Mpitoriteny 7:16 - Baiboly Katolika

¹⁶ Aza dia marin-doatra, ary aza dia miseho ho hendry loatra: ahoana no hitadiavanao hamono tena?

Baiboly Protestanta Malagasy 2011

¹⁶ Aza marina loatra ary aza miseho ho hendry loatra; nahoana no hosimbanao ny tenanao?

DIEM PROTESTANTA

¹⁶ Aoka tsy ho marina loatra na diso hendry koa. Nahoana no manimba tena ianao?

Dikateny Iombonana Eto Madagasikara

¹⁶ Aoka tsy ho marina loatra na diso hendry koa. Nahoana no manimba tena ianao?

Baiboly Protestanta Malagasy

¹⁶ Aza marina loatra, ary aza miseho ho hendry loatra; nahoana noho simbanao ny tenanao?

Malagasy Bible

¹⁶ Aza marina loatra, ary aza miseho ho hendry loatra; nahoana noho simbanao ny tenanao?

La Bible en Malgache

¹⁶ Aza marina loatra ary aza miseho ho hendry loatra; nahoana no hosimbanao ny tenanao?

Mpitoriteny 7:16 Rohy Ifampitohizana

Genesisy 3:6

Ary hitan-dravehivavy fa ny voan’ilay hazo dia fihinana, mahatehijery sy mendrika hoirîna mba hahazoana fahiratan-tsaina; nioty tamin’ny voany izy, dia nihinana ary nomeny koa ny vadiny izay niaraka taminy, ary nihinana izy.

Joba 11:12

Amin’ny fandinihina izany, na ny adala aza hahazo hevitra, na ny zanak’ampondra dia aza, ho tonga manan-tsaina.

Joba 28:28

Izay Izy vao nilaza tamin’ny olombelona nanao hoe: ‹Ny fahatahorana ny Tompo, dia izay no fahendrena, ny mandositra ny ratsy, dia izay no fahalalana› ».

Ohabolana 23:4

Aza miferinaina ho tonga mpanan-karena, fadio ny mandà ny ron-doha amin’izany.

Ohabolana 25:16

Raha tojo tantely ianao, ny sahaza anao ihany hanina, fandrao voky azy ianao, ka handoa azy indray.

Mpitoriteny 12:12

Ary raha teny mihoatra noho izao kosa, anaka, aoka ho efa voaanatra ianao. Fa ny manampy manampy boky ihany, tsy hisy farany; ary ny fianarana be koa, fanasaran-tena.

Matio 23:29

Mila loza ianareo, ry mpanora-dalàna sy Farisianina mpihatsaravelatsihy, fa manamboatra ny fasan’ny mpaminany ianareo sady manisy haingony ny tsangam-baton’ny olo-marina

Matio 23:38

Indro fa avela aminareo ho trano lao ny tranonareo.

Matio 23:5

Ny mba ho hitan’ny olona ihany no anaovany ny asany rehetra, ka dia filakitera lehibebe kokoa sy somotraviavin-damba lavalava kokoa noho ny an’ny olona no entiny.

Matio 9:14

Tamin’izay, dia nankao aminy ny mpianatr’i Joany, ka nanao hoe: «Nahoana izahay sy ny Farisianina no mifady hanina matetika, fa ny mpianatrao kosa no tsy mba mifady?»

Lioka 18:12

mifady hanina indroa isan-kerinandro aho, ary mandoa ny ampahafolon’ny fananako rehetra.›

Romana 10:2

Fa vavolombelon’ny fahazotoany ho an’Andriamanitra aho, saingy fahazotoana tsy ara-pahalalana ny azy;

Romana 11:25

Fa mba tsy hanaovanareo ny tenanareo ho hendry, dia tsy tiako tsy ho fantatrao, ry hava-malala, izao zava-miafina izao: nilatsaka amin’ny hajambana ny sasany amin’i Israely, mandra-piditry ny hafenoan’ny Jentily.

Romana 12:3

Noho ny fahasoavana nomena ahy, dia izao no lazaiko aminareo tsirairay avy: Aza mihevi-tena mihoatra noho ny mety, fa samia mahalala ny antonona azy, araka ny anjara finoana nomen’Andriamanitra azy avy.

1Korintiana 3:18

Aza misy mamita-tena; fa raha misy aminareo manao ny tenany ho hendry amin’izao tontolo izao, dia aoka ho adala izy mba ho hendry.

1Korintiana 3:20

ary koa hoe: «Fantatry ny Tompo ny hevitry ny hendry, ary fantany fa zava-poana izany.»

Filipiana 3:6

mpanenjika ny Eglizy, raha ny amin’ny zotom-po; tsy nanan-tsiny, raha ny amin’ny fahamarinana ny amin’ny Lalàna.

Kolosiana 2:18

Aoka ianareo tsy ho voasakan’olona tsy hahazo ny lokan’ady, amin’ny fitaomana anareo ho amin’ny fanetren-tena tsy izy, sy amin’ny fanompoana ny Anjely, dia olona mitompo amin’ny zavatra hitany, hono, sady feno fiavonavonana erỳ ao amin’ny fisainany manaraka ny nofo,

Kolosiana 2:23

sady toa misy fahendrena no fijery azy, raha araka izato fombam-panompoana noforoniny, sy izato fanetrena amam-panivàna ny tena asehony, kanjo tsy misy na inona na inona akory, fa fampanaranana ny nofo foana no tadiavina aminy.

1Timoty 4:3

handrara tsy hanambady izy, ary hampifady ny hanina nataon’Andriamanitra horaisin’ny mpino sy ny mpahalala ny marina amim-pisaorana.

Apokalipsy 18:19

Sady nanisy vovoka ny lohany izy ireo no nitomany sy nigogogogo, nanao hoe: «Loza ity! loza ity! fa ilay tanàna lehibe, nampanan-karena ny nanan-tsambo rehetra teny amin’ny ranomasina noho ny zava-tsarobidy tao aminy lahy, ka levona ora iray monja!»