Mpitoriteny 3:11 - Baiboly Katolika

¹¹ Ka ny zavatra rehetra samy nataon’Andriamanitra ho tsara amin’ny fotoany avy: ny mandrakizay nataony ao am-pon’izy ireo koa, nefa tsy azon’ny olombelona fantarina ny asa ataon’Andriamanitra hatramin’ny fiandohany ka hatramin’ny fiafaràny.

Baiboly Protestanta Malagasy 2011

¹¹ Ny zavatra rehetra dia samy nataony ho mendrika amin’ny fotoanany avy; ary ny mandrakizay dia efa nataony tao am-pony, kanefa tsy hitan’ny olona ny asan’Andriamanitra na hatramin’ny voalohany na hatramin’ny farany.

DIEM PROTESTANTA

¹¹ fa nataon’Andriamanitra ho tsara amin’ny fotoany avy ny zava-drehetra. Nomeny antsika koa ny fanirian-kahafantatra ny lasa sy ny hoavy. Nefa tsy ho fantatry ny olombelona ny asan’Andriamanitra ankapobe hatramin’ny voalohany ka hatramin’ny farany.

Dikateny Iombonana Eto Madagasikara

¹¹ fa nataon’Andriamanitra ho tsara amin’ny fotoany avy ny zava-drehetra. Nomeny antsika koa ny fanirian-kahafantatra ny lasa sy ny hoavy. Nefa tsy ho fantatry ny olombelona ny asan’Andriamanitra ankapobe hatramin’ny voalohany ka hatramin’ny farany.

Baiboly Protestanta Malagasy

¹¹ Ny zavatra rehetra samy nataony ho mendrika amin’ny fotoany avy; ary ny mandrakizay dia efa nataony tao am-pony, kanefa tsy hitan’ny olona ny asan’Andriamanitra hatramin’ny voalohany ka hatramin’ny farany.

Malagasy Bible

¹¹ Ny zavatra rehetra samy nataony ho mendrika amin'ny fotoany avy; ary ny mandrakizay dia efa nataony tao am-pony, kanefa tsy hitan'ny olona ny asan'Andriamanitra hatramin'ny voalohany ka hatramin'ny farany.

La Bible en Malgache

¹¹ Ny zavatra rehetra dia samy nataony ho mendrika amin’ny fotoanany avy; ary ny mandrakizay dia efa nataony tao am-pony, kanefa tsy hitan’ny olona ny asan’Andriamanitra na hatramin’ny voalohany na hatramin’ny farany.

Mpitoriteny 3:11 Rohy Ifampitohizana

Genesisy 1:31

Ary hitan’Andriamanitra izay rehetra nataony, ka tsara indrindra izany. Ary nisy hariva sy nisy maraina: izay no andro fahenina.

Joba 11:7

Mihambo hanakatra ny halalinan’Andriamanitra va ianao, sy hahatratra ny fahalavorarian’ny Tsitoha?

Joba 37:23

Ny Tsitoha tsy azontsika takarina, fa lehibe amin’ny hery, amin’ny rariny, amin’ny fahamarinana; tsy mamoaka izay nataony na amin’iza na amin’iza Izy.

Joba 5:9

Manao zava-dehibe tsy takatry ny saina Izy, zava-mahagaga tsy tambo hisaina.

Salamo 104:24

Akory ity hamaroan’ny asanao, ry Iaveh; nataonao tamim-pahendrena izy rehetra. Henika ny harenao ny tany.

Ohabolana 16:4

Nataon’i Iaveh ho amin’ny antony kendreny avokoa ny zavatra rehetra; ary na ny ratsy fanahy aza ho amin’ny andro mahory koa.

Mpitoriteny 1:13

ary nampiasa ny saiko aho, hikaroka sy hamantatra amin’ny fahendrena, ny zavatra rehetra atao atỳ ambany masoandro: asa manasatra izany, nefa asain’Andriamanitra ilofosan’ny zanak’olombelona.

Mpitoriteny 11:5

Toy ny tsy ahalalanao ny lalan’ny rivotra sy ny fomba fiforonan’ny taolana ao am-bohoka, no tsy ahalalanao ny asan’Andriamanitra izay manao ny zavatra rehetra.

Mpitoriteny 7:13

Jereo ange ny asan’Andriamanitra: Zovy moa no hahahitsy izay nomelohiny?

Mpitoriteny 7:23

Hitako tamin’ny fahendrena, fa marina izany rehetra izany; dia hoy aho: Ho hendry aho! kanjo nitoetra lavitra ahy ny fahendrena.

Mpitoriteny 8:17

hitako fa hain’olombelona fantarina ny asa atao atỳ ambany masoandro; misasatra mitady ny olombelona fa tsy mahita, na maniry te-hahalala aza ny hendry dia tsy mahatakatra koa.

Matio 11:27

Efa nomen’ny Raiko Ahy ny zavatra rehetra, ary tsy misy mahalala ny Zanaka afa-tsy ny Ray; ary tsy misy mahalala ny Ray afa-tsy ny Zanaka sy izay tian’ny Zanaka hanehoana Azy.

Matio 13:22

Ilay nafafy tany anaty tsilo no izay mandre ny teny, fa ny fiahiana izao fiainana izao sy ny fitaky ny harena, mamono ny teny ao aminy, ka tonga tsy mamoa izy.

Marka 7:37

sady talanjona loatra izy ireo ka nanao hoe: «Tsara avokoa ny zavatra rehetra nataony, fa nampalady ny marenina Izy ary nampiteny ny moana.»

Romana 1:28

Ary noho izy nanao tsirambina ny hahalala tsara an’Andriamanitra, dia navelan’Andriamanitra kosa izy hoentin’ny hevi-dratsiny hanao izay tsy tokony hatao,

Romana 11:33

Endrey, lalina tsy manam-paharitana ny fahendrena amam-pahaizan’Andriamanitra, tsy azo fantarina ny fitsaràny, ary tsy takatry ny saina ny lalany!

Deoteronomia 32:4

Ny vatolampy, lavorary ny asany, ara-drariny ny lalany rehetra; fa Andriamanitra mahatoky sy tsy misy ratsy Izy; marina sy mahitsy.