Mpitsara 9:54 - Baiboly Katolika

⁵⁴ Nantsoiny faingana ny zatovo mpitondra ny fiadiany, ka hoy izy taminy: «Tsoahy ny sabatrao, ka vonoy aho, mba tsy hanaovan’ny olona ahy hoe: Vehivavy no nahafaty azy». Dia notrabaran’ilay zatovo izy, ka maty.

Baiboly Protestanta Malagasy 2011

⁵⁴ Dia nantsoin’i Abimeleka haingana ny zatovo mpitondra ny fiadiany ka hoy izy taminy: Tsoahy ny sabatrao ka vonoy aho mba tsy hanaovan’ny olona ahy hoe: Vehivavy no nahafaty azy. Dia namely azy miboroaka ilay zatovo ka maty izy.

DIEM PROTESTANTA

⁵⁴ Dia nantsoin’i Abimelèka faingana ilay tovolahy mpitondra ny fiadiany ary nodidiany hoe: –Raiso ny sabatrao ka vonoy aho, fandrao holazain’ny olona hoe vehivavy no nahafaty ahy. Dia notrobaran’ilay tovolahy tamin’ny sabatra i Abimelèka ka maty.

Dikateny Iombonana Eto Madagasikara

⁵⁴ Dia nantsoin’i Abimelèka faingana ilay tovolahy mpitondra ny fiadiany ary nodidiany hoe: –Raiso ny sabatrao ka vonoy aho, fandrao holazain’ny olona hoe vehivavy no nahafaty ahy. Dia notrobaran’ilay tovolahy tamin’ny sabatra i Abimelèka ka maty.

Baiboly Protestanta Malagasy

⁵⁴ Dia nantsoin’i Abimeleka faingana ny zatovo, mpitondra ny fiadiany, ka hoy izy taminy: Tsoahy ny sabatrao, ka vonoy aho, mba tsy hanaovan’ny olona ahy hoe: Vehivavy no nahafaty azy. Dia namely azy miboroaka ilay zatovo, ka maty izy.

Malagasy Bible

⁵⁴ Dia nantsoin'i Abimeleka faingana ny zatovo, mpitondra ny fiadiany, ka hoy izy taminy: Tsoahy ny sabatrao, ka vonoy aho, mba tsy hanaovan'ny olona ahy hoe: Vehivavy no nahafaty azy. Dia namely azy miboroaka ilay zatovo, ka maty izy.

La Bible en Malgache

⁵⁴ Dia nantsoin’i Abimeleka haingana ny zatovo mpitondra ny fiadiany ka hoy izy taminy: Tsoahy ny sabatrao ka vonoy aho mba tsy hanaovan’ny olona ahy hoe: Vehivavy no nahafaty azy. Dia namely azy miboroaka ilay zatovo ka maty izy.

Mpitsara 9:54 Rohy Ifampitohizana

2Samoela 1:10

Dia nanatona azy aho, ka namono azy satria fantatro fa tsy ho velona intsony izy rehefa resy. Koa nalaiko ny satrok’andriana teny an-dohany sy ny fehin-tanana teny amin’ny sandriny, dia indreto nentiko nankatỳ amin’ny tompoko.»

2Samoela 1:7

niherika izy ka nahatazana ahy dia niantso ahy, sy nolazaiko hoe: ‹Inty aho.›

2Samoela 1:9

Dia hoy izy tamiko: ‹Avia atỳ akaikiko ary vonoy ho faty aho; fa efa fanina aho ity, nefa ny aiko manontolo mbola ato amiko.›

2Samoela 23:37

I Seleka, Amônita, i Nahanaia avy any Berôta, mpitondra fiadian’i Jôaba zanak’i Sarvià;

1Tantara 10:4

Ary hoy i Saola tamin’ny mpitondra fiadiany: «Tsoahy ny sabatrao, ka trobary aho, fandrao avy manevateva ahy ireo tsy mifora ireo.» Tsy nety anefa ilay mpitondra fiadiana fa azon-tahotra, ka nalain’i Saola ny sabany, dia nianjerany avy eo ambony.

1Tantara 10:5

Vao hitan’ilay mpitondra fiadiana fa maty i Saola, dia mba nianjera tamin’ny sabany koa izy, ka maty.

1Tantara 11:39

i Sekela Ammônita, i Naaraỳ avy any Berôta, mpitondra fiadian’i Jôaba zanak’i Sarvià;

Mpitsara 4:9

Ka hoy ny navaliny: «Eny àry, handeha hiaraka aminao aho; fa tsy ho anao ny voninahitra amin’izao fanafihana halehanao izao, satria ho eo an-tanam-behivavy no hanoloran’i Iaveh an’i Sisarà.» Dia niainga i Debôrà, ka lasa niaraka tamin’i Baràka nankany Kedesy.

Mpitsara 9:55

Nony hitan’ny lehilahy amin’i Israely fa maty i Abimeleka, dia samy nody ho any an-tranony avy izy.

1Samoela 14:12

Ary niteny tamin’i Jônatasy sy ny mpitondra fiadiany ny miaramila amin’io antokony io nanao hoe: «Miakara atỳ aminay, fa hataonay mahita raha ianareo». Dia hoy i Jônatasy tamin’ity mpitondra fiadiany: «Manaraha ahy, fa efa natolotr’i Iaveh eo an-tanantsika izy ireo».

1Samoela 14:13

Koa niakatra nandady tongotra aman-tanana i Jônatasy narahin’ity mpitondra fiadiany. Ary lavo teo anoloan’i Jônatasy ny Filistinina, sady namono teo aoriany koa ity mpitondra fiadiany.

1Samoela 14:14

Dia sahabo ho roapolo lahy aloha no matin’i Jônatasy sy ny mpitondra fiadiany tamin’io famelezany voalohany tao anatin’ny tany antsasaky ny vava asa aminy tany iray arpenta.

1Samoela 14:17

Ka hoy i Saola tamin’ny vahoaka nomba azy: «Ataovy ny matso, ka zahao izay niala tamintsika». Dia nanao matso izy ireo, ka hita fa i Jônatasy sy ny mpitondra fiadiany no tsy teo.

1Samoela 14:7

Dia hoy ity mpitondra fiadiana: «Ataovy izay rehetra tianao, fa inty aho momba anao, vonon-kanaraka anao».

1Samoela 16:21

Nony tonga tany amin’i Saola i Davida dia nitsangana teo anatrehany, dia raiki-pitia azy i Saola ary nataony mpitondra fiadiany izy.

1Samoela 31:6

Izany no niarahany maty androtr’izay ihany, dia i Saola sy ny zanany telo lahy, ary ny mpitondra fiadiany, mbamin’ny olona rehetra.