no nisolo toerana azy, nonina teo, satria nisy ahitra ho an’ny biby fiompiny tao.

Eksodosy 12:38

Nisy koa olona be dia be, samihafa karazana, niara-niakatra taminy, mbamin’ny andian’ondry aman’omby maro be.

Jeremia 22:6

Satria izao no lazain’i Iaveh, ny amin’ny taranaky ny mpanjakan’i Jodà: «Tahaka an’i Galaada ianao amiko, tahaka ny tampon’i Libàna, nefa indro hampanjariko efitra, tanàna tsy honenana, ianao.

Jeremia 48:32

Mihoatra noho ny fitomaniana an’i Jazera no itomaniako anao, ry tanimboalobok’i Sabamà. Tafita ny ranomasina ny rantsanao tafapaka amin’ny ranomasin’i Jazera izy. Kanjo ny fitoazana anao amam-pitoazana ny voalobokao, nianjeran’ny mpandringana.

Jeremia 50:19

Dia hampodiko ho any amin’ny fonenany indray i Israely ka hiraotra eny Karmela sy eny Basàna izy; ary eny an-tendrombohitr’i Efraima sy i Galaada, izy no handeha hivoky.

Jeremia 8:22

Tsy misy baoma intsony any Galaada, tsy misy dokotera intsony va any? Sa nahoana no tsy nasiana bandy ny zanaka vavin’ny oloko?

Mika 7:14

Andraso amin’ny tehinao ny vahoakanao dia ny ondry lovanao, izay monina mitokana any an’ala, eo afovoan’i Karmela; aoka hiraoka any Basàna sy any Galaada izy, toy ny tamin’ny andro taloha.

Nomery 21:32

Naniraka olona hisafo an’i Jazera i Môizy; dia afak’izy ireo ny zana-bohiny, ka noroahiny ny Amôreana tamin’ireny.

Nomery 32:2

dia nanatona an’i Môizy sy i Eleazara mpisorona ary ny lohan’ny fiangonana ny zana-dRobena sy ny zanak’i Gada ka nanao taminy hoe:

Nomery 32:26

Ny zanakay, ny vadinay, ny biby fiompinay sy ny biby manompo rehetra anananay, dia hitoetra eto amin’ny tanànan’i Galaada;

Nomery 32:3

«I Atarôta, i Dibôna, i Jazera, i Nemrà, i Hesebona, i Eleale, i Nebô ary i Beôna,

Nomery 32:35

i Atarôta-Sôfàna, i Jezera, i Jegbàa,

Deoteronomia 33:21

Nifidy ny voalohan-tany ho azy izy; fa anjara-mpifehy no voaafina ao, ary nandroso nialoha lalana ny vahoaka, nanatanteraka ny fahamarinan’i Iaveh izy sy ny fitsaràny, niaraka tamin’i Israely».

Josoa 13:25

ka izao no faritaniny: Jasera, ny tanànan’i Galaada rehetra, ny antsasaky ny tanin’ny taranak’i Amôna, hatrany Arôera tandrifin’i Rabà,

Josoa 22:13

Nirahin’ny zanak’i Israely ho any amin’ny tarana-dRobena sy ny taranak’i Gada ary ny antsasaky ny fokon’i Manase, any amin’ny tany Galaada, i Finea zanak’i Eleazara mpisorona,

Josoa 22:9

Dia nandao ny zanak’i Israely tao Silô amin’ny tany Kanaana ny fokon-dRobena sy ny fokon’i Gada, ary ny antsasaky ny fokon’i Manase dia nody nankany amin’ny tany Galaada izay efa noraisiny ho zara taniny araka ny nandidian’i Iaveh tamin’ny alalan’i Môizy.

1Jaona 2:16

Satria ny zavatra rehetra amin’izao tontolo izao, ny filàn’ny nofo, ny fitiavan’ny maso, ny rehaka amin’izao fiainana izao, dia tsy avy amin’ny Ray, fa avy amin’izao tontolo izao.

Mpitsara 5:16

Nahoana no nijanona teo afovoan’ny tanimbolinao ianao, nihaino ny feon-tsodin’ny mpiandry ondrinao? Teo akaikin’ny sakeli-dranon-dRobena nisy fikasana lehibe tao am-po.