Mpitsara 2:14 - Baiboly Katolika

¹⁴ Dia nirehitra tamin’i Israely ny fahatezeran’i Iaveh ka natolony ho eo an-tanan’ny fahavalony manodidina azy izy, ary tsy nahatanty ny fahavalony intsony.

Baiboly Protestanta Malagasy 2011

¹⁴ Dia nirehitra tamin’ny Israely ny fahatezeran’NY TOMPO ka natolony teo an-tanan’ny mpamabo izay namabo azy izy, ary namidiny ho eo an-tanan’ny fahavalony manodidina azy; tsy nahajanona teo anoloan’ireo fahavalony intsony izy.

DIEM PROTESTANTA

¹⁴ Dia nirehi-pahatezerana tamin’ny Israelita ny TOMPO, ka namela azy ho azon’ireo andian-dahalo izay nandroba azy; natolony ho resin’ny fahavalo manodidina izy, hany ka tsy nahatohitra ireny intsony.

Dikateny Iombonana Eto Madagasikara

¹⁴ Dia nirehi-pahatezerana tamin’ny Israelita ny TOMPO, ka namela azy ho azon’ireo andian-dahalo izay nandroba azy; natolony ho resin’ny fahavalo manodidina izy, hany ka tsy nahatohitra ireny intsony.

Baiboly Protestanta Malagasy

¹⁴ Dia nirehitra tamin’ny Isiraely ny fahatezeran’i Jehovah, ka natolony teo an-tànan’ny mpamabo izay namabo azy izy, ary namidiny ho eo an-tànan’ny fahavalony manodidina azy ka tsy nahajanona teo anoloan’ny fahavalony intsony.

Malagasy Bible

¹⁴ Dia nirehitra tamin'ny Isiraely ny fahatezeran'i Jehovah, ka natolony teo an-tànan'ny mpamabo izay namabo azy izy, ary namidiny ho eo an-tànan'ny fahavalony manodidina azy ka tsy nahajanona teo anoloan'ny fahavalony intsony.

La Bible en Malgache

¹⁴ Dia nirehitra tamin’ny Israely ny fahatezeran’NY TOMPO ka natolony teo an-tanan’ny mpamabo izay namabo azy izy, ary namidiny ho eo an-tanan’ny fahavalony manodidina azy; tsy nahajanona teo anoloan’ireo fahavalony intsony izy.

Mpitsara 2:14 Rohy Ifampitohizana

2Samoela 24:1

Nirehitra tamin’i Israely indray ny fahatezeran’i Iaveh, ka namporisihiny hamely azy ireo i Davida nataony hoe: «Mandehana isao i Israely sy i Jodà.»

2Samoela 7:11

sy toy ny tamin’ny andro nananganako mpitsara hifehy an’i Israely vahoakako. Nanome anao fialan-janona tamin’ny fahavalonao rehetra Aho; ary lazain’i Iaveh aminao fa hananganany trano ianao.

2Mpanjaka 13:3

Ka nirehitra tamin’i Israely ny fahatezeran’i Iaveh dia natolony teo an-tanan’i Hazaela mpanjakan’i Siria sy teo an-tanan’i Benhadada zanak’i Hazaela mandrakariva izy.

2Mpanjaka 17:20

Ka dia narian’i Iaveh avokoa ny taranak’i Israely; nampahoriny sy natolony teo an-tanan’ny mpamabo izy ireo, mandra-pandroaka azy lavitra ny Tavany.

2Tantara 15:5

Fahizany, nandry andriran’antsy izay nandeha nivezivezy, fa voan’ny korontam-be ny mponina rehetra tamin’ny tany.

2Tantara 28:5

Natolotr’i Iaveh Andriamaniny ho eo an-tanan’ny mpanjakan’i Siria izy, ka noresen’ny Sirianina, dia nahazoany sambo-belona maro be nentiny nankany Damasa. Natolotra ho eo an-tanan’ny mpanjakan’i Israely koa izy, ka nasiany sy nataony hoto mihitsy.

2Tantara 36:16

Kanjo nihomehezan’izy ireo ny irak’Andriamanitra, notsiratsirainy ny teniny, ary novazivaziny ny mpaminaniny, mandra-pihatran’ny fahatezeran’Andriamanitra tamin’ny vahoakany tsy azo notohaina intsony.

Nehemia 9:27

Tamin’izay dia nafoinao izy, ho eo an-tanin’ireo mpampahory izay nampahory azy. Tamin’ny andron’ny fahoriany anefa nitaraina taminao izy, dia nihaino azy Ianao any an-danitra, ary nentin’ny famindram-ponao lehibe dia nanome mpamonjy izay nanafaka azy teo an-tanan’ireo mpampahory.

Salamo 44:11

Ataonao mikoy eo anatrehan’ny fahavalo izahay, ary baboin’ireo mankahala anay.

Salamo 44:12

Atolotrao toy ny ondry enti-kovonoina izahay; aelinao amin’ny firenena izahay.

Isaia 42:24

Iza no nanolotra an’i Jakôba horobaina, sy i Israely hobaboina? Moa tsy i Iaveh va, izay nanotantsika? Tsy nety nanaraka ny lalany izy ireo; ary ny lalàny tsy nohenoiny?

Isaia 50:1

Izao no lazain’i Iaveh: Aiza izay taratasy fisaorana an-dreninao, nisaorako azy? Iza no manan-trosa amiko, nivarotako anareo? Tsia, noho ny tsy fahamarinanareo ihany, no nivarotana anareo; noho ny fahotanareo ihany, no nisaorana an-dreninareo.

Jeremia 37:10

fa tsy handeha akory izy ireo. Ary na dia horesenareo aza ny tafiky ny Kaldeanina rehetra izay miady aminareo, ka tsy hisy afa-tsy ny maratra no sisa aminy, dia samy mbola hitsangana ao an-dainy avy ihany ireo, ka handoro ity tanàna ity amin’ny afo.

Levitikosy 26:17

Hanandrina anareo ny Tavako, ka ho resin’ny fahavalonareo ianareo; izay mankahala anareo no hanapaka anareo, ary handositra tsy enjehina ianareo.

Levitikosy 26:28

dia handroso hanohitra anareo amin-katezerana mafy koa Aho, ka hofaiziko impito mihoatra ianareo, noho ny fahotanareo.

Levitikosy 26:37

Hifampigona toy ny enjehin-tsabatra izy, nefa tsy iza tsy iza manenjika azy eo; ka dia tsy hahatoha ny fahavalonareo ianareo.

Nomery 32:13

Nirehitra tamin’i Israely ny fahatezeran’i Iaveh ka nataony nirenireny tany an’efitra izy ireo nandritra ny efapolo taona mandra-pahalany ritra ny taranaka rehetra izay nanao ratsy teo imason’i Iaveh.

Nomery 32:14

Ary indreo ianareo mitsangana hisolo ny rainareo, toy ny taranaky ny mpanota, ka hampitombo indray ny firehetan’ny hatezeran’i Iaveh amin’i Israely.

Deoteronomia 28:20

Ozona, horohoro ary fampitahorana no hatsindrin’i Iaveh anao amin’izay raharaha hataonao rehetra mandra-paharingana sy levona faingana anao, noho ny haratsian’ny asa nataonao, izay nahafoizanao ahy.

Deoteronomia 28:25

Hataon’i Iaveh resy eo anoloan’ny fahavalonao ianao, lalana iray no hivoahanao hiady aminy, fa lalana fito kosa no handosiranao eo anoloany, ary ho zavatra mahatsiravina ho an’ny fanjakana rehetra ambonin’ny tany ianao.

Deoteronomia 28:58

Raha tsy tandremanao tsara ny fanarahana ny teny rehetra amin’ity lalàna ity, izay voasoratra amin’ity boky ity, ka tsy atahoranao ity Anarana be voninahitra sy mahatahotra ity hoe Iaveh Andriamanitrao,

Deoteronomia 32:30

Hataon’ny irery lahy ahoana no fanenjika ny arivo, hataon’ny roa lahy ahoana ny fampandosirana ny iray alina, raha tsy ny Vatolampy no efa nivarotra azy, raha tsy i Iaveh no efa nanolotra azy?

Josoa 23:16

Raha mandika ny faneken’i Iaveh Andriamanitrareo izay nandidiany anareo ianareo ka mandeha manompo andriamani-kafa sy miankohoka eo anoloan’ireny dia hirehitra aminareo ny fahatezeran’i Iaveh, ka vetivety dia ho lany ringana tsy ho eo amin’ny tany soa nomeny anareo ianareo.

Mpitsara 1:19

Nomba an’i Jodà i Iaveh ka lasany ny tendrombohitra; tsy voaroakany anefa ny mponina amin’ny tany lemaka; fa nanan-kalesy vy ireny.

Mpitsara 1:34

Nasesiky ny Amôreana ho any amin’ny tendrombohitra ny taranak’i Dana, fa tsy navelany hidina ho amin’ny tany lemaka,

Mpitsara 10:7

Dia nirehitra tamin’i Israely ny fahatezeran’i Iaveh ka namidiny ho eo an-tanan’ny Filistinina izy, sy ho eo an-tanan’ny taranak’i Amôna.

Mpitsara 2:20

Tamin’izany dia nirehitra tamin’i Israely ny fahatezeran’i Iaveh ka hoy izy: «Noho ity firenena ity nivadika tamin’ny fanekena nandidiako ny razany ary noho izy ireo tsy nihaino ny feoko,

Mpitsara 3:12

Fa nanao izay ratsy eo imason’i Iaveh indray ny zanak’i Israely, ka noho izy nanao izay ratsy eo imason’i Iaveh dia nampaherezin’i Iaveh tamin’i Israely, i Eglôna mpanjakan’i Moaba.

Mpitsara 4:2

ka namidin’i Iaveh teo an-tanan’i Jabìna mpanjakan’i Kanaana, izay mpanjaka tao Saôra. I Sisarà no lehiben’ny foloalindahy, ary tao Harôseta-Gôïma izy no nitoetra.