Nomery 18:32 - Baiboly Katolika

³² Rehefa ny tsara indrindra aminy no natokanareo, dia tsy hahazo heloka ny amin’izany ianareo; tsy handoto ny fanatitra masina avy amin’ny zanak’i Israely, ka tsy ho faty ianareo.»

Baiboly Protestanta Malagasy 2011

³² Tsy hahazoanareo heloka ireny raha maka ny tsara indrindra avy aminy ianareo; ary tsy mandoto ny zava-masina aterin’ny Zanak’Israely ianareo ka tsy ho faty.

DIEM PROTESTANTA

³² Tsy manota akory ianareo amin’izany, rehefa ny ampahany tsara indrindra aminy no navahanareo; tsy handoto ny fanatitra masina entin’ny Israelita akory ianareo, ka dia tsy ho faty.

Dikateny Iombonana Eto Madagasikara

³² Tsy manota akory ianareo amin’izany, rehefa ny ampahany tsara indrindra aminy no navahanareo; tsy handoto ny fanatitra masina entin’ny Israelita akory ianareo, ka dia tsy ho faty.

Baiboly Protestanta Malagasy

³² Ary tsy hahazoanareo heloka ireny, raha maka ny tsara indrindra avy aminy hianareo; ary tsy holotoinareo ny zava-masina aterin’ny Zanak’Isiraely, dia tsy ho faty hianareo.

Malagasy Bible

³² Ary tsy hahazoanareo heloka ireny, raha maka ny tsara indrindra avy aminy ianareo; ary tsy holotoinareo ny zava-masina aterin'ny Zanak'Isiraely, dia tsy ho faty ianareo.

La Bible en Malgache

³² Tsy hahazoanareo heloka ireny raha maka ny tsara indrindra avy aminy ianareo; ary tsy mandoto ny zava-masina aterin’ny Zanak’Israely ianareo ka tsy ho faty.

Nomery 18:32 Rohy Ifampitohizana

Eksodosy 28:43

Ireo no hoentin’i Aarôna sy ny zanany, na hiditra eo amin’ny trano lay fihaonana izy ireo, na hankeo amin’ny ôtely hanao ny Fanompoam-pivavahana eo amin’ny Fitoerana Masina. Ary amin’izany dia tsy ho voan-keloka izy ka tsy ho faty. Lalàna mandrakizay izany, ho an’i Aarôna sy ny taranany mandimby azy.»

Levitikosy 19:8

Ary izay mihinana azy amin’izany, dia hilonjy ny helony, fa mametaveta ny zava-boahasina ho an’i Iaveh, ka hofongorana amin’ny fireneny izany olona izany.

Levitikosy 22:2

«Mitenena amin’i Aarôna sy ny zanany mba hifadiany ny zava-masina atokan’ny zanak’i Israely ho Ahy sy tsy hanamavoany ny Anarako masina. Izaho no Iaveh.

Malakia 1:7

Tamin’ny inona no nanamavoanay ny Anaranao? - Amin’ny fitondranareo mofo voaloto eo amin’ny ôteliko. Ary hoy ianareo: Tamin’ny inona no nandotoanay Anao? - Amin’ny fanaovanareo hoe: Zavatra tsy manjary ny latabatr’i Iaveh.

Nomery 18:22

Tsy hanakaiky ny trano lay fihaonana intsony ny zanak’i Israely, fandrao dia hitondra ny helony izy ka maty.

Nomery 18:31

Hihinana izany amin’ny toerana rehetra ianareo sy ny fianakavianareo, fa karamanareo izany, noho ny raharaha ataonareo ao amin’ny trano lay fihaonana.

Nomery 19:1

Niteny tamin’i Môizy sy i Aarôna i Iaveh nanao hoe:

1Korintiana 11:27

Koa na zovy na zovy mihinana ny mofo, na misotro amin’ny kalisin’ny Tompo tsy amim-pahamendrehana, dia meloka amin’ny Vatana sy ny Ran’ny Tompo.

1Korintiana 11:29

fa izay mihinana sy misotro tsy amim-pamantarana ny Vatan’ny Tompo, dia mihinana sy misotro fanamelohana ny tenany.