Nehemia 10:38 - Baiboly Katolika

³⁸ Toraka izany koa hanatitra ho an’ny mpisorona ao amin’ny efitrano, ao an-tranon’ny Andriamanitsika, ny santatry ny kobanay amam-panatitray voaavaka mbamin’ny voankazo avy amin’ny hazo rehetra, ny divay vaovao ary ny diloilo, ary hanolotra amin’ny Levita ny ampahafolon’ny vokatry ny taninay; ary ny tenan’ny Levita no haka ny ampahafolony any amin’ny tanàna rehetra fambolenay.

Baiboly Protestanta Malagasy 2011

³⁸ ary mba hitondranay ho an’ny mpisorona koa ny voalohan’ny kobanay voafetafeta sy ny fanomezanay, ny voaloham-bokatry ny hazo rehetra, ny ranom-boaloboka ary ny diloilo ho amin’ny efitrano ao amin’ny tranon’Andriamanitsika, ary ny ampahafolon’ny vokatry ny taninay dia ho an’ny levita; fa ny levita no mpandray ny fahafolonkarena eny an-tanàna rehetra akaikin’ny fambolenay.

DIEM PROTESTANTA

³⁸ Ampahany voafantinay amin’ny koba sy voankazo ary divay sy menaka no hatolotray ho an’ny mpisorona ka hapetrakay ao an-tranon’Andriamanitray, ao amin’ny efitrano voatokana ho an’izany; hatolotray ho an’ny levita ny ampahafolon’ny vokatry ny taninay, ka ny levita mihitsy no handray io fahafolon-karena io eny an-tanàna rehetra akaikin’ny fambolenay.

Dikateny Iombonana Eto Madagasikara

³⁸ Ampahany voafantinay amin’ny koba sy voankazo ary divay sy menaka no hatolotray ho an’ny mpisorona ka hapetrakay ao an-tranon’Andriamanitray, ao amin’ny efitrano voatokana ho an’izany; hatolotray ho an’ny levita ny ampahafolon’ny vokatry ny taninay, ka ny levita mihitsy no handray io fahafolon-karena io eny an-tanàna rehetra akaikin’ny fambolenay.

Baiboly Protestanta Malagasy

³⁸ ary mba hitondranay ho an’ny mpisorona koa ny voalohan’ny kobanay voafetafeta sy ny fanatitra asandratray sy ny voaloham-bokatry ny hazo rehetra sy ny ranom-boaloboka ary ny diloilo ho amin’ny efi-trano ao an-tranon’Andriamanitsika, ary ny ampahafolon’ny vokatry ny taninay ho an’ny Levita; fa ny Levita no mpandray ny fahafolon-karena eny an-tanàna rehetra akaikin’ny fambolenay.

Malagasy Bible

³⁸ ary mba hitondranay ho an'ny mpisorona koa ny voalohan'ny kobanay voafetafeta sy ny fanatitra asandratray sy ny voaloham-bokatry ny hazo rehetra sy ny ranom-boaloboka ary ny diloilo ho amin'ny efi-trano ao an-tranon'Andriamanitsika, ary ny ampahafolon'ny vokatry ny taninay ho an'ny Levita; fa ny Levita no mpandray ny fahafolon-karena eny an-tanàna rehetra akaikin'ny fambolenay.

La Bible en Malgache

³⁸ ary mba hitondranay ho an’ny mpisorona koa ny voalohan’ny kobanay voafetafeta sy ny fanomezanay, ny voaloham-bokatry ny hazo rehetra, ny ranom-boaloboka ary ny diloilo ho amin’ny efitrano ao amin’ny tranon’Andriamanitsika, ary ny ampahafolon’ny vokatry ny taninay dia ho an’ny levita; fa ny levita no mpandray ny fahafolonkarena eny an-tanàna rehetra akaikin’ny fambolenay.

Nehemia 10:38 Rohy Ifampitohizana

1Tantara 9:26

Fa izy efa-dahy lohan’ny mpiandry varavarana, izay Levita, dia teo amin’ny raharahany hatrany, sady mbola nitandrina ny efitrano sy ny rakitra tao an-tranon’Andriamanitra.

Levitikosy 27:30

«Ny ampahafolon’ny vokatra rehetra avy amin’ny tany, na ny avy amin’ny voa famafy amin’ny tany, na ny avy amin’ny voan’ny hazo, dia an’i Iaveh avokoa, zava-boatokana ho an’i Iaveh izany.

Nomery 15:19

ka hihinana mofo avy amin’izany tany izany, dia avaho aloha izay fanatitra ho an’i Iaveh.

Nomery 15:21

Ho santatry ny kobanareo, dia hanavaka izay ho fanatitra ho an’i Iaveh aloha ianareo, dia ianareo sy ny taranakareo.

Nomery 18:21

Indro omeko ho lovan’ny taranak’i Levỳ ny fahafolon-karena rehetra amin’i Israely noho ny raharaha ataony, dia ny raharahan’ny trano lay fihaonana.

Nomery 18:24

Fa ny fahafolon-karena hatokan’ny zanak’i Israely ho an’i Iaveh no omeko ho lovan’ny Levita; izany no ilazako aminy hoe: Tsy hanan-dova eo afovoan’ny zanak’i Israely izy.»

Deoteronomia 14:22

Atokano ny fahafolon’ny vokatra rehetra avy amin’ny voa nafafinao, dia ny vokatry ny taninao isan-taona.