Mpitsara 6:33 - Baiboly Katolika

³³ Ary nivory i Madiàna sy i Amaleka mbamin’ny zanaky ny Atsinanana rehetra, ka nita an’i Jordany izy, dia nitoby teo amin’ny tany lemaka Jezraela.

Baiboly Protestanta Malagasy 2011

³³ Ary nivory ny Midianita rehetra sy ny Amalekita ary ny zanaky ny Atsinanana, dia nita ka nitoby teny amin’ny tany lemaka Jezirela.

DIEM PROTESTANTA

³³ Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

Dikateny Iombonana Eto Madagasikara

³³ Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

Baiboly Protestanta Malagasy

³³ ARY ny Midiana rehetra sy ny Amalekita ary ny zanaky ny atsinanana nivory, dia nita ka nitoby teny amin’ny tany lemaka Jezirela.

Malagasy Bible

³³ Ary ny Midiana rehetra sy ny Amalekita ary ny zanaky ny atsinanana nivory, dia nita ka nitoby teny amin'ny tany lemaka Jezirela.

La Bible en Malgache

³³ Ary nivory ny Midianita rehetra sy ny Amalekita ary ny zanaky ny Atsinanana, dia nita ka nitoby teny amin’ny tany lemaka Jezirela.

Mpitsara 6:33 Rohy Ifampitohizana

Genesisy 29:1

Dia nanohy ny diany i Jakôba, ary nandeha ho any amin’ny tanin’ny zanaky ny Tatsinanana.

1Mpanjaka 18:45

Vetivety foana dia maintin’ny rahona sy ny rivotra ny lanitra, dia latsaka ny ranonoram-be ary i Akaba nitaingina ny kalesy ka niverina tany Jezrahela.

1Mpanjaka 21:1

Taorian’izany zavatra izany, tao Jezrahela kosa, dia nanana tanimboaloboka anankiray i Nabôta avy ao Jezrahela, ary teo akaikin’ny lapan’i Akaba mpanjakan’i Samaria izany.

1Tantara 5:19

Niady tamin’ny Agareanina izy ireo, sy tamin’i Jetora, i Nafisa, ary i Nôdaba.

Joba 1:3

Ny fananany kosa dia ondry 7000, rameva 3000, omby 500 tsiroaroa, ampondravavy 500, ary mpanompo maro be, ka dia izy no lehilahy lehibe indrindra tamin’ny zanaky ny Tatsinanana.

Salamo 3:1

Tononkiran’i Davida; fony izy nandositra teo anatrehan’i Absalôma zanany .

Ezekiela 25:4

noho izany dia indro hatolotro hozakain’ny zanaky ny Atsinanana kosa ianao; ka hanorina ny tobiny eo aminao izy ireo, sy hiorim-ponenana ao aminao; izy no hihinana ny voankazonao, sy hisotro ny ronononao.

Hosea 1:5

Amin’izany andro izany, hotapahiko, eo amin’ny tanilemak’i Jezrahely, ny tsipìkan’i Israely.»

Josoa 17:16

Fa hoy ny taranak’i Josefa: «Ny tendrombohitra dia tsy omby anay, nefa samy manan-kalesy vy avokoa ao amin’ny Kananeanina rehetra monina amin’ny tany lemaka, na ireo any Bety-Sàna sy ny tanàna momba azy, na ireo amin’ny lohasahan’i Jezraela.»

Josoa 19:18

Ka ny faritry ny taniny dia i Jezraela Kasalôta, i Sonema,

Josoa 3:16

dia nihandrona ny rano midina avy any ambony, ka niavosa hoatra ny antontan-javatra terỳ lavitra erỳ, akaikin’ny tanànan’i Adoma, izay anilan’i Sartàna, ary tapaka mihitsy ny midina mankany amin’ny Ranomasina Arabaha, dia ny Ranomasin-tSira, ka nita tandrifin’i Jerikô ny vahoaka.

Mpitsara 6:3

Rehefa namafy voa i Israely, dia niakatra i Madiàna mbamin’i Amaleka ary ny zanaky ny Atsinanana, ka nanafika azy.

Mpitsara 7:1

Vao maraina koa dia nifoha i Jerobaala, dia i Jedeôna izany, mbamin’ny vahoaka rehetra izay tao aminy ka lasa teo ambonin’ny loharano tao Harada. Ny tobin’i Madiàna kosa, dia teo avaratry ny an’i Jedeôna akaikin’ny havoana Môre amin’ny tany lemaka.

Mpitsara 7:24

Ary nandefa iraka i Jedeôna any amin’ny tendrombohitr’i Efraima rehetra, nanao hoe: «Midìna ianareo, ary tano alohan’izy ireo ny fitàna ny rano hatrany Betibera sy ny fitàna an’i Jordany».

Mpitsara 7:8

Dia nakan’izy telon-jato lahy ny vatsin’ny vahoaka sy ny trômpetrany, izay dia nalefan’i Jedeôna hody ny olona sisa rehetra tamin’i Israely, samy ho any an-dainy, fa notanany ny telon-jato lahy. Ny tobin’ny Madianita dia teo ambaniny teo amin’ny tany lemaka.