Nomery 14:33 - Baiboly Katolika

³³ ary ny zanakareo hiroaka ny biby fiompy any an’efitra, mandritra ny efapolo taona, fa hivesatra ny valin’ny fivadihanareo izy mandra-pahalevona ny fatinareo rehetra atỳ an’efitra.

Baiboly Protestanta Malagasy 2011

³³ ary ny zanakareo dia hirenireny toy ny mpiandry ondry atỳ an-tany efitra nandritra ny efapolo taona ka hiharan’ny valin’ny fijangajanganareo, mandra-pahafatinareo rehetra atỳ an-tany efitra.

DIEM PROTESTANTA

³³ ny zanakareo kosa dia ho mpiandry ondry atỳ mandritra ny efapolo taona. Izy ireo no hizaka ny vokatry ny fivadihanareo mandrapahafatinareo rehetra atỳ an-taniefitra.

Dikateny Iombonana Eto Madagasikara

³³ ny zanakareo kosa dia ho mpiandry ondry atỳ mandritra ny efapolo taona. Izy ireo no hizaka ny vokatry ny fivadihanareo mandrapahafatinareo rehetra atỳ an-taniefitra.

Baiboly Protestanta Malagasy

³³ ary ny zanakareo hirenireny toy ny mpiandry ondry atỳ an-efitra efa-polo taona ka hiharan’ny valin’ny fijangajanganareo, mandra-pahafatinareo rehetra atỳ an-efitra.

Malagasy Bible

³³ ary ny zanakareo hirenireny toy ny mpiandry ondry atỳ an-efitra efa-polo taona ka hiharan'ny valin'ny fijangajanganareo, mandra-pahafatinareo rehetra atỳ an-efitra.

La Bible en Malgache

³³ ary ny zanakareo dia hirenireny toy ny mpiandry ondry atỳ an-tany efitra nandritra ny efapolo taona ka hiharan’ny valin’ny fijangajanganareo, mandra-pahafatinareo rehetra atỳ an-tany efitra.

Nomery 14:33 Rohy Ifampitohizana

Salamo 107:4

Nirenireny tany an’efitra ireny tamin’ny lalana mangingina, tsy nahita tanàna iray akory honenana.

Salamo 107:40

Nosaforany henatra ny mpanapaka an’ireny, nampirenireny any an’efitra tsy misy lalana;

Salamo 78:33

Ka nataony levona toy ny fofon’aina ny androny, ary notaperiny tampoka ny taonany.

Eksodosy 20:5

Tsy hiankohoka eo anatrehan’ireny na hanompo azy akory ianao, fa Izaho Iaveh Andriamanitrao dia Andriamanitra saro-piaro, ka amin’izay mankahala Ahy, mamaly ny heloky ny ray amin’ny zanaka hatramin’ny taranaka fahatelo sy fahefatra,

Ezekiela 23:35

Koa izao no lazain’ny Tompo Iaveh: Noho ianao nanadino Ahy, sy nanifika Ahy ho any ivohonao: dia aoka ianao koa mba hizaka ny sazin’ny fahalotoanao, amam-pijangajanganao!

Hosea 9:1

Aza miarana amin’ny fifaliana, ry Israely, na amin’ny firavoravoana toy ny firenena. Fa ianao, efa nitolo-tena amin’ny ratsy lavitra ny Andriamanitrao, efa nankamamy ny tangin’ny mpijangajanga, teny am-pamoloana rehetra teny.

Nomery 32:13

Nirehitra tamin’i Israely ny fahatezeran’i Iaveh ka nataony nirenireny tany an’efitra izy ireo nandritra ny efapolo taona mandra-pahalany ritra ny taranaka rehetra izay nanao ratsy teo imason’i Iaveh.

Nomery 33:38

Niakatra tao an-tendrombohitra Hôra i Aarôna mpisorona araka ny didin’i Iaveh, dia maty tao izy tamin’ny taona fahefapolo taorian’ny nivoahan’ny zanak’i Israely tany amin’ny tany Ejipta, volana fahadimy, andro voalohan’ny volana.

Nomery 5:31

ka ralehilahy tsy hanan-tsiny, fa ny vavy no hitondra ny fahotany.»

Asan’ny Apostoly 7:36

Izy ihany no nanafaka azy ireo, tamin’ny fahagagana amam-pamantarana nataony tany Ejipta, sy tao amin’ny ranomasina Mena, ary tany an’efitra efapolo taona.

Deoteronomia 1:3

Tamin’ny taona fahefapolo, volana faharaika ambin’ny folo, andro voalohan’ny volana, dia niteny tamin’ny zanak’i Israely i Môizy, araka izay rehetra nodidian’i Iaveh holazainy amin’izy ireo,

Deoteronomia 2:14

Valo amby telopolo taona no naharetan’ny diantsika hatrany Kadesa-Barne ka hatramin’ny nitantsika ny ranon-driaka Zareda, dia mandra-pahalany ritra tsy hisy eo an-toby intsony ny mpiantafika rehetra tamin’izany taranaka izany, araka ny efa nianianan’i Iaveh tamin’izy ireo.

Deoteronomia 2:7

Fa efa nambinin’i Iaveh Andriamanitrao ianao, tamin’ny asan’ny tananao rehetra; fantany ny nandehananao namaky ity efitra lehibe ity, fa efapolo taona izao no eo aminao i Iaveh Andriamanitrao, tsy nanan-java-mahory ianao na inona na inona.

Deoteronomia 29:5

tsy mofo nohaninareo, tsy divay na labiera nosotroinareo; mba hahazoanareo mahalala fa Izaho no Iaveh Andriamanitrareo.

Deoteronomia 8:2

Tsarovy ny lalàna rehetra izay nasain’i Iaveh Andriamanitrareo nandehananareo, tany an’efitra, nandritra ny efapolo taona izao, mba hampanetry tena anao, sy hitsapa ny tenanao, dia hahalalàna ny hevitrao ao am-ponao, na hitandrina ny didiny ianao, na tsia.

Deoteronomia 8:4

Ny fitafiana tsy nihatonta teny aminao, ny tongotrao tsy nivonto, mandritra izao efapolo taona izao,

Josoa 14:10

Koa ankehitriny, efa nitahiry ny aiko araka ny voalazany i Iaveh hatramin’ny 45 taona nilazany izany teny izany tamin’i Môizy, fony i Israely nandeha tany an’efitra, ary 85 taona aho izao.

Josoa 5:6

Satria efapolo taona no nandehanan’ny zanak’i Israely tany an’efitra, mandra-pahalàny ritra ny firenena rehetra, dia ny mpiantafika rehetra nivoaka avy tany Ejipta, fa tsy nihaino ny feon’i Iaveh, ka efa nianianan’i Iaveh taminy fa izy ireo tsy havelany hahita ny tany izay nianianany tamin’ny razanay homena antsika, tany tondra-dronono sy tantely.