Mpitoriteny 9:3 - Baiboly Katolika

³ Zavatra ratsy anankiray amin’izay rehetra atao atỳ ambany masoandro dia ny itovian’ny olombelona rehetra anjara; ka noho izany dia feno hasomparana ny fon’ny zanak’olombelona. ary ao am-pony mandritra ny andro iainana, ny hadalana. Nony afaka izany, mankany amin’ny maty izy.

Baiboly Protestanta Malagasy 2011

³ Izao no zava-dratsy amin’izay rehetra atao etỳ ambanin’ny masoandro: Zavatra iray ihany no manjo ny olombelona rehetra, sady feno faharatsiana ny fon’ny zanak’olombelona ka hadalana no ao am-pony amin’ny andro iainany; ary rehefa afaka izany dia ho any amin’ny maty izy.

DIEM PROTESTANTA

³ Mitovy avokoa ny manjo ny olona rehetra: io no loza amin’izay rehetra atao eto ambonin’ny tany. Feno faharatsiana ny fon’ny olona ka fahadalana no ao aminy mandritra ny fiainany; avy eo anefa dia ho any amin’ny maty no hiafarany.

Dikateny Iombonana Eto Madagasikara

³ Mitovy avokoa ny manjo ny olona rehetra: io no loza amin’izay rehetra atao eto ambonin’ny tany. Feno faharatsiana ny fon’ny olona ka fahadalana no ao aminy mandritra ny fiainany; avy eo anefa dia ho any amin’ny maty no hiafarany.

Baiboly Protestanta Malagasy

³ Izao no fahoriana amin’izay rehetra atao atỳ ambanin’ny masoandro: Zavatra iray ihany no manjo ny olombelona rehetra, sady feno ratsy ny fon’ny zanak’olombelona, ka fahadalana no ao am-pony amin’ny andro iainany, ary nony afaka izany, dia ho any amin’ny maty izy.

Malagasy Bible

³ Izao no fahoriana amin'izay rehetra atao atỳ ambanin'ny masoandro: Zavatra iray ihany no manjo ny olombelona rehetra, sady feno ratsy ny fon'ny zanak'olombelona, ka fahadalana no ao am-pony amin'ny andro iainany, ary nony afaka izany, dia ho any amin'ny maty izy.

La Bible en Malgache

³ Izao no zava-dratsy amin’izay rehetra atao etỳ ambanin’ny masoandro: Zavatra iray ihany no manjo ny olombelona rehetra, sady feno faharatsiana ny fon’ny zanak’olombelona ka hadalana no ao am-pony amin’ny andro iainany; ary rehefa afaka izany dia ho any amin’ny maty izy.

Mpitoriteny 9:3 Rohy Ifampitohizana

Genesisy 6:5

Hitan’i Iaveh fa be ny faharatsian’ny olona tambonin’ny tany, ary ny ratsy ihany no alehan’ny fisainana rehetra avy amin’ny fony isan’andro.

Genesisy 8:21

Dia nandre hanitra mahafinaritra i Iaveh, ka i Iaveh nanao anakampo hoe: «Tsy hanozona intsony ny tany Aho noho ny olona; fa ratsy hatramin’ny fahatanorany ny fisainan’ny fon’ny olombelona; ary tsy mba hamono ny zavatra manana aina rehetra toy izay nataoko izay intsony Aho.

Joba 15:16

koa mainka izay zava-betaveta sy ratsy fanahy, izay olombelona misotro ota toy ny fisotro rano!

Joba 21:26

Samy mandry eo amin’ny vovoka izy roa tonta; samy rakotr’olitra ny tenan’izy roa tonta!

Joba 9:22

Tsy mampaninona anefa izany; ka hoy aho hoe: Samy aringany ihany na ny marina na ny meloka.

Salamo 51:5

Fa miaiky ny hadisoako aho, ary eo anatrehako mandrakariva ny fahotako.

Salamo 64:7

Tsy misaina afa-tsy heloka be vava izy: «Vonona isika, hoy izy, vita tsara ny tetik’ady.» Lalina ny ao anatin’ny olombelona sy ny fony!

Ohabolana 14:32

Ny ratsy fanahy azeran’ny faharatsiany; ny marina kosa matoky hatrany am-pahafatesana aza.

Mpitoriteny 1:17

Nampiasa ny saiko aho, hahalala ny fahendrena, sy hahalala ny hadalana amam-pahatezerana, dia fantatro fa fanenjehan-drivotra ihany koa izany,

Mpitoriteny 12:7

dieny mbola tsy miverina amin’ny tany ny vovoka, araka ny toetrany taloha indray, ary ny fanahy kosa hiverina amin’Andriamanitra izay nanome azy.

Mpitoriteny 2:14

Ny mason’ny hendry dia eo an-dohany, fa ny adala kosa mandeha amin’ny maizina.

Mpitoriteny 7:2

Aleo mankany an-trano misy fisaonana, toy izay mankany an-trano misy fanasana; satria itsy voalohany ny isehoan’ny hiafaran’ny olombelona, ka atodiky ny velona hieritreritra an’izany ny fony.

Mpitoriteny 7:25

Nikezaka aho, ary ny foko nitady, hahalala, hamototra sy handalina ny fahendrena aman’anton-javatra, ary hitako fa fahaverezan-tsaina ny faharatsiana, ary rediredy foana ny fitondran-tena adala.

Mpitoriteny 8:11

Saingy tsy tanterahina vetivety, ny teny fitsarana navoaka hamaliana ny ratsy atao, ka noho izany ny fon’ny zanak’olombelona dia mihasahy ao anatiny amin’ny fanaovan-dratsy;

Mpitoriteny 9:11

Nihodina aho, ary hitako atỳ ambany masoandro fa ny fihazakazahana tsy an’ny faingan-tongotra; na ny ady an’ny mahery fo na ny hanina an’ny hendry na ny harena an’ny mahalala na ny tombon-tsoa an’ny mahay fa samy voan’ny fotoana aman-tsampona avokoa izy rehetra.

Mpitoriteny 9:2

Na inona na inona tsy misy avaka ny mahazo ny olombelona rehetra; sahala ny anjaran’ny marina sy ny ratsy, ny tsara sady madio, sy ny tsy madio, ny manao sorona sy ny tsy manao sorona; izay manjò ny olona tsara fanahy ihany no manjò ny mpanota koa; izay nianiana, tsy misy hafa amin’izay tsy sahy mianiana.

Mpitoriteny 9:4

Fa raha anisan’ny velona, dia mbola misy fanantenana, aleo amboa velona, toy izay liona maty.

Jeremia 16:12

Ianareo indray nanao ratsy mihoatra noho ny razanareo aza; ka indro fa samy manaraka ny haratsian’ny fo ratsinareo ianareo, mba tsy hihaino Ahy.

Jeremia 17:10

Izaho Iaveh izay mandinika ny fo, sy mamantatra ny voa; ary ny hanaovako izany, dia mba hamaly ny olona araka ny lalany, sy araka ny vokatry ny asany.

Jeremia 17:9

Mamitaka mihoatra noho ny zavatra rehetra ny fo, sady simba: iza no hahalala azy?

Lioka 15:17

Izay vao nody ny sainy ka hoy izy: Firifiry akory moa ny mpikaraman’idada no manan-kanina be, nefa izaho kosa ity maty noana atỳ!

Lioka 6:11

Fa iretsy kosa safotry ny hatezerana, ka nioko ny amin’izay hanaovany an’i Jesoa.

Asan’ny Apostoly 12:23

Niaraka tamin’izay, dia nisy Anjelin’ny Tompo namely azy, satria tsy nanome voninahitra an’Andriamanitra izy, ka maty nohanin’ny kankana.

Asan’ny Apostoly 26:11

Matetika no nitety ny sinagoga nampijaly azy ireny aho, sy nanery azy hiteny ratsy an’i Jesoa, ary efa lasa nanenjika azy hatrany an-tanàna hafa aza, noho ny hatezerako mafy loatra taminy.

Asan’ny Apostoly 26:24

Mbola niteny izany hanala tsiny ny tenany teo i Paoly no niantso tamin’ny feo mahery i Festosy nanao hoe: «Very saina ianao, ry Paoly; ny fianaranao be loatra no nampivaona ny hevitrao.»

Titosy 3:3

Fa isika koa fahiny mba efa adala, tsy nanaiky, naniasia, andevon’ny faniriana amam-pilàn-dratsin’ny nofo rehetra, mpisompatra sy mpialona ka sady tandrifiny hankahalaina no nifankahala koa.

2Petera 2:16

nefa nahazo anatra noho ny fivadihany ity mpaminany, fa niteny hoatra ny olona ny boriky moana, nisakana ny hadalany.