Mpitoriteny 8:7 - Baiboly Katolika

⁷ Tsy mahalala izay ho avy izy; ary iza no hilaza aminy, na hanao ahoana na hanao ahoana no hiavian’izany?

Baiboly Protestanta Malagasy 2011

⁷ Fa tsy mahafantatra izay ho avy izy, sady iza no hampahafantatra azy izay hiavian’izany?

DIEM PROTESTANTA

⁷ Tsy fantany akory izay zavatra ho avy. Iza no hampahafantatra azy ny ho fitrangan’izany?

Dikateny Iombonana Eto Madagasikara

⁷ Tsy fantany akory izay zavatra ho avy. Iza no hampahafantatra azy ny ho fitrangan’izany?

Baiboly Protestanta Malagasy

⁷ Fa tsy mahafantatra izay ho avy izy; fa iza no hampahafantatra azy izay hihaviany?

Malagasy Bible

⁷ Fa tsy mahafantatra izay ho avy izy; fa iza no hampahafantatra azy izay hihaviany?

La Bible en Malgache

⁷ Fa tsy mahafantatra izay ho avy izy, sady iza no hampahafantatra azy izay hiavian’izany?

Mpitoriteny 8:7 Rohy Ifampitohizana

Ohabolana 24:22

Fa hidona tampoka ny lozan’ireny, ary iza moa no mahalala izay hanjò azy isany?

Ohabolana 27:1

Aza mirehareha ny amin’ny ho ampitso; fa tsy fantatrao izay havoakan’ny andro manaraka.

Ohabolana 29:1

Ny olona tandrifin’ny hanarina, ka mihamafy hatoka, dia ho torotoro tampoka tsy hisy fanafody hahasitrana.

Mpitoriteny 10:14

Mampitombo ny teny ho maro, ny adala!... Tsy fantatry ny olona izay ho avy; ary iza no hilaza aminy izay ho avy any aoriany?

Mpitoriteny 3:22

Ka dia hitako fa tsy misy soa ho an’ny olombelona, mihoatra ny mifaly ao amin’ny asany; fa izany no anjarany. Fa aiza moa no mety hahafantarany izay ho avy any aoriany?

Mpitoriteny 6:12

Satria, iza tokoa moa no mahalala, izay soa ho an’ny olona amin’ity fiainana ity; dia amin’izao andro foana iainany izao, izay andalovany toy ny fihelin’ny aloka? Ary zovy no mahalaza amin’ny olona, izay zavatra ho avy any aoriana, atỳ ambany masoandro?

Mpitoriteny 7:14

Mifalia, amin’ny andron’ny fahasambarana, ary mieritrereta, amin’ny andron’ny fahoriana: fa samy nataon’Andriamanitra ireo, mba tsy hahafantaran’ny olona izay tsy maintsy hihatra aminy.

Mpitoriteny 9:1

Nasiako raharaha tokoa izao rehetra izao ary hitako tsara izao rehetra izao: Eo an-tanan’Andriamanitra ny marina sy ny hendry mbamin’ny asany rehetra; tsy misy fantatry ny olombelona na ny fitiavana na ny fankahalana; eo anoloany avokoa ny zavatra rehetra.

Mpitoriteny 9:12

Fa ny fotoanany aza tsy fantatry ny olombelona; toy ny hazandrano latsaka am-bovo tsy azo ialana, sy toy ny vorona voan’ny fandrika, tahaka azy ireo koa ny zanak’olombelona dia voafadiditra amin’ny androm-pahoriana, raha avy izay iantsamboran-doza tampoka aminy.

Matio 24:44

Koa aoka àry ho vonona koa ianareo, fa ho avy amin’ny ora tsy ampoizinareo ny Zanak’olona.»

Matio 24:50

dia ho avy amin’ny andro tsy ampoiziny sy amin’ny ora tsy fantany ny tompon’izany mpanompo izany,