Mpitoriteny 7:15 - Baiboly Katolika

¹⁵ Izao rehetra izao no efa samy hitako, tamin’ny andron’ny hatsinontsinoko. Misy marina, maty amin’ny fahamarinany; ary misy ratsy fanahy ela velona amin’ny faharatsiany!

Baiboly Protestanta Malagasy 2011

¹⁵ Izao rehetra izao dia efa hitako tamin’ny androko mandalo foana: misy marina maty noho ny fahamarinany ary misy meloka ela velona noho ny faharatsiany.

DIEM PROTESTANTA

¹⁵ Nandritra ny androm-piainako mihelina no nahatsapako fa mety hitranga ny zava-drehetra. Misy olo-marina maty, satria olo-marina izy; kanefa misy olon-dratsy ela velona, satria ratsy toetra izy.

Dikateny Iombonana Eto Madagasikara

¹⁵ Nandritra ny androm-piainako mihelina no nahatsapako fa mety hitranga ny zava-drehetra. Misy olo-marina maty, satria olo-marina izy; kanefa misy olon-dratsy ela velona, satria ratsy toetra izy.

Baiboly Protestanta Malagasy

¹⁵ Izao rehetra izao dia efa hitako tamin’ny androko mandalo foana: misy marina maty amin’ny hamarinany; ary misy meloka ela velona amin’ny haratsiany.

Malagasy Bible

¹⁵ Izao rehetra izao dia efa hitako tamin'ny androko mandalo foana: misy marina maty amin'ny hamarinany; ary misy meloka ela velona amin'ny haratsiany.

La Bible en Malgache

¹⁵ Izao rehetra izao dia efa hitako tamin’ny androko mandalo foana: misy marina maty noho ny fahamarinany ary misy meloka ela velona noho ny faharatsiany.

Mpitoriteny 7:15 Rohy Ifampitohizana

Genesisy 47:9

Ka hoy i Jakôba tamin’i Faraôna: «Telopolo amby zato taona no andron’ny fivahiniako. Sady fohy no ratsy ny andro niainako, fa tsy nahatratra ny andro niainan’ny razako tamin’ny fivahiniany.»

1Mpanjaka 21:13

ary nandroso ho eo anatrehany ny olona roa lahy zanak’i Beliala. Ary niampanga an’i Nabôta teo anatrehan’ny vahoaka ireo olon’i Beliala nanao hoe: «Nanozona an’Andriamanitra sy ny mpanjaka i Nabôta!» Dia nentin’izy ireo nankany ivelan-tanàna izy, notoraham-bato ka maty.

Salamo 10:3

Mirehareha amin’ny fitsiriritany ny ratsy fanahy; manamavo an’i Iaveh ny mpandroba mandoza.

Salamo 39:6

Nataonao vody voampelatanana monja ny androko; ary toy ny tsinontsinona eo anatrehanao ny fiainako. Eny, tso-drivotra foana avokoa, ny olombelona velona. - Selà

Mpitoriteny 2:23

Fa ny androny, fahoriana avokoa, ny rahalahiny, fahasorisorenana fotsiny. Ny alina avy no tsy itsaharan’ny fony: Zava-poana ihany koa izany.

Mpitoriteny 3:16

Izao koa no hitako, tatỳ ambany masoandro: Ny fiketraham-pitsarana araka ny rariny, dia ipetrahan’ny faharatsiana, ary ho solon’ny fahamarinana dia ao ny tsy fahamarinana.

Mpitoriteny 6:12

Satria, iza tokoa moa no mahalala, izay soa ho an’ny olona amin’ity fiainana ity; dia amin’izao andro foana iainany izao, izay andalovany toy ny fihelin’ny aloka? Ary zovy no mahalaza amin’ny olona, izay zavatra ho avy any aoriana, atỳ ambany masoandro?

Mpitoriteny 9:9

Miadàna amin’izao fiainanao izao miaraka amin’ny vady tianao, mandritra ny andro tsinontsinona rehetra iainanao izay nomen’Andriamanitra anao atỳ ambany masoandro, dia mandritra ny andro foana rehetra izay anao, fa izany no anjaranao amin’ity fiainana ity, sy amin’ny asa ataonao atỳ ambany masoandro.

Isaia 65:20

Tsy hisy intsony ao na ny zaza teraka ho fohy andro iainana, na ny anti-panahy tsy mahatratra ny isan’ny androny; fa mbola maty tanora ihany ny maty amin’ny fahazato taonany, ary efa zato taona ny mpanota vao ho tratry ny ozona.

Jaona 16:2

Fa horoahiny amin’ny sinagoga ianareo ary ho avy aza ny andro hiheveran’izay rehetra hamono anareo ho manao fanompoana an’Andriamanitra.

Asan’ny Apostoly 7:52

Zovy moa no mpaminany tsy nenjehin’ny razanareo? Novonoiny hatramin’izay nilaza rahateo ny hahatongavan’ilay Marina aza; ary ankehitriny indray ianareo dia namadika sy namono Azy.