Mpitoriteny 2:26 - Baiboly Katolika

²⁶ Fa ny olona izay tsara eo imasony dia omeny ny fahendrena amam-pahaizana ary fifaliana. Ny omeny ny mpanota kosa, dia ny mikarakara ny famoriana amam-panavosàna zavatra mba hisy omeny an’izay olona tsara eo imason’Andriamanitra. Ary zava-poana ihany koa izany sady fanenjehan-drivotra.

Baiboly Protestanta Malagasy 2011

²⁶ Ny olona izay ankasitrahan’Andriamanitra dia omeny fahendrena sy fahalalana ary fifaliana; fa ny mpanota kosa dia ampiasainy hanangona sy hamory mba hisy homeny ho an’izay ankasitrahan’Andriamanitra. Izany koa dia zava-poana sy sambo-drivotra avokoa.

DIEM PROTESTANTA

²⁶ Eny, izay olona sitrak’Andriamanitra no omeny fahakingana sy ny fahaizana ary ny fifaliana. Fa izay mpanota kosa dia asainy manangona sy mamory mba hisy homeny an’izay sitrak’Andriamanitra. Mbola zava-poana sy manenji-drivotra koa izany.

Dikateny Iombonana Eto Madagasikara

²⁶ Eny, izay olona sitrak’Andriamanitra no omeny fahakingana sy ny fahaizana ary ny fifaliana. Fa izay mpanota kosa dia asainy manangona sy mamory mba hisy homeny an’izay sitrak’Andriamanitra. Mbola zava-poana sy manenji-drivotra koa izany.

Baiboly Protestanta Malagasy

²⁶ Fa ny olona izay ankasitrahan’Andriamanitra dia omeny fahendrena sy fahalalana ary fifaliana; fa ny mpanota kosa ampiasainy hanangona sy hahory, mba hisy homeny izay ankasitrahan’Andriamanitra. Zava-poana sy misambo-drivotra foana koa izany.

Malagasy Bible

²⁶ Fa ny olona izay ankasitrahan'Andriamanitra dia omeny fahendrena sy fahalalana ary fifaliana; fa ny mpanota kosa ampiasainy hanangona sy hamory, mba hisy homeny izay ankasitrahan'Andriamanitra. Zava-poana sy misambo-drivotra foana koa izany.

La Bible en Malgache

²⁶ Ny olona izay ankasitrahan’Andriamanitra dia omeny fahendrena sy fahalalana ary fifaliana; fa ny mpanota kosa dia ampiasainy hanangona sy hamory mba hisy homeny ho an’izay ankasitrahan’Andriamanitra. Izany koa dia zava-poana sy sambo-drivotra avokoa.

Mpitoriteny 2:26 Rohy Ifampitohizana

Genesisy 7:1

Hoy i Iaveh tamin’i Nôe: «Midira ao an-tsambo fiara ianao sy ny ankohonanao rehetra, fa amin’izao olona miara-belona aminao izao, dia ianao no hitako ho olo-marina eo anatrehako.

Joba 32:8

Kanefa ny fanahy napetraka ao anatin’ny olombelona, dia ny fofon’ain’ny Tsitoha no manome ny fahazavan-tsaina.

Joba 38:36

Iza no nametraka fahendrena tao anatin’ny rahona, sy nanome fahalalana ny zava-mitranga amin’ny habakabaka?

Salamo 39:6

Nataonao vody voampelatanana monja ny androko; ary toy ny tsinontsinona eo anatrehanao ny fiainako. Eny, tso-drivotra foana avokoa, ny olombelona velona. - Selà

Salamo 51:6

Taminao irery ihany no nanotako; nanao izay ratsy eo imasonao aho, mba ho hitan’ny olona fa marina Ianao amin’ny teny fitsaranao.

Ohabolana 13:22

Ny mpanao soa mamela lova ho an’ny zanaky ny zanany; fa ny haren’ny mpanota kosa, voatendry ho an’ny marina.

Ohabolana 2:6

Fa i Iaveh no manome ny fahendrena; avy amin’ny Vavany no ivoahan’ny fahaizana amam-pahamalinana.

Ohabolana 28:8

Izay manangon-karena amin’ny zana-bola amam-pilàn-tombony be loatra, dia manangona izany ho an’izay miantra ny mahantra.

Mpitoriteny 1:13

ary nampiasa ny saiko aho, hikaroka sy hamantatra amin’ny fahendrena, ny zavatra rehetra atao atỳ ambany masoandro: asa manasatra izany, nefa asain’Andriamanitra ilofosan’ny zanak’olombelona.

Mpitoriteny 1:14

Nodinihiko avokoa ny zavatra atao etỳ ambany masoandro, ka indro, zava-poana amam-panenjehan-drivotra daholo.

Mpitoriteny 2:25

Zovy tokoa moa, raha tsy misy azy, no ho afa-mihinana sy miarana amin’ny fiadanana?

Mpitoriteny 3:10

Nodinihiko ny asa asain’Andriamanitra isasaran’ny zanak’olombelona;

Lioka 1:6

Samy marina teo imason’Andriamanitra izy mivady, sady nitondra tena tsy nanan-tsiny tamin’ny didy sy ny tenin’ny Tompo rehetra.

Jaona 16:24

Mandraka ankehitriny dia mbola tsy nangataka na inona na inona tamin’ny Anarako ianareo; mangataha àry, dia hahazo ianareo, ka ho tanteraka ny fifalianareo.

Jakoba 3:17

Fa ny fahendrena avy any ambony kosa dia madio aloha, ary koa tia fihavanana, mandefitra, mora toroana, be indrafo amana vokatsoa, tsy miangatra, tsy mihatsaravelatsihy.