Mpitsara 19:12 - Baiboly Katolika

¹² Fa hoy ny tompony namaly hoe: «Tsy hivily amin’izay tanànan’olon-kafa firenena tsy misy zanak’i Israely isika, fa handroso ihany ho any Gabaà».

Baiboly Protestanta Malagasy 2011

¹² Hoy anefa ny tompony taminy: Tsy hiakatra ao amin’ny tanànan’ny hafa firenena izay tsy misy Israelita isika, fa handroso ihany ho any Gibea.

DIEM PROTESTANTA

¹² Fa novalian’ny tompony hoe: –Tsia, tsy ho any amin’izay tanànan’ny firenen-kafa tsy misy Israelita isika, fa hanohy ny dia hatrany Gibehà.

Dikateny Iombonana Eto Madagasikara

¹² Fa novalian’ny tompony hoe: –Tsia, tsy ho any amin’izay tanànan’ny firenen-kafa tsy misy Israelita isika, fa hanohy ny dia hatrany Gibehà.

Baiboly Protestanta Malagasy

¹² Fa hoy ny tompony taminy: Tsy hiakatra amin’ny tanànan’ny olona hafa firenena izay tsy isan’ny Zanak’Isiraely isika, fa handroso ihany ho any Gibea.

Malagasy Bible

¹² Fa hoy ny tompony taminy: Tsy hiakatra amin'ny tanànan'ny olona hafa firenena izay tsy isan'ny Zanak'Isiraely isika, fa handroso ihany ho any Gibea.

La Bible en Malgache

¹² Hoy anefa ny tompony taminy: Tsy hiakatra ao amin’ny tanànan’ny hafa firenena izay tsy misy Israelita isika, fa handroso ihany ho any Gibea.

Mpitsara 19:12 Rohy Ifampitohizana

Isaia 10:29

Nihoatra ny hadilalana izy ireo, nitoby tao Gabà tamin’ny alina; raiki-tahotra mafy i Ramà, vaky nandositra i Gabaan’i Saola.

Hosea 5:8

Tsofy ao Gabaà ny anjomara; ary ao Ramà ny trômpetra; miantsoa vonjy taitra ao Betavena! Mitandrema ianao, ry Benjamina!

Hosea 9:9

Simba hatrany am-potony izy ireo, toy ny tamin’ny andron’i Gabaà; hotsarovan’i Iaveh ny helony, ary hovaliany ny fahotany.

Josoa 18:25

I Gabaôna, i Ramà, i Berôta,

Josoa 18:28

i Selà, i Elefa, i Jebosy, dia i Jerosalema izany, i Gabaata ary i Kariata: tanàna 14, sy ny zana-bohiny.

Mpitsara 19:11

Efa hariva ny andro no tonga tao akaikin’i Jerosalema izy ireo; ka hoy ilay mpanompony tamin’ity tompolahiny: «Raha sitrakao, handeha isika hivily ho amin’ity tanànan’ny Jeboseanina ity, dia handry eo».

Mpitsara 19:13

Dia hoy koa izy tamin’ny mpanompony: «Andeha ataovy izay hahatrarantsika ny iray amin’ireto tanàna ireto, dia i Gabaà na i Ramà; any isika no handry».

1Samoela 10:26

I Saola koa nandeha nody ho any an-tranony, any Gabaà, notronin’olona mahery fo, izay nohetsehin’i Iaveh ny fony. Fa ny olon’i Beliala kosa dia nanao hoe: «Dia iny ve no hamonjy antsika?» sady naneso azy izy no nitondra fanatitra ho azy, nefa tsy nasian’i Saola raharaha akory izany.

1Samoela 13:2

Telo arivo lahy no nofantenan’i Saola tamin’i Israely homba azy; ny roa arivo nitoetra tao aminy tao Makmasy sy tany amin’ny tendrombohitr’i Betela ary ny arivo teo amin’i Jônatasy tany Gabaàn’i Benjamina, fa ny vahoaka sisa, samy nampodiny ho any an-dainy avy.