Mpitoriteny 5:13 - Baiboly Katolika

¹³ Fa sendra misy zava-mihatra ka levona izany harena izany; ary raha mitera-dahy ralehilahy, dia tsy manana na inona na inona eo an-tanany.

Baiboly Protestanta Malagasy 2011

¹³ sady levona izany harena izany noho ny fampiasany azy tamin’ny asa ratsy, dia miteraka zazalahy izy nefa tsy misy na inona na inona eny an-tanany.

DIEM PROTESTANTA

¹³ Very harena tamin-javatra mamohehatra izy ary tsy nanana na inona intsony nony tera-dahy.

Dikateny Iombonana Eto Madagasikara

¹³ Very harena tamin-javatra mamohehatra izy ary tsy nanana na inona intsony nony tera-dahy.

Baiboly Protestanta Malagasy

¹³ sady levona izany harena izany noho ny loza manjo; ary miteraka zazalahy ralehilahy. nefa tsy misy na inona na inona eny an-tànany,

Malagasy Bible

¹³ sady levona izany harena izany noho ny loza manjo; ary miteraka zazalahy ralehilahy nefa tsy misy na inona na inona eny an-tànany,

La Bible en Malgache

¹³ sady levona izany harena izany noho ny fampiasany azy tamin’ny asa ratsy, dia miteraka zazalahy izy nefa tsy misy na inona na inona eny an-tanany.

Mpitoriteny 5:13 Rohy Ifampitohizana

Genesisy 14:16

Nentiny nody daholo ny fananana; azony koa i Lôta rahalahiny, mbamin’ny fananany, sy ny vehivavy ary ny olona rehetra.

Genesisy 19:14

Dia nivoaka i Lôta, ka nilaza tamin’ny vinantony, izay naka ny zanany vavy ho vadiny, nanao hoe: «Mitsangàna ianareo, mialà amin’ity fitoerana ity, fa horavan’i Iaveh ny tanàna.» Nataon’ireo vinantony ho manao vazivazy anefa izy.

Genesisy 19:26

Niherika ny vadin’i Lôta, ka zary andry sira.

Joba 20:20

Tsy nety nianina ny fahalianany; tsy hoentiny izay maminy indrindra.

Ohabolana 1:19

Izany no lalan’ny olona rehetra fatra-pila harena; fa ny tombom-pihariana maharesy an’izay mitana azy.

Ohabolana 1:32

Fa ny faniasiavan’ny tsy mahalala no mamono azy, ary ny tokin’ny tsy misy saina no mahavery azy.

Ohabolana 11:4

Ny harena tsy mahasoa amin’ny andron’ny fahatezerana; fa ny fahamarinana no manafaka amin’ny fahafatesana.

Ohabolana 23:4

Aza miferinaina ho tonga mpanan-karena, fadio ny mandà ny ron-doha amin’izany.

Ohabolana 27:24

fa ny harena tsy maharitra mandrakizay, na ny satroboninahitra amin’ny taona mifandimby.

Mpitoriteny 4:8

Misy olona mitoetra irery, ka tsy misy anankiray hafa miaraka aminy, tsy zanaka, tsy rahalahy, kanefa aza lava tsy misy farany ny azy, ary tsy afa-dian-karena ny masony: Ho an’iza àry ity iasako, sy tsy ampananako fiadanana ny fanahiko? Zava-poana koa izany, ary lahasa ratsy.

Mpitoriteny 5:14

Ny toetra nivoahany avy ao an-kibon-dreniny no hiverenany ao, dia mitanjaka toy ny niaviany avy ao ihany; fa tsy hahazo na inona na inona avy amin’ny asany, ho azony entina eny an-tanany.

Mpitoriteny 8:9

Nahita izany rehetra izany aho; fa nentiko mandinika ny zavatra rehetra atao atỳ ambany masoandro, ny saiko, amin’ny andro anapahan’olona iray, ny olon-kafa, ka ampidirany loza aminy.

Isaia 2:20

Amin’izany andro izany, dia harian’ny olona ny sampiny volafotsy sy volamena, izay nataony hivavahany, ho an’ny voalavo sy ny ramanavy;

Zefania 1:18

Tsy hisy hahavonjy azy na ny volafotsiny na ny volamenany, amin’ny andron’ny fisafoahan’i Iaveh; holevonin’ny fahasaro-piarony avokoa ny tany; fa hataony rava tsy misy miangana, ataony fongotra tampoka, ny mponina rehetra amin’ny tany.

Lioka 16:19

«Nisy mpanan-karena anankiray niakanjo jaky sy rongonim-bazaha madinika, sady nanao fihinanam-be isan’andro.

Lioka 19:8

Fa i Zake kosa nijoro nanao tamin’ny Tompo hoe: «Tompoko, indro ny antsasaky ny fananako omeko ny mahantra, ary raha misy zavatr’olona nalaiko tsy an-drariny dia honerako inefatra hoatra azy.»