Nahoma 3:4 - Baiboly Katolika

⁴ Ny nahatonga izany, dia noho ny fijangajangana maro be nataon’ilay vehivavy janga, feno zavatra mahafinaritra manangoly, kinga amin’ny fankatoavana, izay nivarotra firenena amin’ny fijangajangany sy vahoaka amin’ny fankatoavany.

Baiboly Protestanta Malagasy 2011

⁴ Izany dia noho ny habetsahan’ny fijangajangan’Ikala janga tsara tarehy, sady mpilalao sikidy, izay mivarotra firenena amin’ny fijangajangany sy fokom-pirenena amin’ny ody ratsiny.

DIEM PROTESTANTA

⁴ Fatra-pijangajanga i Ninive, ilay mpivarotena bikana sy kinga amin’ny fanangolena, sady nangeja vahoaka sy firenena tamin’ny fijangajangana sy ny ody fitia.

Dikateny Iombonana Eto Madagasikara

⁴ Fatra-pijangajanga i Ninive, ilay mpivarotena bikana sy kinga amin’ny fanangolena, sady nangeja vahoaka sy firenena tamin’ny fijangajangana sy ny ody fitia.

Baiboly Protestanta Malagasy

⁴ Noho ny habiazan’ny fijangajangan’ikala janga tsara tarehy, Tompovavin’ny fankatovana, Izay mivarotra firenena amin’ny fijangajangany Sy fokom-pirenena amin’ny fankatovany.

Malagasy Bible

⁴ Noho ny habiazan'ny fijangajangan'ikala janga tsara tarehy, Tompovavin'ny fankatovana, Izay mivarotra firenena amin'ny fijangajangany Sy fokom-pirenena amin'ny fankatovany.

La Bible en Malgache

⁴ Izany dia noho ny habetsahan’ny fijangajangan’Ikala janga tsara tarehy, sady mpilalao sikidy, izay mivarotra firenena amin’ny fijangajangany sy fokom-pirenena amin’ny ody ratsiny.

Nahoma 3:4 Rohy Ifampitohizana

Isaia 47:8

Fa ankehitriny, mihainoa, ry ilay nihantahanta, izay nipetraka tsy nanana ahiahy akory, sy nilaza tao am-ponao hoe: «Izaho ity, dia izaho irery ihany! tsy ho mpitondratena na oviana na oviana aho, na hofoanana anaka!»

Isaia 47:9

Kanjo ireo zava-droa ireo ho indray mianjera aminao, tampoka, indray andro monja, dia ny fahafoanana anaka, sy ny fananoantena, ho tonga aminao tanteraka an-tsakany sy an-davany izany, na dia eo aza ny hamaroan’ny odinao, na dia eo aza ny herin’ny fankatoavanao.

Ezekiela 16:35

Noho izany, henoy ny tenin’i Iaveh:

Apokalipsy 18:23

Ny fahazavan’ny jiro tsy hamirapiratra ao aminao intsony, ary ny feon’ny mpampakatra sy ampakarina tsy ho re ao aminao intsony; satria ny mpandrantonao dia lehiben’ny tany, ary ny ody fandrebirebenao no nampivily ny firenena rehetra.

Apokalipsy 18:9

Hitomany azy sy higogogogo ny mpanjakan’ny tany, izay nijangajanga taminy, sy niara-niliba taminy tamin’ny fahafinaretan’ny nofo, rehefa mahita ny setroky ny fandoroana azy.