Nomery 18:15 - Baiboly Katolika

¹⁵ Ny voalohan-teraky ny nofo rehetra ateriny ho an’i Iaveh, na olona na biby, dia ho anao avokoa. Kanefa asaovy avotana ny voalohan-teraky ny olona, sy ny voalohan-teraky ny biby maloto.

Baiboly Protestanta Malagasy 2011

¹⁵ Ny voalohan-teraka rehetra, izay atolony ho an’NY TOMPO, na olona izany na biby, dia ho anao avokoa. Kanefa tsy maintsy havotanao ny voalohan-teraky ny olona, ary havotanao ny voalohan-teraky ny biby maloto.

DIEM PROTESTANTA

¹⁵ Farany dia ho anareo avokoa ny voalohan-teraka rehetra izay aterina ho Ahy TOMPO, na olona izany na biby; kanefa dia havotanareo ny voalohan-teraky ny olona sy ny voalohan-teraky ny biby maloto.

Dikateny Iombonana Eto Madagasikara

¹⁵ Farany dia ho anareo avokoa ny voalohan-teraka rehetra izay aterina ho Ahy TOMPO, na olona izany na biby; kanefa dia havotanareo ny voalohan-teraky ny olona sy ny voalohan-teraky ny biby maloto.

Baiboly Protestanta Malagasy

¹⁵ Ny voalohan-teraka rehetra, izay ateriny ho an’i Jehovah, na olona, na biby, dia ho anao avokoa; kanefa tsy maintsy havotanao ny voalohan-teraky ny biby maloto dia havotanao koa.

Malagasy Bible

¹⁵ Ny voalohan-teraka rehetra, izay ateriny ho an'i Jehovah, na olona, na biby, dia ho anao avokoa; kanefa tsy maintsy havotanao ny voalohan-teraky ny biby maloto dia havotanao koa.

La Bible en Malgache

¹⁵ Ny voalohan-teraka rehetra, izay atolony ho an’NY TOMPO, na olona izany na biby, dia ho anao avokoa. Kanefa tsy maintsy havotanao ny voalohan-teraky ny olona, ary havotanao ny voalohan-teraky ny biby maloto.

Nomery 18:15 Rohy Ifampitohizana

2Mpanjaka 12:5

Ary hoy i Jôasa tamin’ny mpisorona: «Ny volan’ny fitoerana masina rehetra izay aterin’ny olona ao an-tranon’i Iaveh dia ny vola fandoan’ny isan’olona, ny vola avotry ny olona araka ny fanombanana azy avy, ary ny vola rehetra aterin’ny olona samy araka ny fahazotoany avy, ao an-tranon’i Iaveh,

Nehemia 10:37

hitondra ho ao an-tranon’ny Andriamanitsika, amin’ny mpisorona manao ny fanompoana ao an-tranon’ny Andriamanitsika, ny lahy matoanay sy ny voalohan-teraky ny biby fiompinay, araka ny voasoratra ao amin’ny lalàna, ary ny voalohan-teraky ny omby aman’ondrinay.

Eksodosy 13:15

Fa rehefa nikiry tsy nety nandefa anay i Faraôna dia novonoin’i Iaveh ny lahy matoa rehetra tamin’ny tany Ejipta, hatramin’ny lahy matoan’ny olona, ka hatramin’ny lahy voalohan-teraky ny biby. Izany no anolorako ny lahy voalohan-teraka rehetra ho sorona amin’i Iaveh sy hanavotako ny lahy matoa rehetra amin’ny zanako lahy.

Eksodosy 13:2

«Atokàny ho Ahy ny lahy matoa rehetra, izay lahy matoa rehetra amin’ny zanak’i Israely, na olona na biby fa Ahy izany.»

Eksodosy 22:29

«Aza milasilasy amin’ny fanaterana amiko ny voaloham-bokatry ny varinao sy ny voalobokao. Atolory ahy ny lahy matoa amin’ny zanakao lahy.

Eksodosy 34:20

Zanak’ondry ny hanavotanao ny voalohan-teraky ny ampondra; na hofolahinao ny hatony raha tsy havotanao izy. Havotanao ny lahy matoa rehetra amin’ny zanakao; ary aza miseho eo anatrehako tsy mitondra fanatitra ianao.»

Nomery 18:16

Ny amin’ny fanavotana azy dia asaovy avotana rehefa teraka iray volana izy, araka izay nanombanana azy, dia dimy sikla volafotsy araka ny sikla masina izay roapolo gerà avy.

Nomery 3:13

satria Ahy ny lahy matoa rehetra. Tamin’ilay andro namelezako ny lahy matoa rehetra tany amin’ny tany Ejipta no nanokanako ho Ahy ny voalohan-teraka rehetra amin’i Israely, na olona na biby fiompy; ka dia Ahy ireo, fa Izaho no Iaveh.»

Nomery 3:46

Ny amin’ny avotr’ireo lahy matoa 273 amin’ny zanak’i Israely, izay mihoatra isa noho ny Levita,

Deoteronomia 15:19

Atokàny ho an’i Iaveh Andriamanitrao ny lahy rehetra voalohan-teraky ny biby fiompinao, na vaventy na madinika; aza mampiasa ny voalohan-teraky ny ombinao, na manety ny voalohan-teraky ny ondrinao,