Mpitsara 3:15 - Baiboly Katolika

¹⁵ Fa nitaraina tamin’i Iaveh ny zanak’i Israely, ka nananganan’i Iaveh mpanafaka, dia i Aoda, zanak’i Gerà, Benjaminita, izay nampiasa ny tanany ankavanana. Nampitondrain’ny zanak’i Israely fanomezana ho an’i Eglôna mpanjakan’i Moaba izy.

Baiboly Protestanta Malagasy 2011

¹⁵ Dia nitaraina tamin’NY TOMPO ny Zanak’Israely ka nanangana mpamonjy ho azy NY TOMPO, dia i Ehoda, zanak’i Gera, avy amin’ny taranak’i Benjamina, lehilahy kavia. Ary ny Zanak’Israely dia nampitondra azy fanomezana ho an’i Eglona, mpanjakan’i Moaba.

DIEM PROTESTANTA

¹⁵ Niantso vonjy tamin’ny TOMPO ny Israelita ka nanirahany mpamonjy, dia i Ehoda, lehilahy kavia, izay zanak’i Gerà avy amin’ny fokon’i Benjamîna. Dia nalefan’ny Israelita i Ehoda mba hitondra fanomezana ho an’i Heglôna, mpanjakan’i Môaba.

Dikateny Iombonana Eto Madagasikara

¹⁵ Niantso vonjy tamin’ny TOMPO ny Israelita ka nanirahany mpamonjy, dia i Ehoda, lehilahy kavia, izay zanak’i Gerà avy amin’ny fokon’i Benjamîna. Dia nalefan’ny Israelita i Ehoda mba hitondra fanomezana ho an’i Heglôna, mpanjakan’i Môaba.

Baiboly Protestanta Malagasy

¹⁵ Ary nitaraina tamin’i Jehovah izy, dia nanangana mpamonjy ho azy Jehovah, dia Ehoda, zanak’i Gera, avy amin’ny taranak’i Benjamina, lehilahy kavia; dia nampitondra azy fanomezana ho an’i Eglona, mpanjakan’i Moaba, ny Zanak’Isiraely.

Malagasy Bible

¹⁵ Ary nitaraina tamin'i Jehovah izy, dia nanangana mpamonjy ho azy Jehovah, dia Ehoda, zanak'i Gera, avy amin'ny taranak'i Benjamina, lehilahy kavia; dia nampitondra azy fanomezana ho an'i Eglona, mpanjakan'i Moaba, ny Zanak'Isiraely.

La Bible en Malgache

¹⁵ Dia nitaraina tamin’NY TOMPO ny Zanak’Israely ka nanangana mpamonjy ho azy NY TOMPO, dia i Ehoda, zanak’i Gera, avy amin’ny taranak’i Benjamina, lehilahy kavia. Ary ny Zanak’Israely dia nampitondra azy fanomezana ho an’i Eglona, mpanjakan’i Moaba.

Mpitsara 3:15 Rohy Ifampitohizana

2Samoela 20:10

Tsy nanahinahy ny sabatra teny an-tanan’i Jôaba i Amasà, kanjo nasiany tamin’ny kibony izy, ka nampivaroraka ny tsinainy tamin’ny tany; tsy nasiany fanindroany akory izy dia maty. Dia rafitra nanenjika an’i Sebà zanak’i Bokrì i Jôaba sy i Abisaia rahalahiny.

2Samoela 20:9

Ary hoy i Jôaba tamin’i Amasà: «Tsara ihany va izato ianao, ry rahalahy?» sady noraisin’i Jôaba amin’ny tanany havanana, ny somotr’i Amasà hanoroka azy.

1Tantara 12:2

Mpandefa tsipìka zatra manavia manavanana raha mandefa vato, zatra mandefa zana-tsipìka amin’ny tsipìkany; avy amin’ny rahalahin’i Saola, amin’i Benjamina:

1Tantara 8:3

Ny zanaka lahin’i Bela dia i Adara, i Gerà, i Abioda,

1Tantara 8:5

i Gerà, i Sefofàna ary i Horama.

2Tantara 9:24

ary samy nitondra ny fanatiny avy isan-taona izy, dia fanaka volafotsy, fanaka volamena, fitafiana, fiadiana, zava-manitra, soavaly ary mole.

Salamo 50:15

Antsoy amin’ny andron’ny fahoriana Aho, dia hamonjy anao; ka hanome voninahitra Ahy ianao.

Salamo 78:34

Nony nasiany tamin’ny fahafatesana izy ireo vao nitady Azy, niverina izy ka dodona hahita an’Andriamanitra indray;

Salamo 90:15

Ampifalio araka ny andro nampahorianao anay izahay, sy araka ny taona nahitanay loza.

Ohabolana 18:16

Ny fanatitra omen’ny olona no mahalalaka ny lalany, sy mampiditra azy eo amin’ny lehibe.

Ohabolana 19:6

Ny olona mahafoy be, maro mpandoka; ary izay mahatolotolotra, sakaizan’ny rehetra.

Ohabolana 21:14

Ny fanomezana mangingina mampitony hatezerana; ny fanatitra alaina anaty valombalonan-damba mampitsahatra fahavinirana efa tafahoatra.

Isaia 36:16

Aza mihaino an’i Ezekiasa ianareo fa izao no tenin’ny mpanjakan’i Asiria: Manaova fanekem-pivavahana amiko, ary maneke ahy ianareo, dia samy hihinana ny voaloboka aman’aviaviny, sy hisotro ny rano eo amin’ny dobo famorian-dranony avy ianareo;

Jeremia 33:3

Antsoy Aho dia hamaly anao, haneho zava-dehibe aminao, zava-tsy takatry ny saina izay tsy fantatrao.

Mpitsara 2:16

Nanangana mpitsara ihany i Iaveh hanafaka azy ireo tamin’izay nandrombaka azy;

Mpitsara 20:16

Nisy fiton-jato lahy voafantina tamin’ireo vahoaka rehetra ireo tsy mampiasa ny tanany havanana: ireo mpiady ireo samy mahay mitoraka singam-bolo amin’ny vaton’antsamotady, ka mahavoa azy.

Mpitsara 3:14

Dia nanompo an’i Eglôna mpanjakan’i Moaba, valo ambin’ny folo taona ny zanak’i Israely.

Mpitsara 3:16

Nanao sabatra roa lela i Aoda, hakiho no halavany, nafehiny anatin’ny akanjony tamin’ny andilany havanana.

Mpitsara 3:9

Fa nitaraina tamin’i Iaveh ny zanak’i Israely ka nananganan’i Iaveh mpanafaka izay namonjy azy izy, dia Otoniela zanak’i Keneza, zandrin’i Kaleba.

Mpitsara 4:3

Nitaraina tamin’i Iaveh ny zanak’i Israely fa nanan-kalesy vy sivin-jato i Jabìna, ary nampahory mafy ny zanak’i Israely hatramin’ny roapolo taona.