Mpitsara 8:26 - Baiboly Katolika

²⁶ Ary nisy fiton-jato amby arivo sikla ny lanjan’ny pera-bolamena nangatahin’i Jedeôna, afa-tsy ny sarim-bolan-tsinana aman-kavina sy ny fitafiana jaky nentin’ny mpanjakan’i Madiàna, mbamin’ny fehivozona teny amin’ny vozon-dramevany.

Baiboly Protestanta Malagasy 2011

²⁶ Ny lanjan’ny kavina volamena nangatahiny dia volamena fitonjato sy arivo sekela, afa-tsy ny ravaka sarim-bolan-tsinana, ny kavina voavola ary ny lamba volomparasy izay teny amin’ireo mpanjakan’ny Midianita, ary koa ny ravaka izay teny amin’ny vozon’ny ramevany.

DIEM PROTESTANTA

²⁶ Ny lanjan’ny volamena nangatahin’i Gidehôna dia nahatratra roapolo kilao. Nahazo izay firavaka sy kavina ary fitafiana jaky nentin’ireo mpanjaka midianita koa izy, ankoatra ireo rojo nandravaka ny vozon’ny ramevany.

Dikateny Iombonana Eto Madagasikara

²⁶ Ny lanjan’ny volamena nangatahin’i Gidehôna dia nahatratra roapolo kilao. Nahazo izay firavaka sy kavina ary fitafiana jaky nentin’ireo mpanjaka midianita koa izy, ankoatra ireo rojo nandravaka ny vozon’ny ramevany.

Baiboly Protestanta Malagasy

²⁶ Ary ny lanjan’ny kavim-bolamena nangatahiny dia sekely volamena fiton-jato amby arivo, afa-tsy ny ravaka sarim-bolan-tsinana sy ny kavina voa-vola sy ny lamba volomparasy, izay teny amin’ireo mpanjakan’ny Midiana, ary ny rojo, izay teny amin’ny vozon’ny ramevany.

Malagasy Bible

²⁶ Ary ny lanjan'ny kavim-bolamena nangatahiny dia sekely volamena fiton-jato amby arivo, afa-tsy ny ravaka sarim-bolan-tsinana sy ny kavina voavola sy ny lamba volomparasy, izay teny amin'ireo mpanjakan'ny Midiana, ary ny rojo, izay teny amin'ny vozon'ny ramevany.

La Bible en Malgache

²⁶ Ny lanjan’ny kavina volamena nangatahiny dia volamena fitonjato sy arivo sekela, afa-tsy ny ravaka sarim-bolan-tsinana, ny kavina voavola ary ny lamba volomparasy izay teny amin’ireo mpanjakan’ny Midianita, ary koa ny ravaka izay teny amin’ny vozon’ny ramevany.

Mpitsara 8:26 Rohy Ifampitohizana

Ohabolana 31:22

Manao firakotra ho azy izy, manam-pitafiana rongony fotsy madinika sy jaky izy.

Isaia 3:18

Amin’izany andro izany, hoesorin’ny Tompo ny ravaky ny masom-bola, ny masoandro sy ny volantsinana,

Jeremia 10:9

Volafotsy voatefy avy any Tarsisa, volamena avy any Ofaza; asan’ny mpisokitra sary, asan-tanan’ny mpanefy volamena! Tafîna jaky volomparasy sy mena izany; asan-tanan’ny mpahay zavatra avokoa izy ireny.

Ezekiela 27:7

Rongony fotsy madinika avy any Ejipta, mbamin’ny amborodaony no natao lain-tsambo ho anao, sady natao faneva ho anao; ny hiasinta sy ny lamba mena mangatrakatraka avy any amin’ny nosy Elisà no lamba temitra ho anao.

Lioka 16:19

«Nisy mpanan-karena anankiray niakanjo jaky sy rongonim-bazaha madinika, sady nanao fihinanam-be isan’andro.

Jaona 19:2

Dia nandrandrana fehiloha tsilo ny miaramila ka nasatrony ny lohany, ary nampitafîny kapaoty jaky Izy.

Jaona 19:5

Tamin’izay nivoaka i Jesoa misatroka fehiloha tsilo sy mitafy kapaoty jaky, ka hoy i Pilaty tamin’ny Jody: «Indro ny Lehilahy.»

Apokalipsy 17:4

Lamba volomparasy sy jaky no nitafian-dRavehivavy, volamena sy vato soa ary voahangy no niravahany, ary kapoaka volamena feno zava-betaveta no teny an-tanany, dia ny zava-maloton’ny fijangajangany izany.

Apokalipsy 18:12

dia ny volamena, volafotsy, vatosoa, voahangy, rongonim-bazaha, lamba volomparasy, parasily, jaky; sy ny hazo manitra isan-karazany rehetra, ny fanaka ivoara isan-karazany rehetra, ny fanaka isan-karazany rehetra natao tamin’ny hazo sarobidy sy ny varahina ary ny vy mbamin’ny vato sanga;

Apokalipsy 18:16

«Loza ity! loza ity! ry ilay tanàna lehibe, izay nitafy rongony fotsy madinika, sy lamba volomparasy ary jaky, sady niravaka volamena sy vatosoa mbamin’ny voahangy; kanjo ora iray monja lahy, dia levona izany harem-bevava izany!»

Mpitsara 8:21

Dia hoy i Zebea sy i Salmanà: «Ny tenanao no mitsangàna dia miantoraha aminay, fa araka ny toetry ny olona ihany no heriny». Nitsangana i Jedeôna ka namono an’i Zebea sy i Salmanà, ary naka ny sarim-bolan-tsinana teny amin’ny vozon-dramevan’ireo.

Mpitsara 8:25

Ka hoy ny olona: «Omenay an-tsitrapo raha izany». Sady namelatra lamba izy ireo ka samy nanipy ny peratra azony tamin’ny babo avy.

Mpitsara 8:27

Nanaovan’i Jedeôna efôda izany volamena izany, dia napetrany ao an-tanànany ao Efrà, ka nankany avokoa i Israely rehetra nitolo-tena teo amin’izany Efôda izany, ary tonga fandrika ho an’i Jedeôna sy ny ankohonany izany.