Mpitsara 4:15 - Baiboly Katolika

¹⁵ Ary i Sisarà mbamin’ny kalesiny rehetra sy ny tafiny rehetra dia nampifanaritahin’i Iaveh tamin’ny lelan-tsabatra teo anoloan’i Baràka, ka nidina niala tamin’ny kalesiny i Sisarà, dia nandeha an-tongotra nandositra.

Baiboly Protestanta Malagasy 2011

¹⁵ Dia nampifanaritahin’NY TOMPO tamin’ny lelan-tsabatra teo anoloan’i Baraka i Sisera sy ny kalesy fitondra miady rehetra ary ny miaramila rehetra. Ary nidina niala tamin’ny kalesy i Sisera ka nandositra nandeha an-tongotra.

DIEM PROTESTANTA

¹⁵ Tamin’izay no nataon’ny TOMPO nifanaritaka teo anoloany kosa i Siserà sy ny kalesiny mbamin’ny miaramilany rehetra. Niala tamin’ny kalesiny mihitsy aza i Siserà ka nandositra an-tongotra.

Dikateny Iombonana Eto Madagasikara

¹⁵ Tamin’izay no nataon’ny TOMPO nifanaritaka teo anoloany kosa i Siserà sy ny kalesiny mbamin’ny miaramilany rehetra. Niala tamin’ny kalesiny mihitsy aza i Siserà ka nandositra an-tongotra.

Baiboly Protestanta Malagasy

¹⁵ Dia nampifanaritahin’i Jehovah tamin’ny lelan-tsabatra Sisera teo anoloan’i Baraka sy ny kalesy rehetra ary ny miaramila rehetra; dia nidina niala tamin’ny kalesy Sisera ka nandositra nandeha tongotra.

Malagasy Bible

¹⁵ Dia nampifanaritahin'i Jehovah tamin'ny lelan-tsabatra Sisera teo anoloan'i Baraka sy ny kalesy rehetra ary ny miaramila rehetra; dia nidina niala tamin'ny kalesy Sisera ka nandositra nandeha tongotra.

La Bible en Malgache

¹⁵ Dia nampifanaritahin’NY TOMPO tamin’ny lelan-tsabatra teo anoloan’i Baraka i Sisera sy ny kalesy fitondra miady rehetra ary ny miaramila rehetra. Ary nidina niala tamin’ny kalesy i Sisera ka nandositra nandeha an-tongotra.

Mpitsara 4:15 Rohy Ifampitohizana

2Mpanjaka 7:6

Fa tao an-tobin’ny Sirianina, dia nampandrenesan’i Iaveh fingodongodon-kalesy, sy fikatrokatro-tsoavaly, ary firodorodo-miaramila betsaka, ka nifampilaza izy ireo nanao hoe: «Injao fa nanamby ny fanjakan’ny Heteanina sy ny mpanjakan’ny Ejiptianina ho tonga hamely antsika ny mpanjakan’i Israely.»

Deoteronomia 7:23

Hatolotr’i Iaveh Andriamanitrao anao izy; ary hataony mivarahontsana foana, mandra-pahalàny ringana azy.

Hebreo 11:32

Ary inona koa no holazaiko? Tsy ho ampy ny andro hilazako ny amin’i Jedeôna, i Baràka, i Samsôna, i Jefte, i Davida, i Samoela, mbamin’ny mpaminany:

Josoa 10:10

Sady nampifanaritahin’i Iaveh teo anoloan’i Israely izy ireo, ka nataon’i Israely kila hotohoto tao akaikin’i Gabaôna sy nenjehiny tamin’ny lalana mankany Betôrôna, ary nasiany hatrany Azekà sy Makedà.

1Samoela 7:10

Mbola manatitra ny sorona dorana eo i Samoela, no tamy hamely an’i Israely ny Filistinina; fa nampikotroka mafy ny varatra tamin’ny Filistinina kosa i Iaveh tamin’izay andro izay, ka nampifanaritaka azy; dia resy teo anoloan’i Israely.