Mpitoriteny 5:17 - Baiboly Katolika

¹⁷ Ka izao no hitako: Tsara sy mety ho an’ny olona ny mihinana sy misotro, ary ny mahazo miadana amin’ny asa rehetra ataony, izay imasoany atỳ ambany masoandro, mandritra ny andro iainany, omen’Andriamanitra azy; fa izany no anjarany.

Baiboly Protestanta Malagasy 2011

¹⁷ Indro, efa hitako izay soa sy izay tsara, dia ny mihinana sy misotro ary mifaly amin’ny fisasarana rehetra izay isasaran’ny olona etỳ ambanin’ny masoandro mandritra ny andro vitsy omen’Andriamanitra azy hiainany; fa izany no anjarany.

DIEM PROTESTANTA

¹⁷ Izao no tsapako fa tsara: mety ho an’ny olona ny mihinana sy ny misotro ary ny mifaly amin’ny vokatry ny asany mandritra ny androm-piainana omen’Andriamanitra azy; satria izany no anjarany.

Dikateny Iombonana Eto Madagasikara

¹⁷ Izao no tsapako fa tsara: mety ho an’ny olona ny mihinana sy ny misotro ary ny mifaly amin’ny vokatry ny asany mandritra ny androm-piainana omen’Andriamanitra azy; satria izany no anjarany.

Baiboly Protestanta Malagasy

¹⁷ Indro, efa hitako izay soa sy izay tsara, dia ny mihinana sy misotro ary mifaly amin’ny fisasarana rehetra izay isasaran’ny olona atỳ ambanin’ny masoandro amin’izay andro vitsy iainany omen’Andriamanitra azy; fa izany no anjarany.

Malagasy Bible

¹⁷ Indro, efa hitako izay soa sy izay tsara, dia ny mihinana sy misotro ary mifaly amin'ny fisasarana rehetra izay isasaran'ny olona atỳ ambanin'ny masoandro amin'izay andro vitsy iainany omen'Andriamanitra azy; fa izany no anjarany.

La Bible en Malgache

¹⁷ Indro, efa hitako izay soa sy izay tsara, dia ny mihinana sy misotro ary mifaly amin’ny fisasarana rehetra izay isasaran’ny olona etỳ ambanin’ny masoandro mandritra ny andro vitsy omen’Andriamanitra azy hiainany; fa izany no anjarany.

Mpitoriteny 5:17 Rohy Ifampitohizana

Genesisy 3:17

Dia hoy izy tamin-dralehilahy: «Noho ianao nihaino ny tenin’ny vadinao, ka nihinana tamin’ny hazo norarako tsy hihinananao, dia voaozona ny tany noho ny nataonao. Asa mahasasatra no hahazoanao hanina aminy mandritra ny andro rehetra hiainanao.

1Mpanjaka 17:12

Fa hoy ny navaliny: «Velona i Iaveh Andriamanitrao, tsy misy zavatra masaka ao amiko; lafarina eran-tanan’ila ao am-bilany sy diloilo kely foana ao amin’ny siny no hany ananako. Ary indro aho manangona tapa-kazo roa izao, dia hody hanamboatra izany ho anay mianaka; hohaninay izany, dia ho faty izahay.»

2Mpanjaka 1:2

Ary i Okoziasa potraka avy eny am-baravarankely makarakara, teo amin’ny efitranony ambony, any Samaria, ka narary. Nandefa iraka izy, ary nanao taminy hoe: «Mandehana ianareo manontany amin’i Beela-Zeboba andriamanitr’i Akarôna raha ho sitrana amin’ity aretiko ity aho.»

2Mpanjaka 1:6

Ary hoy ny navalin’ireo taminy: «Nisy lehilahy niakatra nitsena anay, nanao taminay hoe: Mandehana miverina any amin’ny mpanjaka naniraka anareo, ka lazao aminy hoe: Izao no lazain’i Iaveh: Moa ny tsy fisian’Andriamanitra ao amin’i Israely va no anirahanao hanontany amin’i Beela-Zeboba andriamanitr’i Akarona? Noho izany, tsy hidina hiala eo am-parafara niakaranao ianao, fa ho faty mihitsy.»

2Mpanjaka 5:27

Koa hiraikitra aminao sy ny taranakao mandrakizay ny habokan’i Naamàna!» Dia niala teo anatrehan’i Elisea i Giezi ka fotsy hoatry ny oram-panala izy azon’ny habokana.

Joba 21:25

Ny iray kosa maty amin’ny fahorian’ny fanahiny, tsy mba nanandrana izany fiadanana izany akory.

Salamo 102:9

Tsiratsirain’ny rafilahiko tontolo andro aho, ary ny fahavaloko entim-pisafoahany mianiana ny hamono ahy.

Salamo 127:2

Tsy misy vokany ny fifohazanareo mbola tsy mipoaka ny andro, sy ny iaorianam-pandriana, mihinana ny hanim-pahoriana. Fa ny malalany dia omeny tsy latsaka izany eo am-patoriany fotsiny.

Salamo 39:6

Nataonao vody voampelatanana monja ny androko; ary toy ny tsinontsinona eo anatrehanao ny fiainako. Eny, tso-drivotra foana avokoa, ny olombelona velona. - Selà

Salamo 78:33

Ka nataony levona toy ny fofon’aina ny androny, ary notaperiny tampoka ny taonany.

Mpitoriteny 2:10

Izay rehetra nirin’ny masoko, tsy nisy noesoriko taminy; izay mety ho fifaliana, tsy misy nolaviko tamin’ny foko; fa nifaly tamin’ny asako rehetra ny foko, ary izany no anjarako tamin’ny asako rehetra.

Mpitoriteny 2:23

Fa ny androny, fahoriana avokoa, ny rahalahiny, fahasorisorenana fotsiny. Ny alina avy no tsy itsaharan’ny fony: Zava-poana ihany koa izany.

Mpitoriteny 2:24

Tsy misy soa ho an’ny olombelona, mihoatra noho ny mihinana sy misotro, ary ny mampanarana ny fanahiny amin’ny fiadanana, eo amin’ny fanaovana ny asany. Izany indray koa efa hitako fa avy amin’ny tanan’Andriamanitra.

Mpitoriteny 7:14

Mifalia, amin’ny andron’ny fahasambarana, ary mieritrereta, amin’ny andron’ny fahoriana: fa samy nataon’Andriamanitra ireo, mba tsy hahafantaran’ny olona izay tsy maintsy hihatra aminy.

Asan’ny Apostoly 12:23

Niaraka tamin’izay, dia nisy Anjelin’ny Tompo namely azy, satria tsy nanome voninahitra an’Andriamanitra izy, ka maty nohanin’ny kankana.