Nomery 18:27 - Baiboly Katolika

²⁷ Ary izany fanokanana ataonareo izany dia horaisina ho solon’ny vary atokana avy eo am-pamoloana, ho solon’ny divay vaovao avy amin’ny barika.

Baiboly Protestanta Malagasy 2011

²⁷ Ary izany fanomezana izany dia hisaina ho anareo toy ny fanomezana nalaina avy amin’ny vary avy eo am-pamoloana sy ny divay avy eo amin’ny famiazana.

DIEM PROTESTANTA

²⁷ Izay hatokanareo dia hisaina mitovy amin’ny fanatitra avahan’ny olona ho Ahy amin’ny vary sy ny voamaina na ny divay vaovao.

Dikateny Iombonana Eto Madagasikara

²⁷ Izay hatokanareo dia hisaina mitovy amin’ny fanatitra avahan’ny olona ho Ahy amin’ny vary sy ny voamaina na ny divay vaovao.

Baiboly Protestanta Malagasy

²⁷ Ary ny fanatitra alainareo dia hisaina ho anareo toy ny vary avy eo am-pamoloana sy ny divay avy eo amin’ny famiazana.

Malagasy Bible

²⁷ Ary ny fanatitra alainareo dia hisaina ho anareo toy ny vary avy eo am-pamoloana sy ny divay avy eo amin'ny famiazana.

La Bible en Malgache

²⁷ Ary izany fanomezana izany dia hisaina ho anareo toy ny fanomezana nalaina avy amin’ny vary avy eo am-pamoloana sy ny divay avy eo amin’ny famiazana.

Nomery 18:27 Rohy Ifampitohizana

Genesisy 50:10

Nony tonga teo am-pamoloan’i Atada ao andafin’i Jordany izy ireo dia nitomany amam-pigogogogoana mafy, fa nanokana hafitoana hanaovana fisaonana ho voninahitry ny rainy i Josefa.

2Mpanjaka 6:27

Dia hoy izy: «Raha i Iaveh tsy mamonjy anao, amin’inona no azoko amonjena anao? Amin’ny vokatry ny famoloana sa amin’ny famiazam-boaloboka?»

Nomery 15:20

Ho santatry ny kobanareo, dia havahanareo aloha ny mofomamy iray hatao fanatitra; havahanareo izany toy ny fanavahana ny fanatitra avy eo am-pamoloana.

Nomery 18:26

«Mitenena amin’ny Levita ianao, ka lazao amin’izy ireo hoe: Rehefa mandray ny fahafolon-karena avy amin’ny zanak’i Israely ianareo, izay omeko ho lovanareo avy amin’ny fananan’izy ireo, dia hanokananareo izay ho fanatitra ho an’i Iaveh, ampahafolon’ny ampahafolon-karena.

Nomery 18:28

Dia mba toy izany koa no hanokananareo fanatitra ho an’i Iaveh, avy amin’ny fahafolon-karena horaisinareo amin’ny zanak’i Israely; ary izany fanatitra voatokana ho an’i Iaveh izany, dia omenareo an’i Aarôna mpisorona.

Nomery 18:30

Lazao aminy hoe: Raha manokana ny tsara indrindra amin’izany ianareo, dia hisaina ho an’ny Levita ny ampahafolony, ho solon’ny vokatra avy eo am-pamoloana, sy ho solon’ny vokatra avy eo amin’ny famiazana.

Deoteronomia 15:14

fa anomezo falim-pò mihitsy izy, avy amin’ny biby madinika fiompinao sy ny avy eo am-pamoloana amam-pamiazanao; ny harena izay nanambinan’i Iaveh Andriamanitrao anao no hanomezanao azy.