Mpitoriteny 2:14 - Baiboly Katolika

¹⁴ Ny mason’ny hendry dia eo an-dohany, fa ny adala kosa mandeha amin’ny maizina.

Baiboly Protestanta Malagasy 2011

¹⁴ Ny mason’ny hendry dia eo an-dohany, fa ny adala kosa dia mandeha ao amin’ny maizina; nefa izaho dia mahita fa mitovy ihany ny manjo azy roa tonta.

DIEM PROTESTANTA

¹⁴ Satria ny hendry mahita ny tokony halehany, fa ny adala kosa miraparapa ao anaty haizina. Nefa fantatro koa fa mitovy ihany ny hanjo azy roa tonta.

Dikateny Iombonana Eto Madagasikara

¹⁴ Satria ny hendry mahita ny tokony halehany, fa ny adala kosa miraparapa ao anaty haizina. Nefa fantatro koa fa mitovy ihany ny hanjo azy roa tonta.

Baiboly Protestanta Malagasy

¹⁴ Ny mason’ny hendry dia eo an-dohany; fa ny adala kosa mandeha amin’ny maizina; nefa hitako fa mitovy ihany ny manjo azy roa tonta.

Malagasy Bible

¹⁴ Ny mason'ny hendry dia eo an-dohany; fa ny adala kosa mandeha amin'ny maizina; nefa hitako fa mitovy ihany ny manjo azy roa tonta.

La Bible en Malgache

¹⁴ Ny mason’ny hendry dia eo an-dohany, fa ny adala kosa dia mandeha ao amin’ny maizina; nefa izaho dia mahita fa mitovy ihany ny manjo azy roa tonta.

Mpitoriteny 2:14 Rohy Ifampitohizana

Salamo 19:10

Masina ny fahatahorana an’i Iaveh, ka maharitra mandrakizay; marina ny fitsipik’i Iaveh, ka mahitsy avokoa.

Salamo 49:10

mba hahavelona azy mandrakizay ka tsy hahitany ny fasana na oviana na oviana.

Salamo 49:11

Tsy maintsy ho hitany: Ny olon-kendry maty; ny adala aman-ketrina koa levona torak’izany, ka mamela ny fananany ho an’ny hafa.

Ohabolana 14:8

Fahendren’ny olo-malina, ny nahafantatra ny lalany; fahadalan’ny adala ny fitaka.

Ohabolana 17:24

Ny olona manan-tsaina dia manana ny fahendrena eo anoloany; fa ny mason’ny adala dia any am-paran’ny tany.

Mpitoriteny 2:16

Fa ny fahatsiarovana ny hendry, dia tsy mandrakizay, toy ny an’ny adala ihany koa; hatramin’ny andro vao manaraka dia samy hohadinoina ihany izy roa tonta. Hanky ny hendry mba maty tahaka ny adala!

Mpitoriteny 3:19

Fa ny anjaran’ny zanak’olombelona, dia ny anjaran’ny biby, iray ihany no anjaran’izy roa tonta; toy ny ahafatesan’ny iray, no ahafatesan’ny iray koa; fofon’aina iray no an’izy roa tonta; ka tsy misy ihoaran’ny olombelona amin’ny biby, fa samy zava-poana ny zavatra rehetra.

Mpitoriteny 6:6

Ka na ho velona roa arivo taona aza izy nefa tsy miarana amin’ny fahasambarana, tsy samy ho any amin’ny fitoerana iray ihany va ny zava-drehetra?

Mpitoriteny 6:8

Fa inona no soa azon’ny hendry mihoatra noho ny an’ny adala? inona no soa azon’ny mahantra mahay mitondra tena eo imason’ny velona?

Mpitoriteny 7:2

Aleo mankany an-trano misy fisaonana, toy izay mankany an-trano misy fanasana; satria itsy voalohany ny isehoan’ny hiafaran’ny olombelona, ka atodiky ny velona hieritreritra an’izany ny fony.

Mpitoriteny 8:1

Iza moa no tahaka ny hendry, ary zovy no mahalala ny anton-javatra, toa azy? Ampamirapiratin’ny fahendren’ny olona ny tarehiny, ary ny tarehiny marokoroko dia voaova.

Mpitoriteny 9:11

Nihodina aho, ary hitako atỳ ambany masoandro fa ny fihazakazahana tsy an’ny faingan-tongotra; na ny ady an’ny mahery fo na ny hanina an’ny hendry na ny harena an’ny mahalala na ny tombon-tsoa an’ny mahay fa samy voan’ny fotoana aman-tsampona avokoa izy rehetra.

Mpitoriteny 9:16

Ary hoy aho: Aleo fahendrena toy izay hery; nefa hamavoin’ny olona ny fahendren’ny mahantra, ary tsy henoina akory ny teniny.

1Jaona 2:11

Fa izay mankahala ny namany dia ao anatin’ny haizina sy mandeha amin’ny maizina, ka tsy mahalala izay halehany, fa voajamban’ny haizina ny masony.