Mpitsara 4:5 - Baiboly Katolika

⁵ Teo ambanin’ny rofian’i Debôrà, anelanelan’i Ramà sy i Betela, amin’ny tendrombohitra Efraima, no nipetrahany hitsara; niakatra ny zanak’i Israely nanatona azy hotsaraina.

Baiboly Protestanta Malagasy 2011

⁵ Ary nipetraka teo ambanin’ny hazo palman’i Debora izy, teo anelanelan’i Rama sy Betela, tany amin’ny tany be havoana any Efraima; niakatra ho any aminy ny Zanak’Israely rehefa nisy raharaha hotsaraina.

DIEM PROTESTANTA

⁵ Ny sezam-pitsarana nipetrahan’i Debôrà dia teo ambany hazo rofia, izay nantsoina tatỳ aoriana hoe «Hazo Rofian’i Debôrà», teo anelanelan’i Ramà sy i Betela, any amin’ny faritra be tendrombohitra any Efraîma. Niakatra tany ny Israelita rehefa hotsaraina.

Dikateny Iombonana Eto Madagasikara

⁵ Ny sezam-pitsarana nipetrahan’i Debôrà dia teo ambany hazo rofia, izay nantsoina tatỳ aoriana hoe «Hazo Rofian’i Debôrà», teo anelanelan’i Ramà sy i Betela, any amin’ny faritra be tendrombohitra any Efraîma. Niakatra tany ny Israelita rehefa hotsaraina.

Baiboly Protestanta Malagasy

⁵ Ary izy nipetraka teo ambanin’ny hazo rofian’ i Debora, teo anelanelan’i Rama sy Betela, tany amin’ny tany havoan’i Efraima; ary niakatra ho any aminy ny Zanak’Isiraely hotsariana.

Malagasy Bible

⁵ Ary izy nipetraka teo ambanin'ny hazo rofian'i Debora, teo anelanelan'i Rama sy Betela, tany amin'ny tany havoan'i Efraima; ary niakatra ho any aminy ny Zanak'Isiraely hatsaraina.

La Bible en Malgache

⁵ Ary nipetraka teo ambanin’ny hazo palman’i Debora izy, teo anelanelan’i Rama sy Betela, tany amin’ny tany be havoana any Efraima; niakatra ho any aminy ny Zanak’Israely rehefa nisy raharaha hotsaraina.

Mpitsara 4:5 Rohy Ifampitohizana

Genesisy 35:8

Ary maty i Debôrà, mpitaiza an-dRebekà, ka naleviny teo ambanin’i Betela am-pototry ny oaka anankiray izay nomena anarana hoe: Oakan-dranomaso.

Eksodosy 18:13

Nony ampitso nipetraka hitsara ny vahoaka i Môizy, ka nitsangana teo anatrehany, hatramin’ny maraina ka hatramin’ny hariva, ny vahoaka.

Eksodosy 18:16

Raha manana ady izy ireo, dia mankatỳ amiko, ka mitsara azy aho sy mampahalala ny didy aman-dalàn’Andriamanitra.»

Eksodosy 18:19

Koa henoy ny teniko: fa indro homeko hevitra ianao ary Andriamanitra anie homba anao: Aoka ianao ho solontenan’ny vahoaka eo amin’Andriamanitra, hanatitra ny adiny eo anatrehan’Andriamanitra.

Eksodosy 18:26

Dia ireo no nitsara ny vahoaka mandrakariva; ny raharaha lehibe nentiny teo anatrehan’i Môizy; ny raharaha madinika notapahin’izy ireo ihany.

Jeremia 31:15

Izao no lazain’i Iaveh: Nisy feo re tany Ramà, dia fidradradradràna sy fitomaniana mangidy; fa nitomany ny zanany i Rasela ka mandà tsy hampiononina izy, ny amin’ny zanany, satria tsy velona intsony ireo.

Josoa 16:2

Avy ao Betela ny faritry ny tany nihatra tamin’ny Lozy, ary nihazo tamin’ny faritry ny tanin’ny Arkeanina ao Atarôta,

Josoa 18:22

Ary ny tanànan’ny fokon’ny taranak’i Benjamina araka ny fianakaviany dia: i Jerikô, i Bety-Heglà, i Eneka-Kaisy, i Bety-Arabà, i Samaraïma,

Josoa 18:25

I Gabaôna, i Ramà, i Berôta,

Mpitsara 4:4

Tamin’izany andro izany dia i Debôrà vehivavy mpaminany, vadin’i Lapidôta no nitsara ny zanak’i Israely.

1Samoela 1:1

Nisy lehilahy anankiray tany Ramataima-Sofima, any amin’ny tendrombohitra Efraima, atao hoe Elkanà, zanak’i Jerôhama, zanak’i Eliò, zanak’i Taohò, zanak’i Sofa; Efrateanina izy io.

1Samoela 1:19

Ary nifoha maraina koa izy ireo, ka nony avy niankohoka teo anatrehan’i Iaveh, dia nody izy, ka niverina tany an-tranony any Ramà.

1Samoela 22:6

Ren’i Saola fa hoe hita i Davida sy ny olona niaraka taminy. Tamin’izay i Saola nipetraka tao Gabaà, tambanin’ny tamariska teo an-kavoana, nitana lefona teny an-tanany; ary nilahatra nanodidina azy ny mpanompony rehetra.

1Samoela 25:1

Ary maty i Samoela ka nivory i Israely rehetra dia nitomaniany izy sy naleviny tao amin’ny fonenany, any Ramà. Tamin’izany dia nitsangana i Davida ary nidina nankany an’efitr’i Faràna.

1Samoela 7:17

Raha efa izany dia niverina any Ramà izay misy ny tranony izy, dia nitsara an’i Israely tao, ary nanorina ôtely tao ho an’i Iaveh.