Nomery 18:2 - Baiboly Katolika

² Ento manatona miaraka aminao koa ny rahalahinao, ny fokon’i Levỳ, ny fokon-drainao, ho mpanampy anao, hanompoany anao, rehefa mby anoloan’ny trano lain’ny vavolombelona ianao sy ny zanakao miaraka aminao.

Baiboly Protestanta Malagasy 2011

² Ary ireo rahalahinao avy amin’ny fokon’i Levy izay fokon’ny razanao koa dia ento miaraka aminao mba hikambana aminao izy ireo ka hanompo anao; fa ianao sy ireo zanakao no ho eo anoloan’ny tranolain’ny Vavolombelona.

DIEM PROTESTANTA

² Ento miaraka aminao koa ireo levita mpiray foko aminao, fa izy ireo no ho mpanampy anao sy ho mpanomponao rehefa mankeo amin’ny Tranolay misy ny raki-tsoratry ny fanekempihavanana ianao sy ny taranakao;

Dikateny Iombonana Eto Madagasikara

² Ento miaraka aminao koa ireo levita mpiray foko aminao, fa izy ireo no ho mpanampy anao sy ho mpanomponao rehefa mankeo amin’ny Tranolay misy ny raki-tsoratry ny fanekempihavanana ianao sy ny taranakao;

Baiboly Protestanta Malagasy

² Ary ny rahalahinao avy amin ny firenen’i Levy izay firenen’ny razanao koa dia ento miaraka aminao, mba hikambana aminao izy ka hanompo anao; fa hianao sy ny zanakao ho eo anoloan’ny trano-lain’ny Vavolombelona.

Malagasy Bible

² Ary ny rahalahinao avy amin'ny firenen'i Levy izay firenen'ny razanao koa dia ento miaraka aminao, mba hikambana aminao izy ka hanompo anao; fa ianao sy ny zanakao ho eo anoloan'ny trano-lain'ny Vavolombelona.

La Bible en Malgache

² Ary ireo rahalahinao avy amin’ny fokon’i Levy izay fokon’ny razanao koa dia ento miaraka aminao mba hikambana aminao izy ireo ka hanompo anao; fa ianao sy ireo zanakao no ho eo anoloan’ny tranolain’ny Vavolombelona.

Nomery 18:2 Rohy Ifampitohizana

Genesisy 29:34

Nanana anaka indray koa izy, dia tera-dahy, ka nanao hoe: «Izao vao hiraiki-po amiko tokoa ny vadiko, fa niteraka telo mirahalahy ho azy aho.» Izany no nanaovany ny anaran’io hoe Levi.

2Tantara 30:16

Nipetraka teo amin’ny fitoerana fipetrahany araka ny fandaharana, araka ny lalàn’i Môizy, ilay olon’Andriamanitra izy ireo; ary ny mpisorona nandraraka ny ra, noraisiny avy any an-tanan’i Levita.

Ezekiela 44:11

Izy ireo, ao amin’ny fitoerako masina, dia ho mpanompo miandry ny varavaran’ny trano, sy manao fanompoana ao amin’ny trano; izay ireo no hamono ho an’ny vahoaka ny zavatra hatao sorona dorana, na sorona hafa, ary hijanona eo anatrehan’ny vahoaka hanompo azy.

Ezekiela 44:15

Fa ireo Levita mpisorona, taranak’i Sadôka kosa, izay nitandrina ny fandaharana momba ny fitoerako masina tamin’ny nivilian’ny zanak’i Israely nanalavitra Ahy, dia izay ireo no hanatona Ahy hanao ny fanompoana amiko, sy hitsangana eo anatrehako, hanatitra ny sabora sy ny ra, - teny marin’ny Tompo Iaveh.

Malakia 2:4

Dia ho fantatrareo amin’izay, fa nandefa ity didy ity aminareo Aho, mba haharetan’ny fanekeko amin’i Levi, hoy i Iavehn’ny tafika.

Nomery 1:53

Fa ny Levita kosa dia hitoby manodidina ny Fonenan’ny vavolombelona, mba tsy hipoahan’ny hatezerako ny fiangonan’ny zanak’i Israely, ary ny Levita no hiambina ny Fonenan’ny vavolombelona.»

Nomery 17:7

Fa raha ilay nivory hanohitra an’i Môizy sy Aarôna iny ny fiangonana, dia nitodika ny trano lay fihaonana i Môizy sy i Aarôna, ka indro fa nanarona an’io ny rahona ary ny voninahitr’i Iaveh niseho.

Nomery 18:4

Ho mpanampy anao izy ireo, ary hanatanteraka ny fanompoana momba ny trano lay fihaonana amin’ny asa rehetra ao an-trano lay. Fa ny olon-kafa tsy hanakaiky anareo.

Nomery 3:5

Ary i Eleazara sy i Itamara nanao ny fisoronana teo anatrehan’i Aarôna rainy.

Nomery 4:15

Rehefa vitan’i Aarôna sy ny zanany ny fanaronana ny fitoerana masina mbamin’ny fanaka rehetra momba azy, ka hifindra lasy, dia ho avy ny taranak’i Kaata hitondra azy; tsy hikasika ny zavatra masina anefa izy ireo, fandrao maty. Izany zavatra momba ny trano lay fihaonana izany, no ho anjara entan’ny taranak’i Kaata.

Nomery 8:19

dia natolotro mba ho an’i Aarôna sy ny zanany mihitsy ny Levita eo amin’ny zanak’i Israely mba hanao ny fanompoan’ny zanak’i Israely ao amin’ny trano lay fihaonana, mba hanao ny fanonerana ho an’ny zanak’i Israely, mba tsy ho voan’ny loza na inona na inona ny zanak’i Israely, rehefa hanakaiky ny fitoerana masina.»

Nomery 8:22

raha efa izany dia niditra ny Levita nanao ny fanompoany tao amin’ny trano lay fihaonana teo anatrehan’i Aarôna sy ny zanany. Araka izay nandidian’i Iaveh an’i Môizy ny amin’ny Levita, dia araka izany no natao tamin’izy ireo.

Hebreo 9:6

Nony voalamina araka izany ireo zavatra ireo, dia tao amin’ilay voalohany amin’ny tranolay ihany no nidiran’ny mpisorona mandrakariva, raha nanao ny fanompoam-pivavahana izy;