Mpitoriteny 9:12 - Baiboly Katolika

¹² Fa ny fotoanany aza tsy fantatry ny olombelona; toy ny hazandrano latsaka am-bovo tsy azo ialana, sy toy ny vorona voan’ny fandrika, tahaka azy ireo koa ny zanak’olombelona dia voafadiditra amin’ny androm-pahoriana, raha avy izay iantsamboran-doza tampoka aminy.

Baiboly Protestanta Malagasy 2011

¹² Tsy fantatry ny olombelona ny fotoanany fa toy ny hazandrano azon’ny harato mandoza izy ary toy ny voronkely izay voan’ny fandrika, dia voafandrika toy izany ny zanak’olombelona amin’ny andro mahory rehefa mahavoa azy tampoka izany.

DIEM PROTESTANTA

¹² Tsy misy olona mahafantatra ny fotoana hiavian’ny loza. Fa toy ny trondro azon’ny harato, ary tahaka ny voron-kely voam-pandrika no hahitany loza mahavoa azy tampotampoka.

Dikateny Iombonana Eto Madagasikara

¹² Tsy misy olona mahafantatra ny fotoana hiavian’ny loza. Fa toy ny trondro azon’ny harato, ary tahaka ny voron-kely voam-pandrika no hahitany loza mahavoa azy tampotampoka.

Baiboly Protestanta Malagasy

¹² Fa tsy fantatry ny olona ny androny; fa toy ny hazandrano azon’ny harato fahitan-doza izy, ary toy ny voron-kely izay voan’ny fandrika, dia voafandrika toy izany ny zanak’olombelona amin’ny andro mahory, raha mahavoa azy tampoka izany.

Malagasy Bible

¹² Fa tsy fantatry ny olona ny androny; fa toy ny hazandrano azon'ny harato fahitan-doza izy, ary toy ny voron-kely izay voan'ny fandrika, dia voafandrika toy izany ny zanak'olombelona amin'ny andro mahory, raha mahavoa azy tampoka izany.

La Bible en Malgache

¹² Tsy fantatry ny olombelona ny fotoanany fa toy ny hazandrano azon’ny harato mandoza izy ary toy ny voronkely izay voan’ny fandrika, dia voafandrika toy izany ny zanak’olombelona amin’ny andro mahory rehefa mahavoa azy tampoka izany.

Mpitoriteny 9:12 Rohy Ifampitohizana

Salamo 11:6

Latsahany fandrika afo sy solifara hoatra ny ranonorana ny ratsy fanahy; rivo-mahery no ho anjara kapoakan’ireny.

Ohabolana 24:22

Fa hidona tampoka ny lozan’ireny, ary iza moa no mahalala izay hanjò azy isany?

Ohabolana 29:6

Fandrika no amin’ny heloky ny olon-dratsy fanahy; fa hoby aman-kafaliana kosa no an’ny marina.

Ohabolana 6:15

Koa ho avy tampoka ny faharavàny; ho torotoro tampoka tsy azo sitranina izy.

Mpitoriteny 3:19

Fa ny anjaran’ny zanak’olombelona, dia ny anjaran’ny biby, iray ihany no anjaran’izy roa tonta; toy ny ahafatesan’ny iray, no ahafatesan’ny iray koa; fofon’aina iray no an’izy roa tonta; ka tsy misy ihoaran’ny olombelona amin’ny biby, fa samy zava-poana ny zavatra rehetra.

Mpitoriteny 8:11

Saingy tsy tanterahina vetivety, ny teny fitsarana navoaka hamaliana ny ratsy atao, ka noho izany ny fon’ny zanak’olombelona dia mihasahy ao anatiny amin’ny fanaovan-dratsy;

Mpitoriteny 8:8

Tsy tompon’ny fofon’ainy ny olombelona, ka hahatana ny fofon’ainy; ary tsy manam-pahefana amin’ny andro ahafatesany izy; tsy misy avaka ny amin’izany ady izany, ary ny heloka tsy hahavonjy ny olo-meloka.

Mpitoriteny 9:13

Izao koa no fahendrena hitako tatỳ ambany masoandro, ka nataoko ho lehibe izy io.

Isaia 24:18

Izay mandositra noho ny antso mampatahotra ho latsaka an-davaka, ary izay miakatra avy ao afovoan’ny longoa ho voan’ny fandrika. Fa ny vavahadin-drano ambony, mivoha; ary ny fanorenan’ny tany, mihozongozona.

Isaia 30:13

noho izany, io heloka io ho anareo, dia ho toy ny mivava efa mila hampianjera sy efa mandomba eo amin’ny rindrina avo, izay mirodana tampoka, indray mihelina monja.

Ezekiela 32:3

Ka izao no lazain’ny Tompo Iaveh: Hamelatra ny fandriko hamely anao Aho; ka fitambaran’ny firenena maro no hoentiko manao izany, ka hotarihiny hivoaka, amin’ny haratoko ianao,

Hosea 7:12

Amin’ilay mankany iny izy ireo, Izaho kosa mamelatra eo amboniny ny fandrika haratoko; dia hataoko latsaka toy ny voromanidina izy, ary hamay azy, araka ny efa voalaza rahateo teo amin’ny fiangonany.

Hosea 9:8

Ny tilin’i Efraima dia ao amin’ny Andriamanitro; fandriky ny mpamandri-borona avokoa, no eny amin’ny alehan’ny mpaminany, ary fanenjehana no any amin’ny tranon’ny Andriamaniny.

Lioka 12:20

Fa hoy kosa Andriamanitra taminy: ‹Ry adala, anio alina ihany dia halaina aminao ny fanahinao, ka ho an’iza àry izay novorinao?›

Lioka 12:39

Ary fantaro tsara fa raha fantatry ny tompon-trano ny ora hiavian’ny mpangalatra, dia hiambina izy, fa tsy hamela ny tranony hotamìna.

2Korintiana 6:2

fa hoy izy: Tamin’ny fotoana tsara, nihaino anao Aho; ary tamin’ny androm-pamonjena, namonjy anao Aho: indro, ankehitriny no fotoana tsara; indro, ankehitriny no androm-pamonjena

1Tesaloniana 5:3

Amin’ilay hanaovan’ny olona hoe: Fiadanana sy fandriam-pahalemana re izany! Iny indrindra no hilatsahan’ny fandringanana tampoka amin’izy ireo, tahaka ny fihetsehan-jaza amin’ny bevohoka, ka tsy ho afa-mandositra izy.

2Timoty 2:26

ka hody ny sainy, ary ho afaka amin’ny fandriky ny demony izy, izay nanao azy sambo-belona mba hanao ny sitrapony.

1Petera 2:12

Manaova fitondran-tena tsara eo afovoan’ny Jentily, mba hankalazany an’Andriamanitra amin’ny andron’ny famangiana, rehefa hitany ny asa soa ataonareo, na dia amin’ny zavatra anaovany anareo ho mpanao ratsy aza.

2Petera 2:12

Fa izy ireo kosa dia sahy maniratsira ny zava-tsy fantany akory, mova tsy ny biby tsy manan-tsaina natao ho fisambotra sy famono fotsiny, ka dia ho very amin’ny fahalotoany izy ireo: